൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧൦൭. പീതിസഹഗതം നഹേതും ധമ്മം പടിച്ച പീതിസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. പീതിസഹഗതം നഹേതും ധമ്മം പടിച്ച സുഖസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. പീതിസഹഗതം നഹേതും ധമ്മം പടിച്ച പീതിസഹഗതോ നഹേതു ച സുഖസഹഗതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

സുഖസഹഗതം നഹേതും ധമ്മം പടിച്ച സുഖസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. സുഖസഹഗതം നഹേതും ധമ്മം പടിച്ച പീതിസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. സുഖസഹഗതം നഹേതും ധമ്മം പടിച്ച പീതിസഹഗതോ നഹേതു ച സുഖസഹഗതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഉപേക്ഖാസഹഗതം നഹേതും ധമ്മം പടിച്ച ഉപേക്ഖാസഹഗതോ നഹേതുധമ്മോ ഉപ്പജ്ജതി ഹേതുപച്ചയാ. (൧)

പീതിസഹഗതം നഹേതുഞ്ച സുഖസഹഗതം നഹേതുഞ്ച ധമ്മം പടിച്ച പീതിസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. പീതിസഹഗതം നഹേതുഞ്ച സുഖസഹഗതം നഹേതുഞ്ച ധമ്മം പടിച്ച സുഖസഹഗതോ നഹേതു ധമ്മോ ഉപ്പജ്ജതി ഹേതുപച്ചയാ. പീതിസഹഗതം നഹേതുഞ്ച സുഖസഹഗതം നഹേതുഞ്ച ധമ്മം പടിച്ച പീതിസഹഗതോ നഹേതു ച സുഖസഹഗതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

൧൦൮. പീതിസഹഗതം നഹേതും ധമ്മം പടിച്ച പീതിസഹഗതോ നഹേതു ധമ്മോ ഉപ്പജ്ജതി ആരമ്മണപച്ചയാ… തീണി.

സുഖസഹഗതം നഹേതും ധമ്മം പടിച്ച സുഖസഹഗതോ നഹേതു ധമ്മോ ഉപ്പജ്ജതി ആരമ്മണപച്ചയാ… തീണി.

ഉപേക്ഖാസഹഗതം നഹേതും ധമ്മം പടിച്ച ഉപേക്ഖാസഹഗതോ നഹേതു ധമ്മോ ഉപ്പജ്ജതി ആരമ്മണപച്ചയാ… ഏകം.

പീതിസഹഗതം നഹേതുഞ്ച സുഖസഹഗതം നഹേതുഞ്ച ധമ്മം പടിച്ച പീതിസഹഗതോ നഹേതു ധമ്മോ ഉപ്പജ്ജതി ആരമ്മണപച്ചയാ… തീണി (സംഖിത്തം).

൧൦൯. ഹേതുയാ ദസ, ആരമ്മണേ ദസ, അധിപതിയാ ദസ, അനന്തരേ ദസ…പേ… അവിഗതേ ദസ (സംഖിത്തം).

നഹേതുയാ ദസ, നഅധിപതിയാ ദസ (സംഖിത്തം. സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

നഹേതുപദം