൧-൬. പടിച്ചവാരാദി

പച്ചയചതുക്കം

ഹേതുപച്ചയാദി

൪൪. ഹേതും അബ്യാകതം ധമ്മം പടിച്ച ഹേതു അബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതും അബ്യാകതം ധമ്മം പടിച്ച ഹേതു അബ്യാകതോ ച നഹേതു അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. (൩)

൪൫. നഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

ഹേതും അബ്യാകതഞ്ച നഹേതും അബ്യാകതഞ്ച ധമ്മം പടിച്ച ഹേതു അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

൪൬. ഹേതും അബ്യാകതം ധമ്മം പടിച്ച ഹേതു അബ്യാകതോ ധമ്മോ ഉപ്പജ്ജതി ആരമ്മണപച്ചയാ (സംഖിത്തം).

൪൭. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ നവ, ആസേവനേ നവ, കമ്മേ നവ, വിപാകേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ നവ, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (അനുലോമം).

നഹേതു-നആരമ്മണപച്ചയാ

൪൮. നഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നഹേതുപച്ചയാ. (൧)

൪൯. ഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

നഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

ഹേതും അബ്യാകതഞ്ച നഹേതും അബ്യാകതഞ്ച ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

നഅധിപതിപച്ചയാദി

൫൦. ഹേതും അബ്യാകതം ധമ്മം പടിച്ച ഹേതു അബ്യാകതോ ധമ്മോ ഉപ്പജ്ജതി നഅധിപതിപച്ചയാ… നവ…പേ….

൫൧. ഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നകമ്മപച്ചയാ. (൧)

നഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നകമ്മപച്ചയാ. (൧)

ഹേതും അബ്യാകതഞ്ച നഹേതും അബ്യാകതഞ്ച ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നകമ്മപച്ചയാ. (൧)

൫൨. നഹേതും അബ്യാകതം ധമ്മം പടിച്ച നഹേതു അബ്യാകതോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ (സംഖിത്തം).

൫൩. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി (പച്ചനീയം).

ഹേതുപച്ചയാ നആരമ്മണേ തീണി, നഅധിപതിയാ നവ (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ ഏകം (സംഖിത്തം, പച്ചനീയാനുലോമം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)