൧-൪-൬. കുസലത്തിക-ഹേതുസഹേതുകാദിദുകാനി

൬. നകുസലം നഹേതുഞ്ചേവ നഅഹേതുകഞ്ച ധമ്മം പടിച്ച അകുസലോ ഹേതു ചേവ സഹേതുകോ ച ധമ്മോ ഉപ്പജ്ജതി ഹേതുപച്ചയാ. നകുസലം നഹേതുഞ്ചേവ നഅഹേതുകഞ്ച ധമ്മം പടിച്ച അബ്യാകതോ ഹേതു ചേവ സഹേതുകോ ച ധമ്മോ ഉപ്പജ്ജതി ഹേതുപച്ചയാ. ദ്വേ.

(നഅകുസലേ ദ്വേ, നഅബ്യാകതേ ദ്വേ. പഠമം ഗണിതകേന ഏകം, ദുതിയം ഗണിതകേന ഏകം, തതിയം ഗണിതകേന ഏകം, സബ്ബത്ഥ നവ പഞ്ഹാ.)

നകുസലം നഅഹേതുകഞ്ചേവ ന ച ഹേതും ധമ്മം പടിച്ച അകുസലോ സഹേതുകോ ചേവ ന ച ഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൭. നകുസലം നഹേതുഞ്ചേവ നഹേതുവിപ്പയുത്തഞ്ച ധമ്മം പടിച്ച അകുസലോ ഹേതു ചേവ ഹേതുസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

നകുസലം നഹേതുവിപ്പയുത്തഞ്ചേവ നനഹേതുഞ്ച ധമ്മം പടിച്ച അകുസലോ ഹേതുസമ്പയുത്തോ ചേവ ന ച ഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൮. നകുസലം നഹേതും നസഹേതുകം ധമ്മം പടിച്ച അബ്യാകതോ നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൯. നകുസലം നഹേതും നഅഹേതുകം ധമ്മം പടിച്ച അകുസലോ നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

നഅകുസലം നഹേതും നഅഹേതുകം ധമ്മം പടിച്ച അബ്യാകതോ നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

നഅബ്യാകതം നഹേതും നഅഹേതുകം ധമ്മം പടിച്ച അബ്യാകതോ നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧) (ഗണിതകേന തീണി പഞ്ഹാ.)… ഹേതുയാ ഛ.