൧. വിഭങ്ഗവാരോ

ഹേതുപച്ചയോ

൧൪൯. സപ്പീതികോ ധമ്മോ സപ്പീതികസ്സ ധമ്മസ്സ ഹേതുപച്ചയേന പച്ചയോ – സപ്പീതികാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ…പേ…. സപ്പീതികോ ധമ്മോ അപ്പീതികസ്സ ധമ്മസ്സ ഹേതുപച്ചയേന പച്ചയോ – സപ്പീതികാ ഹേതൂ പീതിയാ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം.) സപ്പീതികാ ഹേതൂ സമ്പയുത്തകാനം ഖന്ധാനം പീതിയാ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

അപ്പീതികോ ധമ്മോ അപ്പീതികസ്സ ധമ്മസ്സ ഹേതുപച്ചയേന പച്ചയോ – അപ്പീതികാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൧൫൦. സപ്പീതികോ ധമ്മോ സപ്പീതികസ്സ ധമ്മസ്സ ആരമ്മണപച്ചയേന പച്ചയോ – സപ്പീതികേ ഖന്ധേ ആരബ്ഭ സപ്പീതികാ ഖന്ധാ ഉപ്പജ്ജന്തി. (മൂലം കാതബ്ബം.) സപ്പീതികേ ഖന്ധേ ആരബ്ഭ അപ്പീതികാ ഖന്ധാ ച പീതി ച ഉപ്പജ്ജന്തി. (മൂലം കാതബ്ബം.) സപ്പീതികേ ഖന്ധേ ആരബ്ഭ സപ്പീതികാ ഖന്ധാ ച പീതി ച ഉപ്പജ്ജന്തി. (൩)

൧൫൧. അപ്പീതികോ ധമ്മോ അപ്പീതികസ്സ ധമ്മസ്സ ആരമ്മണപച്ചയേന പച്ചയോ – അപ്പീതികേന ചിത്തേന ദാനം ദത്വാ സീലം…പേ… ഉപോസഥകമ്മം കത്വാ അപ്പീതികേന ചിത്തേന പച്ചവേക്ഖതി, അസ്സാദേതി അഭിനന്ദതി, തം ആരബ്ഭ അപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി, ദോമനസ്സം ഉപ്പജ്ജതി; അപ്പീതികാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ അപ്പീതികേന ചിത്തേന ഫലം പച്ചവേക്ഖതി, അരിയാ അപ്പീതികേന ചിത്തേന നിബ്ബാനം പച്ചവേക്ഖന്തി, നിബ്ബാനം അപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ പീതിയാ ച ആരമ്മണപച്ചയേന പച്ചയോ; അരിയാ അപ്പീതികേന ചിത്തേന അപ്പീതികേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച അപ്പീതികേന ചിത്തേന അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ അപ്പീതികോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ; അപ്പീതികാ ഖന്ധാ ഇദ്ധിവിധഞാണസ്സ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ പീതിയാ ച ആരമ്മണപച്ചയേന പച്ചയോ; അപ്പീതികേ ഖന്ധേ ച പീതിഞ്ച ആരബ്ഭ അപ്പീതികാ ഖന്ധാ ച പീതി ച ഉപ്പജ്ജന്തി. (൧)

അപ്പീതികോ ധമ്മോ സപ്പീതികസ്സ ധമ്മസ്സ ആരമ്മണപച്ചയേന പച്ചയോ – അപ്പീതികേന ചിത്തേന ദാനം ദത്വാ സീലം…പേ… ഉപോസഥകമ്മം…പേ… സപ്പീതികേന ചിത്തേന പച്ചവേക്ഖതി അസ്സാദേതി അഭിനന്ദതി, തം ആരബ്ഭ സപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി; അപ്പീതികാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ സപ്പീതികേന ചിത്തേന ഫലം പച്ചവേക്ഖതി, അരിയാ സപ്പീതികേന ചിത്തേന നിബ്ബാനം പച്ചവേക്ഖന്തി, നിബ്ബാനം സപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ ആരമ്മണപച്ചയേന പച്ചയോ; അരിയാ സപ്പീതികേന ചിത്തേന അപ്പീതികേ പഹീനേ കിലേസേ…പേ… വിക്ഖമ്ഭിതേ കിലേസേ …പേ… പുബ്ബേ…പേ… ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച സപ്പീതികേന ചിത്തേന അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ സപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി; അപ്പീതികേ ഖന്ധേ ച പീതിഞ്ച ആരബ്ഭ സപ്പീതികാ ഖന്ധാ ഉപ്പജ്ജന്തി. (൨)

അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ ആരമ്മണപച്ചയേന പച്ചയോ – അപ്പീതികേന ചിത്തേന ദാനം ദത്വാ സീലം…പേ… ഉപോസഥകമ്മം…പേ… സപ്പീതികേന ചിത്തേന പച്ചവേക്ഖതി അസ്സാദേതി അഭിനന്ദതി, തം ആരബ്ഭ സപ്പീതികാ ഖന്ധാ ച പീതി ച ഉപ്പജ്ജന്തി, അപ്പീതികാ ഝാനാ…പേ… മഗ്ഗാ…പേ… ഫലാ വുട്ഠഹിത്വാ സപ്പീതികേന ചിത്തേന ഫലം പച്ചവേക്ഖതി, അരിയാ സപ്പീതികേന ചിത്തേന നിബ്ബാനം പച്ചവേക്ഖന്തി, നിബ്ബാനം സപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, പീതിയാ ച ആരമ്മണപച്ചയേന പച്ചയോ; അരിയാ സപ്പീതികേന ചിത്തേന അപ്പീതികേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച സപ്പീതികേന ചിത്തേന അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ സപ്പീതികാ ഖന്ധാ ച പീതി ച ഉപ്പജ്ജന്തി, അപ്പീതികേ ഖന്ധേ ച പീതിഞ്ച ആരബ്ഭ സപ്പീതികാ ഖന്ധാ ച പീതി ച ഉപ്പജ്ജന്തി. (൩)

൧൫൨. സപ്പീതികോ ച അപ്പീതികോ ച ധമ്മാ സപ്പീതികസ്സ ധമ്മസ്സ ആരമ്മണപച്ചയേന പച്ചയോ – സപ്പീതികേ ഖന്ധേ ച പീതിഞ്ച ആരബ്ഭ സപ്പീതികാ ഖന്ധാ ഉപ്പജ്ജന്തി. (മൂലം കാതബ്ബം.) സപ്പീതികേ ഖന്ധേ ച പീതിഞ്ച ആരബ്ഭ അപ്പീതികാ ഖന്ധാ ച പീതി ച ഉപ്പജ്ജന്തി.

(മൂലം കാതബ്ബം.) സപ്പീതികേ ഖന്ധേ ച പീതിഞ്ച ആരബ്ഭ സപ്പീതികാ ഖന്ധാ ച പീതി ച ഉപ്പജ്ജന്തി. (൩)

അധിപതിപച്ചയോ

൧൫൩. സപ്പീതികോ ധമ്മോ സപ്പീതികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സപ്പീതികേ ഖന്ധേ ഗരും കത്വാ സപ്പീതികാ ഖന്ധാ ഉപ്പജ്ജന്തി. സഹജാതാധിപതി – സപ്പീതികാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സപ്പീതികോ ധമ്മോ അപ്പീതികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സപ്പീതികേ ഖന്ധേ ഗരും കത്വാ അപ്പീതികാ ഖന്ധാ ച പീതി ച ഉപ്പജ്ജന്തി. സഹജാതാധിപതി – സപ്പീതികാധിപതി പീതിയാ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

സപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സപ്പീതികേ ഖന്ധേ ഗരും കത്വാ സപ്പീതികാ ഖന്ധാ ച പീതി ച ഉപ്പജ്ജന്തി. സഹജാതാധിപതി – സപ്പീതികാധിപതി സമ്പയുത്തകാനം ഖന്ധാനം പീതിയാ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൧൫൪. അപ്പീതികോ ധമ്മോ അപ്പീതികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അപ്പീതികേന ചിത്തേന ദാനം…പേ… സീലം…പേ… ഉപോസഥകമ്മം…പേ… അപ്പീതികേന ചിത്തേന തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ അപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി; അപ്പീതികാ ഝാനാ…പേ… മഗ്ഗാ…പേ… ഫലാ വുട്ഠഹിത്വാ അപ്പീതികേന ചിത്തേന ഫലം ഗരും കത്വാ പച്ചവേക്ഖതി; അരിയാ അപ്പീതികേന ചിത്തേന നിബ്ബാനം ഗരും കത്വാ പച്ചവേക്ഖന്തി, നിബ്ബാനം അപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച അപ്പീതികേന ചിത്തേന ഗരും കത്വാ അസ്സാദേതി അഭിനന്ദതി, തം ഗരും കത്വാ അപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി, അപ്പീതികേ ഖന്ധേ ച പീതിഞ്ച ഗരും കത്വാ അപ്പീതികാ ഖന്ധാ ച പീതി ച ഉപ്പജ്ജന്തി. സഹജാതാധിപതി – അപ്പീതികാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അപ്പീതികോ ധമ്മോ സപ്പീതികസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അപ്പീതികേന ചിത്തേന ദാനം…പേ… സീലം…പേ… ഉപോസഥകമ്മം…പേ… (സംഖിത്തം) നിബ്ബാനം സപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച സപ്പീതികേന ചിത്തേന ഗരും കത്വാ അസ്സാദേതി അഭിനന്ദതി, തം ഗരും കത്വാ സപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി; അപ്പീതികേ ഖന്ധേ ച പീതിഞ്ച ഗരും കത്വാ സപ്പീതികാ ഖന്ധാ ഉപ്പജ്ജന്തി. (൨)

അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… (സംഖിത്തം) നിബ്ബാനം സപ്പീതികസ്സ ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, പീതിയാ ച അധിപതിപച്ചയേന പച്ചയോ; ചക്ഖും…പേ… വത്ഥും അപ്പീതികേ ഖന്ധേ ച പീതിഞ്ച സപ്പീതികേന ചിത്തേന ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി അപ്പീതികേ ഖന്ധേ ച പീതിഞ്ച ഗരും കത്വാ സപ്പീതികാ ഖന്ധാ ച പീതി ച ഉപ്പജ്ജന്തി. (൩)

൧൫൫. സപ്പീതികോ ച അപ്പീതികോ ച ധമ്മാ സപ്പീതികസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സപ്പീതികേ ഖന്ധേ ച പീതിഞ്ച ഗരും കത്വാ സപ്പീതികാ ഖന്ധാ ഉപ്പജ്ജന്തി. (മൂലം കാതബ്ബം.) സപ്പീതികേ ഖന്ധേ ച പീതിഞ്ച ഗരും കത്വാ അപ്പീതികാ ഖന്ധാ ച പീതി ച ഉപ്പജ്ജന്തി. (മൂലം കാതബ്ബം.) സപ്പീതികേ ഖന്ധേ ച പീതിഞ്ച ഗരും കത്വാ സപ്പീതികാ ഖന്ധാ ച പീതി ച ഉപ്പജ്ജന്തി. (൩)

അനന്തരപച്ചയാദി

൧൫൬. സപ്പീതികോ ധമ്മോ സപ്പീതികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സപ്പീതികാ ഖന്ധാ പച്ഛിമാനം പച്ഛിമാനം സപ്പീതികാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സപ്പീതികാ ഖന്ധാ പച്ഛിമായ പച്ഛിമായ പീതിയാ അനന്തരപച്ചയേന പച്ചയോ – സപ്പീതികം ചുതിചിത്തം അപ്പീതികസ്സ ഉപപത്തിചിത്തസ്സ, സപ്പീതികം ഭവങ്ഗം ആവജ്ജനായ, സപ്പീതികാ ഖന്ധാ അപ്പീതികസ്സ വുട്ഠാനസ്സ, പീതിസഹഗതാ വിപാകമനോവിഞ്ഞാണധാതു കിരിയമനോവിഞ്ഞാണധാതുയാ, സപ്പീതികം ഭവങ്ഗം അപ്പീതികസ്സ ഭവങ്ഗസ്സ, സപ്പീതികം കുസലാകുസലം അപ്പീതികസ്സ വുട്ഠാനസ്സ, കിരിയം വുട്ഠാനസ്സ, ഫലം വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സപ്പീതികാ ഖന്ധാ പച്ഛിമാനം പച്ഛിമാനം സപ്പീതികാനം ഖന്ധാനം പീതിയാ ച അനന്തരപച്ചയേന പച്ചയോ. (൩)

൧൫൭. അപ്പീതികോ ധമ്മോ അപ്പീതികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പീതി പച്ഛിമായ പച്ഛിമായ പീതിയാ അനന്തരപച്ചയേന പച്ചയോ; പുരിമാ പുരിമാ അപ്പീതികാ ഖന്ധാ പച്ഛിമാനം പച്ഛിമാനം അപ്പീതികാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… അപ്പീതികായ ഫലസമാപത്തിയാ പീതിയാ ച അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ പീതി പച്ഛിമാനം പച്ഛിമാനം സപ്പീതികാനം ഖന്ധാനം അനന്തരപച്ചയേന പച്ചയോ; അപ്പീതികം ചുതിചിത്തം സപ്പീതികസ്സ ഉപപത്തിചിത്തസ്സ, ആവജ്ജനാ സപ്പീതികാനം ഖന്ധാനം, അപ്പീതികാ ഖന്ധാ സപ്പീതികസ്സ വുട്ഠാനസ്സ, വിപാകമനോധാതു സപ്പീതികായ വിപാകമനോവിഞ്ഞാണധാതുയാ, അപ്പീതികം ഭവങ്ഗം സപ്പീതികസ്സ ഭവങ്ഗസ്സ, അപ്പീതികം കുസലാകുസലം സപ്പീതികസ്സ വുട്ഠാനസ്സ, കിരിയം വുട്ഠാനസ്സ, ഫലം വുട്ഠാനസ്സ അനന്തരപച്ചയേന പച്ചയോ; നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം സപ്പീതികായ ഫലസമാപത്തിയാ അനന്തരപച്ചയേന പച്ചയോ. (൨)

അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ പീതി പച്ഛിമാനം പച്ഛിമാനം സപ്പീതികാനം ഖന്ധാനം പീതിയാ ച അനന്തരപച്ചയേന പച്ചയോ. (൩)

൧൫൮. സപ്പീതികോ ച അപ്പീതികോ ച ധമ്മാ സപ്പീതികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സപ്പീതികാ ഖന്ധാ ച പീതി ച പച്ഛിമാനം പച്ഛിമാനം സപ്പീതികാനം ഖന്ധാനം അനന്തരപച്ചയേന പച്ചയോ. (൧)

സപ്പീതികോ ച അപ്പീതികോ ച ധമ്മാ അപ്പീതികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സപ്പീതികാ ഖന്ധാ ച പീതി ച പച്ഛിമായ പച്ഛിമായ പീതിയാ അനന്തരപച്ചയേന പച്ചയോ; സപ്പീതികം ചുതിചിത്തഞ്ച പീതി ച അപ്പീതികസ്സ ഉപപത്തിചിത്തസ്സ… സപ്പീതികം ഭവങ്ഗഞ്ച പീതി ച ആവജ്ജനായ… സപ്പീതികാ ഖന്ധാ ച പീതി ച അപ്പീതികസ്സ വുട്ഠാനസ്സ… സപ്പീതികാ വിപാകമനോവിഞ്ഞാണധാതു ച പീതി ച കിരിയമനോവിഞ്ഞാണധാതുയാ… സപ്പീതികം ഭവങ്ഗഞ്ച പീതി ച അപ്പീതികസ്സ ഭവങ്ഗസ്സ… സപ്പീതികം കുസലാകുസലഞ്ച പീതി ച അപ്പീതികസ്സ വുട്ഠാനസ്സ… കിരിയഞ്ച പീതി ച വുട്ഠാനസ്സ… ഫലഞ്ച പീതി ച വുട്ഠാനസ്സ അനന്തരപച്ചയേന പച്ചയോ. (൨)

സപ്പീതികോ ച അപ്പീതികോ ച ധമ്മാ സപ്പീതികസ്സ ച അപ്പീതികസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ സപ്പീതികാ ഖന്ധാ ച പീതി ച പച്ഛിമാനം പച്ഛിമാനം സപ്പീതികാനം ഖന്ധാനം പീതിയാ ച അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ… നവ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൧൫൯. സപ്പീതികോ ധമ്മോ സപ്പീതികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സപ്പീതികാ ഖന്ധാ സപ്പീതികാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം.) സപ്പീതികാ ഖന്ധാ അപ്പീതികാനം ഖന്ധാനം പീതിയാ ച ഉപനിസ്സയപച്ചയേന പച്ചയോ. (മൂലം കാതബ്ബം.) സപ്പീതികാ ഖന്ധാ സപ്പീതികാനം ഖന്ധാനം പീതിയാ ച ഉപനിസ്സയപച്ചയേന പച്ചയോ. (൩)

൧൬൦. അപ്പീതികോ ധമ്മോ അപ്പീതികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അപ്പീതികം സദ്ധം ഉപനിസ്സായ അപ്പീതികേന ചിത്തേന ദാനം ദേതി, സീലം സമാദിയതി, ഉപോസഥകമ്മം കരോതി; അപ്പീതികം ഝാനം…പേ… വിപസ്സനം… മഗ്ഗം… അഭിഞ്ഞം… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; അപ്പീതികം സീലം…പേ… പഞ്ഞം… രാഗം… ദോസം… മോഹം… മാനം… ദിട്ഠിം… പത്ഥനം… കായികം സുഖം… കായികം ദുക്ഖം… ഉതും… ഭോജനം… സേനാസനം… പീതിം ഉപനിസ്സായ അപ്പീതികേന ചിത്തേന ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; അപ്പീതികാ സദ്ധാ…പേ… സേനാസനം പീതി ച അപ്പീതികായ സദ്ധായ…പേ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ ഫലസമാപത്തിയാ പീതിയാ ച ഉപനിസ്സയപച്ചയേന പച്ചയോ. (൧)

അപ്പീതികോ ധമ്മോ സപ്പീതികസ്സ ധമ്മസ്സ ഉപനിസ്സയപച്ചയേന പച്ചയോ (തീണി ഉപനിസ്സയാ). അപ്പീതികം സദ്ധം ഉപനിസ്സായ സപ്പീതികേന ചിത്തേന ദാനം ദേതി…പേ… അപ്പീതികാ ഝാനാ…പേ… മാനം ജപ്പേതി, ദിട്ഠിം ഗണ്ഹാതി; അപ്പീതികം സീലം…പേ… സേനാസനം പീതിം ഉപനിസ്സായ സപ്പീതികേന ചിത്തേന ദാനം ദേതി…പേ… സമാപത്തിം ഉപ്പാദേതി; സപ്പീതികേന ചിത്തേന അദിന്നം ആദിയതി, മുസാ…പേ… പിസുണം…പേ… സമ്ഫം…പേ… സന്ധിം…പേ… നില്ലോപം…പേ… ഏകാഗാരികം…പേ… പരിപന്ഥേ…പേ… പരദാരം…പേ… ഗാമഘാതം…പേ… നിഗമഘാതം കരോതി; അപ്പീതികാ സദ്ധാ…പേ… സേനാസനം പീതി ച സപ്പീതികായ സദ്ധായ…പേ… പഞ്ഞായ രാഗസ്സ, മോഹസ്സ… മാനസ്സ… ദിട്ഠിയാ… പത്ഥനായ… മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ ഉപനിസ്സയപച്ചയേന പച്ചയോ (തീണി ഉപനിസ്സയാ). അപ്പീതികം സദ്ധം ഉപനിസ്സായ സപ്പീതികേന ചിത്തേന ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; അപ്പീതികം സീലം…പേ… സേനാസനം പീതിം ഉപനിസ്സായ സപ്പീതികേന ചിത്തേന ദാനം ദേതി…പേ… സമാപത്തിം ഉപ്പാദേതി; സപ്പീതികേന ചിത്തേന അദിന്നം ആദിയതി…പേ… (ദുതിയവാരസദിസം) നിഗമഘാതം കരോതി; അപ്പീതികാ സദ്ധാ…പേ… സേനാസനം പീതി ച സപ്പീതികായ സദ്ധായ…പേ… പഞ്ഞായ… രാഗസ്സ… മോഹസ്സ… മാനസ്സ… ദിട്ഠിയാ… പത്ഥനായ… മഗ്ഗസ്സ, ഫലസമാപത്തിയാ പീതിയാ ച ഉപനിസ്സയപച്ചയേന പച്ചയോ. (൩)

സപ്പീതികോ ച അപ്പീതികോ ച ധമ്മാ സപ്പീതികസ്സ ധമ്മസ്സ ഉപനിസ്സയപച്ചയേന പച്ചയോ (തീണിപി ഉപനിസ്സയാ). സപ്പീതികാ ഖന്ധാ ച പീതി ച സപ്പീതികാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം.) സപ്പീതികാ ഖന്ധാ ച പീതി ച അപ്പീതികാനം ഖന്ധാനം പീതിയാ ച ഉപനിസ്സയപച്ചയേന പച്ചയോ. (മൂലം കാതബ്ബം.) സപ്പീതികാ ഖന്ധാ ച പീതി ച സപ്പീതികാനം ഖന്ധാനം പീതിയാ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൧൬൧. അപ്പീതികോ ധമ്മോ അപ്പീതികസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അപ്പീതികേന ചിത്തേന അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ അപ്പീതികോ രാഗോ…പേ… ദോമനസ്സം ഉപ്പജ്ജതി, പീതി ഉപ്പജ്ജതി, ദിബ്ബേന ചക്ഖുനാ രൂപം പസ്സതി…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അപ്പീതികാനം ഖന്ധാനം പീതിയാ ച പുരേജാതപച്ചയേന പച്ചയോ. (൧)

അപ്പീതികോ ധമ്മോ സപ്പീതികസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും സപ്പീതികേന ചിത്തേന അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ സപ്പീതികോ രാഗോ ഉപ്പജ്ജതി, ദിട്ഠി ഉപ്പജ്ജതി. വത്ഥുപുരേജാതം – വത്ഥു സപ്പീതികാനം ഖന്ധാനം പുരേജാതപച്ചയേന പച്ചയോ. (൨)

അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും സപ്പീതികേന ചിത്തേന അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ പീതി ച സമ്പയുത്തകാ ഖന്ധാ ച ഉപ്പജ്ജന്തി. വത്ഥുപുരേജാതം – വത്ഥു സപ്പീതികാനം ഖന്ധാനം പീതിയാ ച പുരേജാതപച്ചയേന പച്ചയോ. (൩)

പച്ഛാജാതപച്ചയാദി

൧൬൨. സപ്പീതികോ ധമ്മോ അപ്പീതികസ്സ ധമ്മസ്സ പച്ഛാജാതപച്ചയേന പച്ചയോ… തീണി… ആസേവനപച്ചയേന പച്ചയോ… നവ… കമ്മപച്ചയേന പച്ചയോ… ഛ (സഹജാതാപി നാനാക്ഖണികാപി കാതബ്ബാ… ദ്വേ നാനാക്ഖണികാ)… വിപാകപച്ചയേന പച്ചയോ… നവ… ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… നവ… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ഛ… വിപ്പയുത്തപച്ചയേന പച്ചയോ… പഞ്ച… അത്ഥിപച്ചയേന പച്ചയോ… നവ (സംഖിത്തം. സവിതക്കദുകസദിസം കാതബ്ബം.)… നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ… നവ.