൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൮൬. മിച്ഛത്തനിയതം നഹേതും ധമ്മം പടിച്ച മിച്ഛത്തനിയതോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

സമ്മത്തനിയതം നഹേതും ധമ്മം പടിച്ച സമ്മത്തനിയതോ നഹേതു ധമ്മോ ഉപ്പജ്ജതി ഹേതുപച്ചയാ. സമ്മത്തനിയതം നഹേതും ധമ്മം പടിച്ച അനിയതോ നഹേതു ധമ്മോ ഉപ്പജ്ജതി ഹേതുപച്ചയാ. സമ്മത്തനിയതം നഹേതും ധമ്മം പടിച്ച സമ്മത്തനിയതോ നഹേതു ച അനിയതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

അനിയതം നഹേതും ധമ്മം പടിച്ച അനിയതോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

മിച്ഛത്തനിയതം നഹേതുഞ്ച അനിയതം നഹേതുഞ്ച ധമ്മം പടിച്ച അനിയതോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

സമ്മത്തനിയതം നഹേതുഞ്ച അനിയതം നഹേതുഞ്ച ധമ്മം പടിച്ച അനിയതോ നഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൮൭. ഹേതുയാ നവ, ആരമ്മണേ തീണി, അധിപതിയാ നവ…പേ… വിപാകേ ഏകം…പേ… അവിഗതേ നവ (സംഖിത്തം).

പച്ചനീയം

നഹേതുപച്ചയോ

൧൮൮. അനിയതം നഹേതും ധമ്മം പടിച്ച അനിയതോ നഹേതു ധമ്മോ ഉപ്പജ്ജതി നഹേതുപച്ചയാ (സംഖിത്തം).

നഹേതുയാ ഏകം, നആരമ്മണേ പഞ്ച, നഅധിപതിയാ തീണി…പേ… നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)

ആരമ്മണ-അധിപതി-അനന്തരപച്ചയാ

൧൮൯. മിച്ഛത്തനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

സമ്മത്തനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

അനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അനിയതോ നഹേതു ധമ്മോ മിച്ഛത്തനിയതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അനിയതോ നഹേതു ധമ്മോ സമ്മത്തനിയതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

൧൯൦. മിച്ഛത്തനിയതോ നഹേതു ധമ്മോ മിച്ഛത്തനിയതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

സമ്മത്തനിയതോ നഹേതു ധമ്മോ സമ്മത്തനിയതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. സമ്മത്തനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. സമ്മത്തനിയതോ നഹേതു ധമ്മോ സമ്മത്തനിയതസ്സ നഹേതുസ്സ ച അനിയതസ്സ നഹേതുസ്സ ച ധമ്മസ്സ അധിപതിപച്ചയേന പച്ചയോ. (൩)

അനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. അനിയതോ നഹേതു ധമ്മോ സമ്മത്തനിയതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. (൨)

മിച്ഛത്തനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൧)

സമ്മത്തനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൧)

അനിയതോ നഹേതു ധമ്മോ അനിയതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. അനിയതോ നഹേതു ധമ്മോ മിച്ഛത്തനിയതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. അനിയതോ നഹേതു ധമ്മോ സമ്മത്തനിയതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൩) (സംഖിത്തം.)

൧൯൧. ആരമ്മണേ പഞ്ച, അധിപതിയാ അട്ഠ, അനന്തരേ പഞ്ച, സമനന്തരേ പഞ്ച, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ സത്ത…പേ… അവിഗതേ തേരസ (സംഖിത്തം).

നഹേതുയാ തേരസ, നആരമ്മണേ തേരസ, നഅധിപതിയാ തേരസ (സംഖിത്തം).

ആരമ്മണപച്ചയാ നഹേതുയാ പഞ്ച (സംഖിത്തം).

നഹേതുപച്ചയാ ആരമ്മണേ പഞ്ച (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)