൧-൨. കുസലത്തിക-വിപാകത്തികം

൯. അബ്യാകതം വിപാകം ധമ്മം പടിച്ച നകുസലോ നവിപാകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൦. കുസലം വിപാകധമ്മധമ്മം പടിച്ച നകുസലോ നവിപാകധമ്മധമ്മോ ഉപ്പജ്ജതി ഹേതുപച്ചയാ. കുസലം വിപാകധമ്മധമ്മം പടിച്ച നഅകുസലോ നവിപാകധമ്മധമ്മോ ഉപ്പജ്ജതി ഹേതുപച്ചയാ. കുസലം വിപാകധമ്മധമ്മം പടിച്ച നകുസലോ നവിപാകധമ്മധമ്മോ ച നഅകുസലോ നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അകുസലം വിപാകധമ്മധമ്മം പടിച്ച നഅകുസലോ നവിപാകധമ്മധമ്മോ ഉപ്പജ്ജതി ഹേതുപച്ചയാ. അകുസലം വിപാകധമ്മധമ്മം പടിച്ച നകുസലോ നവിപാകധമ്മധമ്മോ ഉപ്പജ്ജതി ഹേതുപച്ചയാ. അകുസലം വിപാകധമ്മധമ്മം പടിച്ച നകുസലോ നവിപാകധമ്മധമ്മോ ച നഅകുസലോ നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (൩) …ഹേതുയാ ഛ.

൧൧. അബ്യാകതം നേവവിപാകനവിപാകധമ്മധമ്മം പടിച്ച നകുസലോ നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. അബ്യാകതം നേവവിപാകനവിപാകധമ്മധമ്മം പടിച്ച നഅകുസലോ നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. അബ്യാകതം നേവവിപാകനവിപാകധമ്മധമ്മം പടിച്ച നകുസലോ നനേവവിപാകനവിപാകധമ്മധമ്മോ ച നഅകുസലോ നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.