൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൨൪. ദസ്സനേന പഹാതബ്ബഹേതുകം ഹേതും ധമ്മം പടിച്ച ദസ്സനേന പഹാതബ്ബഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

ഭാവനായ പഹാതബ്ബഹേതുകം ഹേതും ധമ്മം പടിച്ച ഭാവനായ പഹാതബ്ബഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

നേവദസ്സനേന നഭാവനായ പഹാതബ്ബഹേതുകം ഹേതും ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ (൧) (സംഖിത്തം.)

൧൨൫. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).

നഅധിപതിയാ തീണി, നപുരേജാതേ തീണി…പേ… നവിപ്പയുത്തേ തീണി (സംഖിത്തം. സഹജാതവാരമ്പി …പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം).

൧൨൬. ദസ്സനേന പഹാതബ്ബഹേതുകോ ഹേതു ധമ്മോ ദസ്സനേന പഹാതബ്ബഹേതുകസ്സ ഹേതുസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

ഹേതുയാ തീണി, ആരമ്മണേ അട്ഠ, അധിപതിയാ ഛ…പേ… അവിഗതേ തീണി (സംഖിത്തം).

നഹേതുയാ അട്ഠ, നആരമ്മണേ അട്ഠ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ അട്ഠ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

നഹേതുപദം