൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാദി

൧൩. സഹേതുകോ അകുസലോ ധമ്മോ സഹേതുകസ്സ അകുസലസ്സ ധമ്മസ്സ ഹേതുപച്ചയേന പച്ചയോ… ദ്വേ.

സഹേതുകോ അകുസലോ ധമ്മോ സഹേതുകസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

അഹേതുകോ അകുസലോ ധമ്മോ അഹേതുകസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

സഹേതുകോ അകുസലോ ച അഹേതുകോ അകുസലോ ച ധമ്മാ സഹേതുകസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

സഹേതുകോ അകുസലോ ധമ്മോ സഹേതുകസ്സ അകുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി (സംഖിത്തം).

൧൪. ഹേതുയാ ദ്വേ, ആരമ്മണേ നവ, അധിപതിയാ ഏകം, അനന്തരേ നവ, സമനന്തരേ നവ, സഹജാതേ പഞ്ച, അഞ്ഞമഞ്ഞേ പഞ്ച, നിസ്സയേ പഞ്ച, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ തീണി, സമ്പയുത്തേ പഞ്ച, അത്ഥിയാ പഞ്ച, നത്ഥിയാ നവ, വിഗതേ നവ, അവിഗതേ പഞ്ച (സംഖിത്തം).

പച്ചനീയുദ്ധാരോ

൧൫. സഹേതുകോ അകുസലോ ധമ്മോ സഹേതുകസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൧൬. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ ദ്വേ (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)