൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൧൩൨. ആചയഗാമിം ഹേതും ധമ്മം പടിച്ച ആചയഗാമീ ഹേതു ധമ്മോ ഉപ്പജ്ജതി ഹേതുപച്ചയാ. (൧)
അപചയഗാമിം ഹേതും ധമ്മം പടിച്ച അപചയഗാമീ ഹേതു ധമ്മോ ഉപ്പജ്ജതി ഹേതുപച്ചയാ. (൧)
നേവാചയഗാമിനാപചയഗാമിം ഹേതും ധമ്മം പടിച്ച നേവാചയഗാമിനാപചയഗാമീ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൧൩൩. ഹേതുയാ തീണി, ആരമ്മണേ തീണി, അധിപതിയാ തീണി (സബ്ബത്ഥ തീണി).
നഅധിപതിയാ തീണി, നആസേവനേ ദ്വേ, നവിപാകേ തീണി, നവിപ്പയുത്തേ തീണി (സംഖിത്തം).
ഹേതുപച്ചയാ നഅധിപതിയാ തീണി (സംഖിത്തം).
നഅധിപതിപച്ചയാ ഹേതുയാ തീണി (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)
ഹേതുആരമ്മണപച്ചയാദി
൧൩൪. ആചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അപചയഗാമീ ഹേതു ധമ്മോ അപചയഗാമിസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
നേവാചയഗാമിനാപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
ആചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. ആചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
അപചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. അപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
നേവാചയഗാമിനാപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. നേവാചയഗാമിനാപചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
൧൩൫. ആചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. (൧)
അപചയഗാമീ ഹേതു ധമ്മോ അപചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി…. അപചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. അപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി…. (൩)
നേവാചയഗാമിനാപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. നേവാചയഗാമിനാപചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ അധിപതിപച്ചയേന പച്ചയോ.
൧൩൬. ആചയഗാമീ ഹേതു ധമ്മോ ആചയഗാമിസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. ആചയഗാമീ ഹേതു ധമ്മോ അപചയഗാമിസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. ആചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
അപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൧)
നേവാചയഗാമിനാപചയഗാമീ ഹേതു ധമ്മോ നേവാചയഗാമിനാപചയഗാമിസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൧) (സംഖിത്തം.)
൧൩൭. ഹേതുയാ തീണി, ആരമ്മണേ ഛ, അധിപതിയാ ഛ, അനന്തരേ പഞ്ച, സമനന്തരേ പഞ്ച, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ അട്ഠ, ആസേവനേ തീണി, വിപാകേ ഏകം…പേ… അവിഗതേ തീണി (സംഖിത്തം).
നഹേതുയാ അട്ഠ, നആരമ്മണേ അട്ഠ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ ഛ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)