൧-൭. കുസലത്തിക-സപ്പച്ചയദുകം

൧-൭. പടിച്ചവാരാദി

പച്ചയചതുക്കം

൧. കുസലം സപ്പച്ചയം ധമ്മം പടിച്ച കുസലോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ. കുസലം സപ്പച്ചയം ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ. കുസലം സപ്പച്ചയം ധമ്മം പടിച്ച കുസലോ സപ്പച്ചയോ ച അബ്യാകതോ സപ്പച്ചയോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം സപ്പച്ചയം ധമ്മം പടിച്ച അകുസലോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം സപ്പച്ചയം ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ. (൧)

കുസലം സപ്പച്ചയഞ്ച അബ്യാകതം സപ്പച്ചയഞ്ച ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സപ്പച്ചയഞ്ച അബ്യാകതം സപ്പച്ചയഞ്ച ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി ഹേതുപച്ചയാ. (൧)

൨. കുസലം സപ്പച്ചയം ധമ്മം പടിച്ച കുസലോ സപ്പച്ചയോ ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം സപ്പച്ചയം ധമ്മം പടിച്ച അകുസലോ സപ്പച്ചയോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം സപ്പച്ചയം ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൩. ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

പച്ചനീയം

നഹേതുപച്ചയോ

൪. അകുസലം സപ്പച്ചയം ധമ്മം പടിച്ച അകുസലോ സപ്പച്ചയോ ധമ്മോ ഉപ്പജ്ജതി നഹേതുപച്ചയാ. (൧)

അബ്യാകതം സപ്പച്ചയം ധമ്മം പടിച്ച അബ്യാകതോ സപ്പച്ചയോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൫. നഹേതുയാ ദ്വേ, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ദ്വേ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ഹേതു-ആരമ്മണപച്ചയാ

൬. കുസലോ സപ്പച്ചയോ ധമ്മോ കുസലസ്സ സപ്പച്ചയസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ സപ്പച്ചയോ ധമ്മോ അകുസലസ്സ സപ്പച്ചയസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ സപ്പച്ചയോ ധമ്മോ അബ്യാകതസ്സ സപ്പച്ചയസ്സ ധമ്മസ്സ ഹേതുപച്ചയേന പച്ചയോ. (൧)

൭. കുസലോ സപ്പച്ചയോ ധമ്മോ കുസലസ്സ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ സപ്പച്ചയോ ധമ്മോ അകുസലസ്സ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ സപ്പച്ചയോ ധമ്മോ അബ്യാകതസ്സ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൮. ഹേതുയാ സത്ത, ആരമ്മണേ നവ, അധിപതിയാ ദസ, അനന്തരേ സത്ത…പേ… സഹജാതേ നവ…പേ… ഉപനിസ്സയേ നവ…പേ… അവിഗതേ തേരസ (സംഖിത്തം).

നഹേതുയാ പന്നരസ, നആരമ്മണേ പന്നരസ (സംഖിത്തം).

ഹേതുപച്ചയാ നആരമ്മണേ സത്ത (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

൧-൮. കുസലത്തിക-സങ്ഖതദുകം

൧-൭. പടിച്ചവാരാദി

പച്ചയചതുക്കം

൯. കുസലം സങ്ഖതം ധമ്മം പടിച്ച കുസലോ സങ്ഖതോ ധമ്മോ ഉപ്പജ്ജതി ഹേതുപച്ചയാ (സപ്പച്ചയദുകസദിസം).

൧-൯. കുസലത്തിക-സനിദസ്സനദുകം

൧-൭. പടിച്ചവാരാദി

പച്ചയചതുക്കം

൧൦. കുസലം അനിദസ്സനം ധമ്മം പടിച്ച കുസലോ അനിദസ്സനോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം അനിദസ്സനം ധമ്മം പടിച്ച അകുസലോ അനിദസ്സനോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അനിദസ്സനം ധമ്മം പടിച്ച അബ്യാകതോ അനിദസ്സനോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അനിദസ്സനഞ്ച അബ്യാകതം അനിദസ്സനഞ്ച ധമ്മം പടിച്ച അബ്യാകതോ അനിദസ്സനോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അനിദസ്സനഞ്ച അബ്യാകതം അനിദസ്സനഞ്ച ധമ്മം പടിച്ച അബ്യാകതോ അനിദസ്സനോ ധമ്മോ ഉപ്പജ്ജതി ഹേതുപച്ചയാ. (൧)

൧൧. കുസലം അനിദസ്സനം ധമ്മം പടിച്ച കുസലോ അനിദസ്സനോ ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം അനിദസ്സനം ധമ്മം പടിച്ച അകുസലോ അനിദസ്സനോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം അനിദസ്സനം ധമ്മം പടിച്ച അബ്യാകതോ അനിദസ്സനോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൧൨. ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം).

പച്ചനീയം –നഹേതുപച്ചയോ

൧൩. അകുസലം അനിദസ്സനം ധമ്മം പടിച്ച അകുസലോ അനിദസ്സനോ ധമ്മോ ഉപ്പജ്ജതി നഹേതുപച്ചയാ. (൧)

അബ്യാകതം അനിദസ്സനം ധമ്മം പടിച്ച അബ്യാകതോ അനിദസ്സനോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

നഹേതുയാ ദ്വേ, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൧൪. കുസലോ അനിദസ്സനോ ധമ്മോ കുസലസ്സ അനിദസ്സനസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ അനിദസ്സനോ ധമ്മോ അകുസലസ്സ അനിദസ്സനസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അനിദസ്സനോ ധമ്മോ അബ്യാകതസ്സ അനിദസ്സനസ്സ ധമ്മസ്സ ഹേതുപച്ചയേന പച്ചയോ. (൧)

൧൫. കുസലോ അനിദസ്സനോ ധമ്മോ കുസലസ്സ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ അനിദസ്സനോ ധമ്മോ അകുസലസ്സ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ അനിദസ്സനോ ധമ്മോ അബ്യാകതസ്സ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൧൬. ഹേതുയാ സത്ത, ആരമ്മണേ നവ, അധിപതിയാ ദസ, അനന്തരേ സത്ത…പേ… ഉപനിസ്സയേ നവ…പേ… അവിഗതേ തേരസ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

൧-൧൦. കുസലത്തിക-സപ്പടിഘദുകം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൭. അബ്യാകതം സപ്പടിഘം ധമ്മം പടിച്ച അബ്യാകതോ സപ്പടിഘോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൮. കുസലം അപ്പടിഘം ധമ്മം പടിച്ച കുസലോ അപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം അപ്പടിഘം ധമ്മം പടിച്ച അകുസലോ അപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അപ്പടിഘം ധമ്മം പടിച്ച അബ്യാകതോ അപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അപ്പടിഘഞ്ച അബ്യാകതം അപ്പടിഘഞ്ച ധമ്മം പടിച്ച അബ്യാകതോ അപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അപ്പടിഘഞ്ച അബ്യാകതം അപ്പടിഘഞ്ച ധമ്മം പടിച്ച അബ്യാകതോ അപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

ആരമ്മണപച്ചയോ

൧൯. കുസലം അപ്പടിഘം ധമ്മം പടിച്ച കുസലോ അപ്പടിഘോ ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം അപ്പടിഘം ധമ്മം പടിച്ച അകുസലോ അപ്പടിഘോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം അപ്പടിഘം ധമ്മം പടിച്ച അബ്യാകതോ അപ്പടിഘോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൨൦. ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

പച്ചനീയം

നഹേതുപച്ചയോ

൨൧. അകുസലം അപ്പടിഘം ധമ്മം പടിച്ച അകുസലോ അപ്പടിഘോ ധമ്മോ ഉപ്പജ്ജതി നഹേതുപച്ചയാ. (൧)

അബ്യാകതം അപ്പടിഘം ധമ്മം പടിച്ച അബ്യാകതോ അപ്പടിഘോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൨൨. നഹേതുയാ ദ്വേ, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതുപച്ചയോ

൨൩. കുസലോ അപ്പടിഘോ ധമ്മോ കുസലസ്സ അപ്പടിഘസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ അപ്പടിഘോ ധമ്മോ അകുസലസ്സ അപ്പടിഘസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അപ്പടിഘോ ധമ്മോ അബ്യാകതസ്സ അപ്പടിഘസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൨൪. ഹേതുയാ സത്ത, ആരമ്മണേ നവ, അധിപതിയാ ദസ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

൧-൧൧. കുസലത്തിക-രൂപീദുകം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൫. അബ്യാകതം രൂപിം ധമ്മം പടിച്ച അബ്യാകതോ രൂപീ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൬. കുസലം അരൂപിം ധമ്മം പടിച്ച കുസലോ അരൂപീ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അരൂപിം ധമ്മം പടിച്ച അകുസലോ അരൂപീ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അരൂപിം ധമ്മം പടിച്ച അബ്യാകതോ അരൂപീ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൭. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).

നഹേതുയാ ദ്വേ, നഅധിപതിയാ തീണി…പേ… (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൨൮. കുസലോ അരൂപീ ധമ്മോ കുസലസ്സ അരൂപിസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ അരൂപീ ധമ്മോ അകുസലസ്സ അരൂപിസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ അരൂപീ ധമ്മോ അബ്യാകതസ്സ അരൂപിസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ അരൂപീ ധമ്മോ കുസലസ്സ അരൂപിസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ അരൂപീ ധമ്മോ അകുസലസ്സ അരൂപിസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ അരൂപീ ധമ്മോ അബ്യാകതസ്സ അരൂപിസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൨൯. ഹേതുയാ തീണി, ആരമ്മണേ നവ, അധിപതിയാ സത്ത…പേ… അവിഗതേ തീണി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

൧-൧൨. കുസലത്തിക-ലോകിയദുകം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൦. കുസലം ലോകിയം ധമ്മം പടിച്ച കുസലോ ലോകിയോ ധമ്മോ ഉപ്പജ്ജതി ഹേതുപച്ചയാ. കുസലം ലോകിയം ധമ്മം പടിച്ച അബ്യാകതോ ലോകിയോ ധമ്മോ ഉപ്പജ്ജതി ഹേതുപച്ചയാ. കുസലം ലോകിയം ധമ്മം പടിച്ച കുസലോ ലോകിയോ ച അബ്യാകതോ ലോകിയോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം ലോകിയം ധമ്മം പടിച്ച അകുസലോ ലോകിയോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം ലോകിയം ധമ്മം പടിച്ച അബ്യാകതോ ലോകിയോ ധമ്മോ ഉപ്പജ്ജതി ഹേതുപച്ചയാ. (൧)

കുസലം ലോകിയഞ്ച അബ്യാകതം ലോകിയഞ്ച ധമ്മം പടിച്ച അബ്യാകതോ ലോകിയോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ലോകിയഞ്ച അബ്യാകതം ലോകിയഞ്ച ധമ്മം പടിച്ച അബ്യാകതോ ലോകിയോ ധമ്മോ ഉപ്പജ്ജതി ഹേതുപച്ചയാ (൧) (സംഖിത്തം.)

൩൧. ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം).

പച്ചനീയം

നഹേതുപച്ചയോ

൩൨. അകുസലം ലോകിയം ധമ്മം പടിച്ച അകുസലോ ലോകിയോ ധമ്മോ ഉപ്പജ്ജതി നഹേതുപച്ചയാ. (൧)

അബ്യാകതം ലോകിയം ധമ്മം പടിച്ച അബ്യാകതോ ലോകിയോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൩൩. നഹേതുയാ ദ്വേ, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൩൪. കുസലോ ലോകിയോ ധമ്മോ കുസലസ്സ ലോകിയസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ ലോകിയോ ധമ്മോ അകുസലസ്സ ലോകിയസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ ലോകിയോ ധമ്മോ അബ്യാകതസ്സ ലോകിയസ്സ ധമ്മസ്സ ഹേതുപച്ചയേന പച്ചയോ. (൧)

൩൫. കുസലോ ലോകിയോ ധമ്മോ കുസലസ്സ ലോകിയസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ ലോകിയോ ധമ്മോ അകുസലസ്സ ലോകിയസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ ലോകിയോ ധമ്മോ അബ്യാകതസ്സ ലോകിയസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൩൬. ഹേതുയാ സത്ത, ആരമ്മണേ നവ, അധിപതിയാ നവ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

ലോകുത്തരപദം

൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൭. കുസലം ലോകുത്തരം ധമ്മം പടിച്ച കുസലോ ലോകുത്തരോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ലോകുത്തരം ധമ്മം പടിച്ച അബ്യാകതോ ലോകുത്തരോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൮. ഹേതുയാ ദ്വേ, ആരമ്മണേ ദ്വേ, അധിപതിയാ ദ്വേ…പേ… അവിഗതേ ദ്വേ (സംഖിത്തം).

നഅധിപതിയാ ദ്വേ (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതുആരമ്മണപച്ചയാദി

൩൯. കുസലോ ലോകുത്തരോ ധമ്മോ കുസലസ്സ ലോകുത്തരസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ലോകുത്തരോ ധമ്മോ അബ്യാകതസ്സ ലോകുത്തരസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ലോകുത്തരോ ധമ്മോ അബ്യാകതസ്സ ലോകുത്തരസ്സ ധമ്മസ്സ ആരമ്മണപച്ചയേന പച്ചയോ. അബ്യാകതോ ലോകുത്തരോ ധമ്മോ കുസലസ്സ ലോകുത്തരസ്സ ധമ്മസ്സ ആരമ്മണപച്ചയേന പച്ചയോ. (൨)

കുസലോ ലോകുത്തരോ ധമ്മോ കുസലസ്സ ലോകുത്തരസ്സ ധമ്മസ്സ അധിപതിപച്ചയേന പച്ചയോ. (൧)

അബ്യാകതോ ലോകുത്തരോ ധമ്മോ അബ്യാകതസ്സ ലോകുത്തരസ്സ ധമ്മസ്സ അധിപതിപച്ചയേന പച്ചയോ. അബ്യാകതോ ലോകുത്തരോ ധമ്മോ കുസലസ്സ ലോകുത്തരസ്സ ധമ്മസ്സ അധിപതിപച്ചയേന പച്ചയോ. (൨)

കുസലോ ലോകുത്തരോ ധമ്മോ അബ്യാകതസ്സ ലോകുത്തരസ്സ ധമ്മസ്സ അനന്തരപച്ചയേന പച്ചയോ. (൧)

അബ്യാകതോ ലോകുത്തരോ ധമ്മോ അബ്യാകതസ്സ ലോകുത്തരസ്സ ധമ്മസ്സ അനന്തരപച്ചയേന പച്ചയോ. (൧) (സംഖിത്തം.)

൪൦. ഹേതുയാ ദ്വേ, ആരമ്മണേ ദ്വേ, അധിപതിയാ തീണി, അനന്തരേ ദ്വേ, സമനന്തരേ ദ്വേ, സഹജാതേ ദ്വേ, അഞ്ഞമഞ്ഞേ ദ്വേ, നിസ്സയേ ദ്വേ, ഉപനിസ്സയേ ചത്താരി…പേ… അവിഗതേ ദ്വേ (സംഖിത്തം).