൨-൩-൧. സഹേതുകദുകാദി-കുസലത്തികം

൩൩. നസഹേതുകം നകുസലം ധമ്മം പടിച്ച നസഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം, ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ…പേ… നസഹേതുകം നകുസലം ധമ്മം പടിച്ച നഅഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. നസഹേതുകം നകുസലം ധമ്മം പടിച്ച നസഹേതുകോ നകുസലോ ച നഅഹേതുകോ നകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅഹേതുകം നകുസലം ധമ്മം പടിച്ച നഅഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നസഹേതുകം നകുസലഞ്ച നഅഹേതുകം നകുസലഞ്ച ധമ്മം പടിച്ച നസഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ നവ.

൩൪. നസഹേതുകം നഅകുസലം ധമ്മം പടിച്ച നസഹേതുകോ നഅകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നഅഹേതുകം നഅകുസലം ധമ്മം പടിച്ച നഅഹേതുകോ നഅകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നസഹേതുകം നഅകുസലഞ്ച നഅഹേതുകം നഅകുസലഞ്ച ധമ്മം പടിച്ച നസഹേതുകോ നഅകുസലോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ നവ.

൩൫. നസഹേതുകം നഅബ്യാകതം ധമ്മം പടിച്ച നഅഹേതുകോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

നഅഹേതുകം നഅബ്യാകതം ധമ്മം പടിച്ച നഅഹേതുകോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

നസഹേതുകം നഅബ്യാകതഞ്ച നഅഹേതുകം നഅബ്യാകതഞ്ച ധമ്മം പടിച്ച നഅഹേതുകോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി.

(ഹേതുസമ്പയുത്തദുകം സഹേതുകദുകസദിസം.)