൭. പഞ്ഹാവാരോ

പച്ചയചതുക്കം

ഹേതുആരമ്മണപച്ചയാദി

൬. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

൭. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. കുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. കുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

൮. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. കുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. കുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. അബ്യാകതോ ഹേതു ധമ്മോ കുസലസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. അബ്യാകതോ ഹേതു ധമ്മോ അകുസലസ്സ ഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

അനന്തരപച്ചയാദി

൯. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ അനന്തരപച്ചയേന പച്ചയോ… ദ്വേ.

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ അനന്തരപച്ചയേന പച്ചയോ… ദ്വേ.

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ (൧)

൧൦. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ സഹജാതപച്ചയേന പച്ചയോ. (൧)

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ സഹജാതപച്ചയേന പച്ചയോ. (൧)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ സഹജാതപച്ചയേന പച്ചയോ. (൧)

(അഞ്ഞമഞ്ഞനിസ്സയപച്ചയാ സഹജാതപച്ചയസദിസാ).

ഉപനിസ്സയപച്ചയാദി

൧൧. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. കുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. കുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൩)

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അകുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അകുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ… തീണി. (൩)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അബ്യാകതോ ഹേതു ധമ്മോ കുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. അബ്യാകതോ ഹേതു ധമ്മോ അകുസലസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൩)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ വിപാകപച്ചയേന പച്ചയോ. (൧) (സംഖിത്തം.)

൧൨. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ പഞ്ച, സമനന്തരേ പഞ്ച, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ തീണി, വിപാകേ ഏകം, ഇന്ദ്രിയേ ദ്വേ, മഗ്ഗേ ദ്വേ, സമ്പയുത്തേ തീണി, അത്ഥിയാ തീണി, നത്ഥിയാ പഞ്ച, വിഗതേ പഞ്ച, അവിഗതേ തീണി (സംഖിത്തം).

പച്ചനീയുദ്ധാരോ

൧൩. കുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. കുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. കുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

അകുസലോ ഹേതു ധമ്മോ അകുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. അകുസലോ ഹേതു ധമ്മോ കുസലസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. അകുസലോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

അബ്യാകതോ ഹേതു ധമ്മോ അബ്യാകതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൧൪. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)