൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൧. നീവരണവിപ്പയുത്തം നീവരണിയം കുസലം ധമ്മം പടിച്ച നീവരണവിപ്പയുത്തോ നീവരണിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

നീവരണവിപ്പയുത്തം അനീവരണിയം കുസലം ധമ്മം പടിച്ച നീവരണവിപ്പയുത്തോ അനീവരണിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൨. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം).

(സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ.)

൩൩. നീവരണവിപ്പയുത്തം നീവരണിയം അബ്യാകതം ധമ്മം പടിച്ച നീവരണവിപ്പയുത്തോ നീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

നീവരണവിപ്പയുത്തം അനീവരണിയം അബ്യാകതം ധമ്മം പടിച്ച നീവരണവിപ്പയുത്തോ അനീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നീവരണവിപ്പയുത്തം നീവരണിയം അബ്യാകതഞ്ച നീവരണവിപ്പയുത്തം അനീവരണിയം അബ്യാകതഞ്ച ധമ്മം പടിച്ച നീവരണവിപ്പയുത്തോ നീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൪. ഹേതുയാ പഞ്ച, ആരമ്മണേ ദ്വേ…പേ… വിപാകേ പഞ്ച (സംഖിത്തം).

(സഹജാതവാരേപി …പേ… പഞ്ഹാവാരേപി സബ്ബത്ഥ വിത്ഥാരേതബ്ബം.)

നീവരണഗോച്ഛകകുസലത്തികം നിട്ഠിതം.