൧-൫. കുസലത്തിക-ഹേതുഹേതുസമ്പയുത്തദുകം

൧൩. കുസലം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഅകുസലോ നഹേതു ചേവ നഹേതുവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഅബ്യാകതോ നഹേതു ചേവ നഹേതുവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഅകുസലോ നഹേതു ചേവ നഹേതുവിപ്പയുത്തോ ച നഅബ്യാകതോ നഹേതു ചേവ നഹേതുവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. തീണി.

(അകുസലം തീണി കാതബ്ബം, അബ്യാകതം തീണി കാതബ്ബം.)

ഹേതുയാ നവ.

൧൪. കുസലം ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഅകുസലോ നഹേതുവിപ്പയുത്തോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഅബ്യാകതോ നഹേതുവിപ്പയുത്തോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. കുസലം ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഅകുസലോ നഹേതുവിപ്പയുത്തോ ചേവ നനഹേതു ച നഅബ്യാകതോ നഹേതുവിപ്പയുത്തോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. തീണി.

അകുസലം ഹേതുസമ്പയുത്തഞ്ചേവ ന ച ഹേതും ധമ്മം പടിച്ച… തീണി. അബ്യാകതം… തീണി. ഹേതുയാ നവ.