൧. വിഭങ്ഗവാരോ

ഹേതുപച്ചയോ

൯൨. നീവരണഞ്ചേവ നീവരണസമ്പയുത്തഞ്ച ധമ്മം പടിച്ച നീവരണോ ചേവ നീവരണസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം. സബ്ബേപി നീവരണാ കാതബ്ബാ). (൧)

നീവരണഞ്ചേവ നീവരണസമ്പയുത്തഞ്ച ധമ്മം പടിച്ച നീവരണസമ്പയുത്തോ ചേവ നോ ച നീവരണോ ധമ്മോ ഉപ്പജ്ജതി ഹേതുപച്ചയാ – നീവരണേ പടിച്ച സമ്പയുത്തകാ ഖന്ധാ. (൨)

നീവരണഞ്ചേവ നീവരണസമ്പയുത്തഞ്ച ധമ്മം പടിച്ച നീവരണോ ചേവ നീവരണസമ്പയുത്തോ ച നീവരണസമ്പയുത്തോ ചേവ നോ ച നീവരണോ ച ധമ്മാ ഉപ്പജ്ജന്തി ഹേതുപച്ചയാ – കാമച്ഛന്ദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം സമ്പയുത്തകാ ച ഖന്ധാ (ചക്കം). (൩)

൯൩. നീവരണസമ്പയുത്തഞ്ചേവ നോ ച നീവരണം ധമ്മം പടിച്ച നീവരണസമ്പയുത്തോ ചേവ നോ ച നീവരണോ ധമ്മോ ഉപ്പജ്ജതി ഹേതുപച്ചയാ – നീവരണസമ്പയുത്തഞ്ചേവ നോ ച നീവരണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നീവരണസമ്പയുത്തഞ്ചേവ നോ ച നീവരണം ധമ്മം പടിച്ച നീവരണോ ചേവ നീവരണസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – നീവരണസമ്പയുത്തേ ചേവ നോ ച നീവരണേ ഖന്ധേ പടിച്ച നീവരണാ. (൨)

നീവരണസമ്പയുത്തഞ്ചേവ നോ ച നീവരണം ധമ്മം പടിച്ച നീവരണോ ചേവ നീവരണസമ്പയുത്തോ ച നീവരണസമ്പയുത്തോ ചേവ നോ ച നീവരണോ ച ധമ്മാ ഉപ്പജ്ജന്തി ഹേതുപച്ചയാ – നീവരണസമ്പയുത്തഞ്ചേവ നോ ച നീവരണം ഏകം ഖന്ധം പടിച്ച തയോ ഖന്ധാ നീവരണാ ച…പേ… ദ്വേ ഖന്ധേ…പേ…. (൩)

൯൪. നീവരണഞ്ചേവ നീവരണസമ്പയുത്തഞ്ച നീവരണസമ്പയുത്തഞ്ചേവ നോ ച നീവരണഞ്ച ധമ്മം പടിച്ച നീവരണോ ചേവ നീവരണസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണഞ്ച സമ്പയുത്തകേ ച ഖന്ധേ പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം). (൧)

നീവരണഞ്ചേവ നീവരണസമ്പയുത്തഞ്ച നീവരണസമ്പയുത്തഞ്ചേവ നോ ച നീവരണഞ്ച ധമ്മം പടിച്ച നീവരണസമ്പയുത്തോ ചേവ നോ ച നീവരണോ ധമ്മോ ഉപ്പജ്ജതി ഹേതുപച്ചയാ – നീവരണസമ്പയുത്തഞ്ചേവ നോ ച നീവരണം ഏകം ഖന്ധഞ്ച നീവരണഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൨)

നീവരണഞ്ചേവ നീവരണസമ്പയുത്തഞ്ച നീവരണസമ്പയുത്തഞ്ചേവ നോ ച നീവരണഞ്ച ധമ്മം പടിച്ച നീവരണോ ചേവ നീവരണസമ്പയുത്തോ ച നീവരണസമ്പയുത്തോ ചേവ നോ ച നീവരണോ ച ധമ്മാ ഉപ്പജ്ജന്തി ഹേതുപച്ചയാ – നീവരണസമ്പയുത്തഞ്ചേവ നോ ച നീവരണം ഏകം ഖന്ധഞ്ച കാമച്ഛന്ദനീവരണഞ്ച പടിച്ച തയോ ഖന്ധാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം…പേ… ദ്വേ ഖന്ധേ ച…പേ… (ചക്കം. സംഖിത്തം.). (൩)