൭. പഞ്ഹാവാരോ

പച്ചയചതുക്കം

ആരമ്മണപച്ചയാദി

൧൧൦. പീതിസഹഗതോ നഹേതു ധമ്മോ പീതിസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. പീതിസഹഗതോ നഹേതു ധമ്മോ സുഖസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. പീതിസഹഗതോ നഹേതു ധമ്മോ ഉപേക്ഖാസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. പീതിസഹഗതോ നഹേതു ധമ്മോ പീതിസഹഗതസ്സ നഹേതുസ്സ ച സുഖസഹഗതസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ. (൪)

സുഖസഹഗതോ നഹേതു ധമ്മോ സുഖസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സുഖസഹഗതോ നഹേതു ധമ്മോ പീതിസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സുഖസഹഗതോ നഹേതു ധമ്മോ ഉപേക്ഖാസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സുഖസഹഗതോ നഹേതു ധമ്മോ പീതിസഹഗതസ്സ നഹേതുസ്സ ച സുഖസഹഗതസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ. (൪)

ഉപേക്ഖാസഹഗതോ നഹേതു ധമ്മോ ഉപേക്ഖാസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. ഉപേക്ഖാസഹഗതോ നഹേതു ധമ്മോ പീതിസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. ഉപേക്ഖാസഹഗതോ നഹേതു ധമ്മോ സുഖസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. ഉപേക്ഖാസഹഗതോ നഹേതു ധമ്മോ പീതിസഹഗതസ്സ നഹേതുസ്സ ച സുഖസഹഗതസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ. (൪)

പീതിസഹഗതോ നഹേതു ച സുഖസഹഗതോ നഹേതു ച ധമ്മാ പീതിസഹഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… ചത്താരി.

൧൧൧. പീതിസഹഗതോ നഹേതു ധമ്മോ പീതിസഹഗതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… ചത്താരി.

സുഖസഹഗതോ നഹേതു ധമ്മോ സുഖസഹഗതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… ചത്താരി.

ഉപേക്ഖാസഹഗതോ നഹേതു ധമ്മോ ഉപേക്ഖാസഹഗതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… ചത്താരി.

പീതിസഹഗതോ നഹേതു ച സുഖസഹഗതോ നഹേതു ച ധമ്മാ പീതിസഹഗതസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… ചത്താരി.

൧൧൨. പീതിസഹഗതോ നഹേതു ധമ്മോ പീതിസഹഗതസ്സ നഹേതുസ്സ ധമ്മസ്സ അനന്തരപച്ചയേന പച്ചയോ…പേ… ഉപനിസ്സയപച്ചയേന പച്ചയോ… ചത്താരി.

സുഖസഹഗതോ നഹേതു ധമ്മോ സുഖസഹഗതസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ… ചത്താരി.

ഉപേക്ഖാസഹഗതോ നഹേതു ധമ്മോ ഉപേക്ഖാസഹഗതസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ… ചത്താരി.

പീതിസഹഗതോ നഹേതു ച സുഖസഹഗതോ നഹേതു ച ധമ്മാ പീതിസഹഗതസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ… ചത്താരി (സംഖിത്തം).

൧൧൩. ആരമ്മണേ സോളസ, അധിപതിയാ സോളസ, സഹജാതേ ദസ, അഞ്ഞമഞ്ഞേ ദസ, നിസ്സയേ ദസ, ഉപനിസ്സയേ സോളസ, ആഹാരേ ദസ…പേ… അവിഗതേ ദസ (സംഖിത്തം).

നഹേതുയാ സോളസ, നആരമ്മണേ സോളസ, നഅധിപതിയാ സോളസ (സംഖിത്തം).

ആരമ്മണപച്ചയാ നഹേതുയാ സോളസ (സംഖിത്തം).

നഹേതുപച്ചയാ ആരമ്മണേ സോളസ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)