൭. പഞ്ഹാവാരോ

പച്ചയചതുക്കം

൧൪൨. ആചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. ആചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

അപചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

നേവാചയഗാമിനാപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. നേവാചയഗാമിനാപചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. നേവാചയഗാമിനാപചയഗാമീ നഹേതു ധമ്മോ അപചയഗാമിസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

൧൪൩. ആചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

അപചയഗാമീ നഹേതു ധമ്മോ അപചയഗാമിസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. അപചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. അപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. അപചയഗാമീ നഹേതു ധമ്മോ അപചയഗാമിസ്സ നഹേതുസ്സ ച നേവാചയഗാമിനാപചയഗാമിസ്സ നഹേതുസ്സ ച ധമ്മസ്സ അധിപതിപച്ചയേന പച്ചയോ. (൪)

൧൪൪. നേവാചയഗാമിനാപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

ആചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. ആചയഗാമീ നഹേതു ധമ്മോ അപചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. ആചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൩)

അപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൧)

നേവാചയഗാമിനാപചയഗാമീ നഹേതു ധമ്മോ നേവാചയഗാമിനാപചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. നേവാചയഗാമിനാപചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ അനന്തരപച്ചയേന പച്ചയോ. (൨)…പേ….

ആചയഗാമീ നഹേതു ധമ്മോ ആചയഗാമിസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ (സംഖിത്തം).

൧൪൫. ആരമ്മണേ സത്ത, അധിപതിയാ ദസ, അനന്തരേ ഛ സമനന്തരേ ഛ, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ നവ…പേ… അവിഗതേ തേരസ (സംഖിത്തം).

നഹേതുയാ പന്നരസ, നആരമ്മണേ പന്നരസ (സംഖിത്തം).

ആരമ്മണപച്ചയാ നഹേതുയാ സത്ത (സംഖിത്തം).

നഹേതുപച്ചയാ ആരമ്മണേ സത്ത (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)