൫൦-൧. പരാമാസദുക-കുസലത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. നോപരാമാസം കുസലം ധമ്മം പടിച്ച നോപരാമാസോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൩. പരാമാസം അകുസലം ധമ്മം പടിച്ച നോപരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

നോപരാമാസം അകുസലം ധമ്മം പടിച്ച നോപരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

പരാമാസം അകുസലഞ്ച നോപരാമാസം അകുസലഞ്ച ധമ്മം പടിച്ച നോപരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൪. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച (സംഖിത്തം).

നഹേതുയാ ഏകം, നഅധിപതിയാ പഞ്ച, നപുരേജാതേ പഞ്ച, നപച്ഛാജാതേ പഞ്ച…പേ… (സംഖിത്തം). (സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

൫. നോപരാമാസോ അകുസലോ ധമ്മോ നോപരാമാസസ്സ അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൬. ഹേതുയാ തീണി, ആരമ്മണേ നവ, അധിപതിയാ നവ…പേ… അവിഗതേ പഞ്ച (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

൭. നോപരാമാസം അബ്യാകതം ധമ്മം പടിച്ച നോപരാമാസോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൮. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൫൧-൧. പരാമട്ഠദുക-കുസലത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൯. പരാമട്ഠം കുസലം ധമ്മം പടിച്ച പരാമട്ഠോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

അപരാമട്ഠം കുസലം ധമ്മം പടിച്ച അപരാമട്ഠോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൦. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം).

(സഹജാതവാരോപി …പേ… പഞ്ഹാവാരോപി വിത്ഥാരേതബ്ബാ.)

൧൧. പരാമട്ഠം അകുസലം ധമ്മം പടിച്ച പരാമട്ഠോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൧൨. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൩. പരാമട്ഠം അബ്യാകതം ധമ്മം പടിച്ച പരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അപരാമട്ഠം അബ്യാകതം ധമ്മം പടിച്ച അപരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

പരാമട്ഠം അബ്യാകതഞ്ച അപരാമട്ഠം അബ്യാകതഞ്ച ധമ്മം പടിച്ച പരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൪. ഹേതുയാ പഞ്ച, ആരമ്മണേ ദ്വേ…പേ… ആസേവനേ ഏകം…പേ… അവിഗതേ പഞ്ച (സംഖിത്തം). (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൫൨-൧. പരാമാസസമ്പയുത്തദുക-കുസലത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൫. പരാമാസവിപ്പയുത്തം കുസലം ധമ്മം പടിച്ച പരാമാസവിപ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൧൬. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി …പേ… പഞ്ഹാവാരേപി സബ്ബത്ഥ ഏകം.)

൧൭. പരാമാസസമ്പയുത്തം അകുസലം ധമ്മം പടിച്ച പരാമാസസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

പരാമാസവിപ്പയുത്തം അകുസലം ധമ്മം പടിച്ച പരാമാസവിപ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൮. ഹേതുയാ ദ്വേ, ആരമ്മണേ ദ്വേ (സബ്ബത്ഥ ദ്വേ)…പേ… അവിഗതേ ദ്വേ (സംഖിത്തം).

നഹേതുയാ ഏകം, നഅധിപതിയാ ദ്വേ (സബ്ബത്ഥ ദ്വേ)…പേ… നവിപ്പയുത്തേ ദ്വേ (സംഖിത്തം). (സഹജാതവാരോപി…പേ… സമ്പയുത്തവാരോപി വിത്ഥാരേതബ്ബാ.)

൧൯. പരാമാസസമ്പയുത്തോ അകുസലോ ധമ്മോ പരാമാസസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ. (൧)

പരാമാസവിപ്പയുത്തോ അകുസലോ ധമ്മോ പരാമാസവിപ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൨൦. ഹേതുയാ ദ്വേ, ആരമ്മണേ ചത്താരി, അധിപതിയാ ചത്താരി (മജ്ഝിമേ ച അന്തേ ച ആരമ്മണാധിപതി), അനന്തരേ ദ്വേ…പേ… സഹജാതേ ദ്വേ…പേ… ഉപനിസ്സയേ ചത്താരി, ആസേവനേ ദ്വേ, കമ്മേ ദ്വേ, ആഹാരേ ദ്വേ…പേ… മഗ്ഗേ ദ്വേ…പേ… അവിഗതേ ദ്വേ (സംഖിത്തം).

൨൧. പരാമാസവിപ്പയുത്തം അബ്യാകതം ധമ്മം പടിച്ച പരാമാസവിപ്പയുത്തോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൨. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൫൩-൧. പരാമാസപരാമട്ഠദുക-കുസലത്തികം

൧-൭. പടിച്ചവാരാദി

പച്ചയചതുക്കം

൨൩. പരാമട്ഠഞ്ചേവ നോ ച പരാമാസം കുസലം ധമ്മം പടിച്ച പരാമട്ഠോ ചേവ നോ ച പരാമാസോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൪. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൫. പരാമാസഞ്ചേവ പരാമട്ഠഞ്ച അകുസലം ധമ്മം പടിച്ച പരാമട്ഠോ ചേവ നോ ച പരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ… ഏകം.

പരാമട്ഠഞ്ചേവ നോ ച പരാമാസം അകുസലം ധമ്മം പടിച്ച പരാമട്ഠോ ചേവ നോ ച പരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

പരാമാസഞ്ചേവ പരാമട്ഠം അകുസലഞ്ച പരാമട്ഠഞ്ചേവ നോ ച പരാമാസം അകുസലഞ്ച ധമ്മം പടിച്ച പരാമട്ഠോ ചേവ നോ ച പരാമാസോ അകുസലോ ധമ്മോ ഉപ്പജ്ജതി ഹേതുപച്ചയാ… ഏകം (സംഖിത്തം).

൨൬. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

൨൭. പരാമട്ഠോ ചേവ നോ ച പരാമാസോ അകുസലോ ധമ്മോ പരാമട്ഠസ്സ ചേവ നോ ച പരാമാസസ്സ അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൨൮. ഹേതുയാ തീണി, ആരമ്മണേ നവ, അധിപതിയാ നവ…പേ… അവിഗതേ പഞ്ച (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

൨൯. പരാമട്ഠഞ്ചേവ നോ ച പരാമാസം അബ്യാകതം ധമ്മം പടിച്ച പരാമട്ഠോ ചേവ നോ ച പരാമാസോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൩൦. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം). (സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൫൪-൧. പരാമാസവിപ്പയുത്തപരാമട്ഠദുക-കുസലത്തികം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൧. പരാമാസവിപ്പയുത്തം പരാമട്ഠം കുസലം ധമ്മം പടിച്ച പരാമാസവിപ്പയുത്തോ പരാമട്ഠോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

പരാമാസവിപ്പയുത്തം അപരാമട്ഠം കുസലം ധമ്മം പടിച്ച പരാമാസവിപ്പയുത്തോ അപരാമട്ഠോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൨. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. ലോകിയലോകുത്തരദുകസദിസം. സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ.)

൩൩. പരാമാസവിപ്പയുത്തം പരാമട്ഠം അകുസലം ധമ്മം പടിച്ച പരാമാസവിപ്പയുത്തോ പരാമട്ഠോ അകുസലോ ധമ്മോ ഉപ്പജ്ജതി ഹേതുപച്ചയാ (സബ്ബത്ഥ ഏകം).

൩൪. പരാമാസവിപ്പയുത്തം പരാമട്ഠം അബ്യാകതം ധമ്മം പടിച്ച പരാമാസവിപ്പയുത്തോ പരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

പരാമാസവിപ്പയുത്തം അപരാമട്ഠം അബ്യാകതം ധമ്മം പടിച്ച പരാമാസവിപ്പയുത്തോ അപരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

പരാമാസവിപ്പയുത്തം പരാമട്ഠം അബ്യാകതഞ്ച പരാമാസവിപ്പയുത്തം അപരാമട്ഠം അബ്യാകതഞ്ച ധമ്മം പടിച്ച പരാമാസവിപ്പയുത്തോ പരാമട്ഠോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൫. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. ലോകിയദുകസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

പരാമാസഗോച്ഛകകുസലത്തികം നിട്ഠിതം.