൧. പച്ചയാനുലോമം

൨. സങ്ഖ്യാവാരോ

൧൬൩. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ ഛ, വിപാകേ നവ, ആഹാരേ ചത്താരി, ഇന്ദ്രിയേ ചത്താരി, ഝാനേ നവ, മഗ്ഗേ ചത്താരി, സമ്പയുത്തേ ഛ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൧൬൪. സപ്പീതികോ ധമ്മോ സപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. സപ്പീതികോ ധമ്മോ അപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. സപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൧൬൫. അപ്പീതികോ ധമ്മോ അപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. അപ്പീതികോ ധമ്മോ സപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. അപ്പീതികോ ധമ്മോ സപ്പീതികസ്സ ച അപ്പീതികസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൧൬൬. സപ്പീതികോ ച അപ്പീതികോ ച ധമ്മാ സപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. സപ്പീതികോ ച അപ്പീതികോ ച ധമ്മാ അപ്പീതികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. സപ്പീതികോ ച അപ്പീതികോ ച ധമ്മാ സപ്പീതികസ്സ ച അപ്പീതികസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

(പച്ചനീയവിഭങ്ഗഗണനാപി സവിതക്കദുകസദിസാ. യദിപി ന സമേതി ഇമം അനുലോമം പച്ചവേക്ഖിത്വാ ഗണേതബ്ബം, ഇതരേ ദ്വേ ഗണനാ ഗണേതബ്ബാ.)

സപ്പീതികദുകം നിട്ഠിതം.