൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൧൨൧. ഹേതും വിപാകധമ്മധമ്മം പടിച്ച ഹേതു വിപാകധമ്മധമ്മോ ഉപ്പജ്ജതി ഹേതുപച്ചയാ. ഹേതും വിപാകധമ്മധമ്മം പടിച്ച നഹേതു വിപാകധമ്മധമ്മോ ഉപ്പജ്ജതി ഹേതുപച്ചയാ. ഹേതും വിപാകധമ്മധമ്മം പടിച്ച ഹേതു വിപാകധമ്മധമ്മോ ച നഹേതു വിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും വിപാകധമ്മധമ്മം പടിച്ച നഹേതു വിപാകധമ്മധമ്മോ ഉപ്പജ്ജതി ഹേതുപച്ചയാ… തീണി.

ഹേതും വിപാകധമ്മധമ്മഞ്ച നഹേതും വിപാകധമ്മധമ്മഞ്ച പടിച്ച ഹേതു വിപാകധമ്മധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൧൨൨. ഹേതുയാ നവ, ആരമ്മണേ നവ, അധിപതിയാ നവ…പേ… കമ്മേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ നവ, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

നഹേതു-നഅധിപതിപച്ചയാ

൧൨൩. നഹേതും വിപാകധമ്മധമ്മം പടിച്ച ഹേതു വിപാകധമ്മധമ്മോ ഉപ്പജ്ജതി നഹേതുപച്ചയാ. (൧)

൧൨൪. ഹേതും വിപാകധമ്മധമ്മം പടിച്ച ഹേതു വിപാകധമ്മധമ്മോ ഉപ്പജ്ജതി നഅധിപതിപച്ചയാ… നവ.

നപുരേജാതപച്ചയാദി

൧൨൫. ഹേതും വിപാകധമ്മധമ്മം പടിച്ച ഹേതു വിപാകധമ്മധമ്മോ ഉപ്പജ്ജതി നപുരേജാതപച്ചയാ… നവ… നപച്ഛാജാതപച്ചയാ… നവ… നആസേവനപച്ചയാ… നവ.

൧൨൬. ഹേതും വിപാകധമ്മധമ്മം പടിച്ച നഹേതു വിപാകധമ്മധമ്മോ ഉപ്പജ്ജതി നകമ്മപച്ചയാ. (൧)

നഹേതും വിപാകധമ്മധമ്മം പടിച്ച നഹേതു വിപാകധമ്മധമ്മോ ഉപ്പജ്ജതി നകമ്മപച്ചയാ. (൧)

ഹേതും വിപാകധമ്മധമ്മഞ്ച നഹേതും വിപാകധമ്മധമ്മഞ്ച പടിച്ച നഹേതു വിപാകധമ്മധമ്മോ ഉപ്പജ്ജതി നകമ്മപച്ചയാ. (൧) (സംഖിത്തം.)

൧൨൭. നഹേതുയാ ഏകം, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം, പച്ചനീയം).

ഹേതുപച്ചയാ നഅധിപതിയാ നവ (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ ഏകം (സംഖിത്തം, പച്ചനീയാനുലോമം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)