൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൨൭. ദസ്സനേന പഹാതബ്ബഹേതുകം നഹേതും ധമ്മം പടിച്ച ദസ്സനേന പഹാതബ്ബഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

ഭാവനായ പഹാതബ്ബഹേതുകം നഹേതും ധമ്മം പടിച്ച ഭാവനായ പഹാതബ്ബഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

നേവദസ്സനേന നഭാവനായ പഹാതബ്ബഹേതുകം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം).

പച്ചനീയം

നഹേതുപച്ചയോ

൧൨൮. നേവദസ്സനേന നഭാവനായ പഹാതബ്ബഹേതുകം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ നഹേതു ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൧൨൯. നഹേതുയാ ഏകം, നആരമ്മണേ പഞ്ച…പേ… നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)

ആരമ്മണപച്ചയോ

൧൩൦. ദസ്സനേന പഹാതബ്ബഹേതുകോ നഹേതു ധമ്മോ ദസ്സനേന പഹാതബ്ബഹേതുകസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… ദ്വേ.

ഭാവനായ പഹാതബ്ബഹേതുകോ നഹേതു ധമ്മോ ഭാവനായ പഹാതബ്ബഹേതുകസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

നേവദസ്സനേന നഭാവനായ പഹാതബ്ബഹേതുകോ നഹേതു ധമ്മോ നേവദസ്സനേന നഭാവനായ പഹാതബ്ബഹേതുകസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൧൩൧. ആരമ്മണേ അട്ഠ, അധിപതിയാ ദസ…പേ… അവിഗതേ തേരസ (സംഖിത്തം).

നഹേതുയാ ചുദ്ദസ, നആരമ്മണേ ചുദ്ദസ (സംഖിത്തം).

ആരമ്മണപച്ചയാ നഹേതുയാ അട്ഠ (സംഖിത്തം).

നഹേതുപച്ചയാ ആരമ്മണേ അട്ഠ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)