൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൭൯. കുസലം നഹേതും സഹേതുകം ധമ്മം പടിച്ച കുസലോ നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം നഹേതും സഹേതുകം ധമ്മം പടിച്ച അകുസലോ നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം നഹേതും സഹേതുകം ധമ്മം പടിച്ച അബ്യാകതോ നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൮൦. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).

നഅധിപതിയാ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ആരമ്മണപച്ചയോ

൨൮൧. കുസലോ നഹേതു സഹേതുകോ ധമ്മോ കുസലസ്സ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ നഹേതു സഹേതുകോ ധമ്മോ അകുസലസ്സ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ നഹേതു സഹേതുകോ ധമ്മോ അബ്യാകതസ്സ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൨൮൨. ആരമ്മണേ നവ, അധിപതിയാ സത്ത, അനന്തരേ പഞ്ച…പേ… സഹജാതേ അഞ്ഞമഞ്ഞേ നിസ്സയേ തീണി, ഉപനിസ്സയേ നവ, ആസേവനേ തീണി, കമ്മേ പഞ്ച, വിപാകേ ഏകം, ആഹാരേ…പേ… സമ്പയുത്തേ തീണി…പേ… അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ആരമ്മണപച്ചയാ നഹേതുയാ നവ (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

നഹേതുഅഹേതുകപദം

ഹേതുപച്ചയോ

൨൮൩. അബ്യാകതം നഹേതും അഹേതുകം ധമ്മം പടിച്ച അബ്യാകതോ നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

നഹേതുയാ ഏകം…പേ… നോവിഗതേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൨൮൪. അബ്യാകതോ നഹേതു അഹേതുകോ ധമ്മോ അബ്യാകതസ്സ നഹേതുസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

ആരമ്മണേ ഏകം, അധിപതിയാ ഏകം…പേ… അവിഗതേ ഏകം (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

ഹേതുഗോച്ഛകം നിട്ഠിതം.