൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൧൮൦. മിച്ഛത്തനിയതം ഹേതും ധമ്മം പടിച്ച മിച്ഛത്തനിയതോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
സമ്മത്തനിയതം ഹേതും ധമ്മം പടിച്ച സമ്മത്തനിയതോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
അനിയതം ഹേതും ധമ്മം പടിച്ച അനിയതോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൧൮൧. ഹേതുയാ തീണി, ആരമ്മണേ തീണി, അധിപതിയാ തീണി…പേ… വിപാകേ ഏകം…പേ… അവിഗതേ തീണി (സംഖിത്തം).
നഅധിപതിയാ ദ്വേ, നപുരേജാതേ ദ്വേ, നപച്ഛാജാതേ തീണി, നആസേവനേ ഏകം, നവിപാകേ തീണി, നവിപ്പയുത്തേ ദ്വേ (സംഖിത്തം).
(സഹജാതവാരമ്പി …പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)
ഹേതു-ആരമ്മണപച്ചയാദി
൧൮൨. മിച്ഛത്തനിയതോ ഹേതു ധമ്മോ മിച്ഛത്തനിയതസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
സമ്മത്തനിയതോ ഹേതു ധമ്മോ സമ്മത്തനിയതസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
മിച്ഛത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
സമ്മത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
അനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
അനിയതോ ഹേതു ധമ്മോ മിച്ഛത്തനിയതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
സമ്മത്തനിയതോ ഹേതു ധമ്മോ സമ്മത്തനിയതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. സമ്മത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൨)
അനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)
അനന്തരപച്ചയാദി
൧൮൩. മിച്ഛത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൧)
സമ്മത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൧)
അനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അനിയതോ ഹേതു ധമ്മോ മിച്ഛത്തനിയതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അനിയതോ ഹേതു ധമ്മോ സമ്മത്തനിയതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
൧൮൪. മിച്ഛത്തനിയതോ ഹേതു ധമ്മോ മിച്ഛത്തനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. മിച്ഛത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൨)
സമ്മത്തനിയതോ ഹേതു ധമ്മോ സമ്മത്തനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. സമ്മത്തനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൨)
അനിയതോ ഹേതു ധമ്മോ അനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അനിയതോ ഹേതു ധമ്മോ മിച്ഛത്തനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അനിയതോ ഹേതു ധമ്മോ സമ്മത്തനിയതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൩) (സംഖിത്തം.)
൧൮൫. ഹേതുയാ തീണി, ആരമ്മണേ ചത്താരി, അധിപതിയാ തീണി, അനന്തരേ പഞ്ച, സമനന്തരേ പഞ്ച, സഹജാതേ തീണി…പേ… ഉപനിസ്സയേ സത്ത…പേ… അവിഗതേ തീണി (സംഖിത്തം).
നഹേതുയാ സത്ത, നആരമ്മണേ സത്ത (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ ചത്താരി (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)