൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാദി

൯. സഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

അഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

സഹേതുകം അകുസലഞ്ച അഹേതുകം അകുസലഞ്ച ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

സഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ആരമ്മണപച്ചയാ. സഹേതുകം അകുസലം ധമ്മം പടിച്ച അഹേതുകോ അകുസലോ ധമ്മോ ഉപ്പജ്ജതി ആരമ്മണപച്ചയാ. സഹേതുകം അകുസലം ധമ്മം പടിച്ച സഹേതുകോ അകുസലോ ച അഹേതുകോ അകുസലോ ച ധമ്മാ ഉപ്പജ്ജന്തി ആരമ്മണപച്ചയാ. (൩)

അഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ആരമ്മണപച്ചയാ. (൧)

സഹേതുകം അകുസലഞ്ച അഹേതുകം അകുസലഞ്ച ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി ആരമ്മണപച്ചയാ. (൧)

സഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി അധിപതിപച്ചയാ (സംഖിത്തം).

൧൦. ഹേതുയാ തീണി, ആരമ്മണേ പഞ്ച, അധിപതിയാ ഏകം, അനന്തരേ പഞ്ച, സമനന്തരേ പഞ്ച, സഹജാതേ പഞ്ച, അഞ്ഞമഞ്ഞേ പഞ്ച, നിസ്സയേ പഞ്ച, ഉപനിസ്സയേ പഞ്ച, പുരേജാതേ പഞ്ച, ആസേവനേ പഞ്ച, കമ്മേ പഞ്ച, ആഹാരേ പഞ്ച, ഇന്ദ്രിയേ പഞ്ച, ഝാനേ പഞ്ച, മഗ്ഗേ പഞ്ച, സമ്പയുത്തേ പഞ്ച, വിപ്പയുത്തേ പഞ്ച, അത്ഥിയാ പഞ്ച, നത്ഥിയാ പഞ്ച, വിഗതേ പഞ്ച, അവിഗതേ പഞ്ച (സംഖിത്തം).

നഹേതു-നഅധിപതിപച്ചയാ

൧൧. സഹേതുകം അകുസലം ധമ്മം പടിച്ച അഹേതുകോ അകുസലോ ധമ്മോ ഉപ്പജ്ജതി നഹേതുപച്ചയാ. (൧)

സഹേതുകം അകുസലം ധമ്മം പടിച്ച സഹേതുകോ അകുസലോ ധമ്മോ ഉപ്പജ്ജതി നഅധിപതിപച്ചയാ (സംഖിത്തം).

൧൨. നഹേതുയാ ഏകം, നഅധിപതിയാ പഞ്ച, നപുരേജാതേ പഞ്ച, നപച്ഛാജാതേ പഞ്ച, നആസേവനേ പഞ്ച, നകമ്മേ തീണി, നവിപാകേ പഞ്ച, നവിപ്പയുത്തേ പഞ്ച (സംഖിത്തം).

ഹേതുപച്ചയാ നഅധിപതിയാ തീണി (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)