൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൬൭. കുസലം സഹേതുകഞ്ചേവ ന ച ഹേതും ധമ്മം പടിച്ച കുസലോ സഹേതുകോ ചേവ ന ച ഹേതു ധമ്മോ ഉപ്പജ്ജതി ഹേതുപച്ചയാ. (൧)

അകുസലം സഹേതുകഞ്ചേവ ന ച ഹേതും ധമ്മം പടിച്ച അകുസലോ സഹേതുകോ ചേവ ന ച ഹേതു ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സഹേതുകഞ്ചേവ ന ച ഹേതും ധമ്മം പടിച്ച അബ്യാകതോ സഹേതുകോ ചേവ ന ച ഹേതു ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൬൮. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).

നഅധിപതിയാ തീണി…പേ… നവിപ്പയുത്തേ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ആരമ്മണപച്ചയോ

൨൬൯. കുസലോ സഹേതുകോ ചേവ ന ച ഹേതു ധമ്മോ കുസലസ്സ സഹേതുകസ്സ ചേവ ന ച ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ സഹേതുകോ ചേവ ന ച ഹേതു ധമ്മോ അകുസലസ്സ സഹേതുകസ്സ ചേവ ന ച ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ സഹേതുകോ ചേവ ന ച ഹേതു ധമ്മോ അബ്യാകതസ്സ സഹേതുകസ്സ ചേവ ന ച ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൨൭൦. ആരമ്മണേ നവ, അധിപതിയാ സത്ത, അനന്തരേ പഞ്ച…പേ… സഹജാതേ തീണി…പേ… ഉപനിസ്സയേ നവ…പേ… അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ആരമ്മണപച്ചയാ നഹേതുയാ നവ (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)