൭. പഞ്ഹാവാരോ

പച്ചയചതുക്കം

ഹേതുപച്ചയാദി

൧൨൮. ഹേതു വിപാകധമ്മധമ്മോ ഹേതുസ്സ വിപാകധമ്മധമ്മസ്സ ഹേതുപച്ചയേന പച്ചയോ… തീണി.

൧൨൯. ഹേതു വിപാകധമ്മധമ്മോ ഹേതുസ്സ വിപാകധമ്മധമ്മസ്സ ആരമ്മണപച്ചയേന പച്ചയോ… നവ.

൧൩൦. ഹേതു വിപാകധമ്മധമ്മോ ഹേതുസ്സ വിപാകധമ്മധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… നവ.

൧൩൧. ഹേതു വിപാകധമ്മധമ്മോ ഹേതുസ്സ വിപാകധമ്മധമ്മസ്സ അനന്തരപച്ചയേന പച്ചയോ…പേ… ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ… നവ …ആസേവനപച്ചയേന പച്ചയോ… നവ.

൧൩൨. നഹേതു വിപാകധമ്മധമ്മോ നഹേതുസ്സ വിപാകധമ്മധമ്മസ്സ കമ്മപച്ചയേന പച്ചയോ… തീണി.

നഹേതു വിപാകധമ്മധമ്മോ നഹേതുസ്സ വിപാകധമ്മധമ്മസ്സ ആഹാരപച്ചയേന പച്ചയോ (സംഖിത്തം).

൧൩൩. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം, അനുലോമം).

പച്ചനീയുദ്ധാരോ

൧൩൪. ഹേതു വിപാകധമ്മധമ്മോ ഹേതുസ്സ വിപാകധമ്മധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൧൩൫. നഹേതുയാ നവ, നആരമ്മണേ നവ (സംഖിത്തം, പച്ചനീയം).

ഹേതുപച്ചയാ നആരമ്മണേ തീണി (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ നവ (സംഖിത്തം, പച്ചനീയാനുലോമം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)