൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧൩൮. ആചയഗാമിം നഹേതും ധമ്മം പടിച്ച ആചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. ആചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. ആചയഗാമിം നഹേതും ധമ്മം പടിച്ച ആചയഗാമീ നഹേതു ച നേവാചയഗാമിനാപചയഗാമീ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

അപചയഗാമിം നഹേതും ധമ്മം പടിച്ച അപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. അപചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. അപചയഗാമിം നഹേതും ധമ്മം പടിച്ച അപചയഗാമീ നഹേതു ച നേവാചയഗാമിനാപചയഗാമീ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നേവാചയഗാമിനാപചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ആചയഗാമിം നഹേതുഞ്ച നേവാചയഗാമിനാപചയഗാമിം നഹേതുഞ്ച ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. (൧)

അപചയഗാമിം നഹേതുഞ്ച നേവാചയഗാമിനാപചയഗാമിം നഹേതുഞ്ച ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ഹേതുപച്ചയാ. (൧)

൧൩൯. ആചയഗാമിം നഹേതും ധമ്മം പടിച്ച ആചയഗാമീ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അപചയഗാമിം നഹേതും ധമ്മം പടിച്ച അപചയഗാമീ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

നേവാചയഗാമിനാപചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

നഹേതു-നആരമ്മണപച്ചയാ

൧൪൦. നേവാചയഗാമിനാപചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി നഹേതുപച്ചയാ. (൧)

ആചയഗാമിം നഹേതും ധമ്മം പടിച്ച നേവാചയഗാമിനാപചയഗാമീ നഹേതു ധമ്മോ ഉപ്പജ്ജതി നആരമ്മണപച്ചയാ (സംഖിത്തം).

൧൪൧. നഹേതുയാ ഏകം, നആരമ്മണേ പഞ്ച, നഅധിപതിയാ ഛ…പേ… നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേബ്ബം.)