൧-൪. കുസലത്തിക-ഹേതുസഹേതുകദുകം

൧൧. കുസലം ഹേതുഞ്ചേവ സഹേതുകഞ്ച ധമ്മം പടിച്ച നഅകുസലോ നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുഞ്ചേവ സഹേതുകഞ്ച ധമ്മം പടിച്ച നഅബ്യാകതോ നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുഞ്ചേവ സഹേതുകഞ്ച ധമ്മം പടിച്ച നഅകുസലോ നഹേതു ചേവ നഅഹേതുകോ ച നഅബ്യാകതോ നഹേതു ചേവ നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം ഹേതുഞ്ചേവ സഹേതുകഞ്ച ധമ്മം പടിച്ച നകുസലോ നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം ഹേതുഞ്ചേവ സഹേതുകഞ്ച ധമ്മം പടിച്ച നകുസലോ നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. അബ്യാകതം ഹേതുഞ്ചേവ സഹേതുകഞ്ച ധമ്മം പടിച്ച നഅകുസലോ നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. അബ്യാകതം ഹേതുഞ്ചേവ സഹേതുകഞ്ച ധമ്മം പടിച്ച നകുസലോ നഹേതു ചേവ നഅഹേതുകോ ച നഅകുസലോ നഹേതു ചേവ നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ.

൧൨. കുസലം സഹേതുകഞ്ചേവ ന ച ഹേതും ധമ്മം പടിച്ച നഅകുസലോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. കുസലം സഹേതുകഞ്ചേവ ന ച ഹേതും ധമ്മം പടിച്ച നഅബ്യാകതോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. കുസലം സഹേതുകഞ്ചേവ ന ച ഹേതും ധമ്മം പടിച്ച നഅകുസലോ നഅഹേതുകോ ചേവ നനഹേതു ച നഅബ്യാകതോ നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. തീണി.

അകുസലം സഹേതുകഞ്ചേവ ന ച ഹേതും ധമ്മം പടിച്ച നകുസലോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. അകുസലം സഹേതുകഞ്ചേവ ന ച ഹേതും ധമ്മം പടിച്ച നഅബ്യാകതോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. അകുസലം സഹേതുകഞ്ചേവ ന ച ഹേതും ധമ്മം പടിച്ച നഅകുസലോ നഅഹേതുകോ ചേവ നനഹേതു ച നഅബ്യാകതോ നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. തീണി.

അബ്യാകതം സഹേതുകഞ്ചേവ ന ച ഹേതും ധമ്മം പടിച്ച നകുസലോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. അബ്യാകതം സഹേതുകഞ്ചേവ ന ച ഹേതും ധമ്മം പടിച്ച നഅകുസലോ നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. അബ്യാകതം സഹേതുകഞ്ചേവ ന ച ഹേതും ധമ്മം പടിച്ച നകുസലോ നഅഹേതുകോ ചേവ നനഹേതു ച നഅകുസലോ നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. തീണി.