൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൨൬൩. കുസലം ഹേതുഞ്ചേവ സഹേതുകഞ്ച ധമ്മം പടിച്ച കുസലോ ഹേതു ചേവ സഹേതുകോ ച ധമ്മോ ഉപ്പജ്ജതി ഹേതുപച്ചയാ. (൧)
അകുസലം ഹേതുഞ്ചേവ സഹേതുകഞ്ച ധമ്മം പടിച്ച അകുസലോ ഹേതു ചേവ സഹേതുകോ ച ധമ്മോ ഉപ്പജ്ജതി ഹേതുപച്ചയാ. (൧)
അബ്യാകതം ഹേതുഞ്ചേവ സഹേതുകഞ്ച ധമ്മം പടിച്ച അബ്യാകതോ ഹേതു ചേവ സഹേതുകോ ച ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൨൬൪. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).
നഅധിപതിയാ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നവിപാകേ തീണി, നവിപ്പയുത്തേ തീണി (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)
ഹേതു-ആരമ്മണ-അധിപതിപച്ചയാ
൨൬൫. കുസലോ ഹേതു ചേവ സഹേതുകോ ച ധമ്മോ കുസലസ്സ ഹേതുസ്സ ചേവ സഹേതുകസ്സ ച ധമ്മസ്സ ഹേതുപച്ചയേന പച്ചയോ. (൧)
അകുസലോ ഹേതു ചേവ സഹേതുകോ ച ധമ്മോ അകുസലസ്സ ഹേതുസ്സ ചേവ സഹേതുകസ്സ ച ധമ്മസ്സ ഹേതുപച്ചയേന പച്ചയോ. (൧)
അബ്യാകതോ ഹേതു ചേവ സഹേതുകോ ച ധമ്മോ അബ്യാകതസ്സ ഹേതുസ്സ ചേവ സഹേതുകസ്സ ച ധമ്മസ്സ ഹേതുപച്ചയേന പച്ചയോ. (൧)
കുസലോ ഹേതു ചേവ സഹേതുകോ ച ധമ്മോ കുസലസ്സ ഹേതുസ്സ ചേവ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. കുസലോ ഹേതു ചേവ സഹേതുകോ ച ധമ്മോ അകുസലസ്സ ഹേതുസ്സ ചേവ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. കുസലോ ഹേതു ചേവ സഹേതുകോ ച ധമ്മോ അബ്യാകതസ്സ ഹേതുസ്സ ചേവ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. (൩)
അകുസലോ ഹേതു ചേവ സഹേതുകോ ച ധമ്മോ അകുസലസ്സ ഹേതുസ്സ ചേവ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ… തീണി.
അബ്യാകതോ ഹേതു ചേവ സഹേതുകോ ച ധമ്മോ അബ്യാകതസ്സ ഹേതുസ്സ ചേവ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ… തീണി.
കുസലോ ഹേതു ചേവ സഹേതുകോ ച ധമ്മോ കുസലസ്സ ഹേതുസ്സ ചേവ സഹേതുകസ്സ ച ധമ്മസ്സ അധിപതിപച്ചയേന പച്ചയോ… തീണി.
അകുസലോ ഹേതു ചേവ സഹേതുകോ ച ധമ്മോ അകുസലസ്സ ഹേതുസ്സ ചേവ സഹേതുകസ്സ ച ധമ്മസ്സ അധിപതിപച്ചയേന പച്ചയോ. (൧)
അബ്യാകതോ ഹേതു ചേവ സഹേതുകോ ച ധമ്മോ അബ്യാകതസ്സ ഹേതുസ്സ ചേവ സഹേതുകസ്സ ച ധമ്മസ്സ അധിപതിപച്ചയേന പച്ചയോ… തീണി (സംഖിത്തം).
൨൬൬. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ പഞ്ച, സമനന്തരേ പഞ്ച, സഹജാതേ തീണി…പേ… ഉപനിസ്സയേ നവ…പേ… അവിഗതേ തീണി (സംഖിത്തം).
നഹേതുയാ നവ, നആരമ്മണേ നവ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ നവ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)