൧-൭. പടിച്ചവാരാദി
പച്ചയചതുക്കം
൪൧. കുസലം കേനചി വിഞ്ഞേയ്യം ധമ്മം പടിച്ച കുസലോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. കുസലം കേനചി വിഞ്ഞേയ്യം ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. കുസലം കേനചി വിഞ്ഞേയ്യം ധമ്മം പടിച്ച കുസലോ കേനചി വിഞ്ഞേയ്യോ ച അബ്യാകതോ കേനചി വിഞ്ഞേയ്യോ ച ധമ്മാ ഉപ്പജ്ജന്തി ഹേതുപച്ചയാ. (൩)
അകുസലം കേനചി വിഞ്ഞേയ്യം ധമ്മം പടിച്ച അകുസലോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ… തീണി.
അബ്യാകതം കേനചി വിഞ്ഞേയ്യം ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. (൧)
കുസലം കേനചി വിഞ്ഞേയ്യഞ്ച അബ്യാകതം കേനചി വിഞ്ഞേയ്യഞ്ച ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. (൧)
അകുസലം കേനചി വിഞ്ഞേയ്യഞ്ച അബ്യാകതം കേനചി വിഞ്ഞേയ്യഞ്ച ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. (൧)
൪൨. കുസലം കേനചി വിഞ്ഞേയ്യം ധമ്മം പടിച്ച കുസലോ കേനചി വിഞ്ഞേയ്യോ ധമ്മോ ഉപ്പജ്ജതി ആരമ്മണപച്ചയാ. (൧)
അകുസലം കേനചി വിഞ്ഞേയ്യം ധമ്മം പടിച്ച അകുസലോ കേനചി വിഞ്ഞേയ്യോ ധമ്മോ ഉപ്പജ്ജതി ആരമ്മണപച്ചയാ. (൧)
അബ്യാകതം കേനചി വിഞ്ഞേയ്യം ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)
൪൩. ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം).
പച്ചനീയം
നഹേതുപച്ചയോ
൪൪. അകുസലം കേനചി വിഞ്ഞേയ്യം ധമ്മം പടിച്ച അകുസലോ കേനചി വിഞ്ഞേയ്യോ ധമ്മോ ഉപ്പജ്ജതി നഹേതുപച്ചയാ. (൧)
അബ്യാകതം കേനചി വിഞ്ഞേയ്യം ധമ്മം പടിച്ച അബ്യാകതോ കേനചി വിഞ്ഞേയ്യോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)
൪൫. നഹേതുയാ ദ്വേ, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).
ഹേതുപച്ചയോ
൪൬. കുസലോ കേനചി വിഞ്ഞേയ്യോ ധമ്മോ കുസലസ്സ കേനചി വിഞ്ഞേയ്യസ്സ ധമ്മസ്സ ഹേതുപച്ചയേന പച്ചയോ… തീണി.
അകുസലോ കേനചി വിഞ്ഞേയ്യോ ധമ്മോ അകുസലസ്സ കേനചി വിഞ്ഞേയ്യസ്സ ധമ്മസ്സ ഹേതുപച്ചയേന പച്ചയോ… തീണി.
അബ്യാകതോ കേനചി വിഞ്ഞേയ്യോ ധമ്മോ അബ്യാകതസ്സ കേനചി വിഞ്ഞേയ്യസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)
൪൭. ഹേതുയാ സത്ത, ആരമ്മണേ നവ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).
൪൮. കുസലം നകേനചി വിഞ്ഞേയ്യം ധമ്മം പടിച്ച കുസലോ നകേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ (കേനചിവിഞ്ഞേയ്യസദിസം).
കുസലത്തികചൂളന്തരദുകം നിട്ഠിതം.