൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧. കുസലം ഹേതും ധമ്മം പടിച്ച കുസലോ ഹേതു ധമ്മോ ഉപ്പജ്ജതി ഹേതുപച്ചയാ.

അകുസലം ഹേതും ധമ്മം പടിച്ച അകുസലോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ഹേതും ധമ്മം പടിച്ച അബ്യാകതോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

൨. കുസലം ഹേതും ധമ്മം പടിച്ച കുസലോ ഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം ഹേതും ധമ്മം പടിച്ച അകുസലോ ഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം ഹേതും ധമ്മം പടിച്ച അബ്യാകതോ ഹേതു ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൩. ഹേതുയാ തീണി, ആരമ്മണേ തീണി, അധിപതിയാ തീണി, അനന്തരേ തീണി, സമനന്തരേ തീണി, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ തീണി, വിപാകേ ഏകം, ആഹാരേ തീണി…പേ… അവിഗതേ തീണി (സംഖിത്തം).

പച്ചനീയം –നഅധിപതിപച്ചയോ

൪. കുസലം ഹേതും ധമ്മം പടിച്ച കുസലോ ഹേതു ധമ്മോ ഉപ്പജ്ജതി നഅധിപതിപച്ചയാ. (൧)

അകുസലം ഹേതും ധമ്മം പടിച്ച അകുസലോ ഹേതു ധമ്മോ ഉപ്പജ്ജതി നഅധിപതിപച്ചയാ. (൧)

അബ്യാകതം ഹേതും ധമ്മം പടിച്ച അബ്യാകതോ ഹേതു ധമ്മോ ഉപ്പജ്ജതി നഅധിപതിപച്ചയാ. (൧) (സംഖിത്തം.)

൫. നഅധിപതിയാ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നവിപാകേ തീണി, നവിപ്പയുത്തേ തീണി (സംഖിത്തം).

ഹേതുപച്ചയാ നഅധിപതിയാ തീണി (സംഖിത്തം).

നഅധിപതിപച്ചയാ ഹേതുയാ തീണി (സംഖിത്തം).

(സഹജാതവാരേപി പച്ചയവാരേപി നിസ്സയവാരേപി സംസട്ഠവാരേപി സമ്പയുത്തവാരേപി സബ്ബത്ഥ തീണി.)