൮. നീവരണഗോച്ഛകം

൪൪. നീവരണദുകം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. നീവരണം ധമ്മം പടിച്ച നീവരണോ ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണം പടിച്ച ഥിനമിദ്ധനീവരണം [ഥീനമിദ്ധനീവരണം (സ്യാ.)] ഉദ്ധച്ചനീവരണം അവിജ്ജാനീവരണം, കാമച്ഛന്ദനീവരണം പടിച്ച ഉദ്ധച്ചനീവരണം അവിജ്ജാനീവരണം, ബ്യാപാദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം, ബ്യാപാദനീവരണം പടിച്ച ഉദ്ധച്ചനീവരണം അവിജ്ജാനീവരണം, ബ്യാപാദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം കുക്കുച്ചനീവരണം അവിജ്ജാനീവരണം, ബ്യാപാദനീവരണം പടിച്ച ഉദ്ധച്ചനീവരണം കുക്കുച്ചനീവരണം അവിജ്ജാനീവരണം, വിചികിച്ഛാനീവരണം പടിച്ച ഉദ്ധച്ചനീവരണം, ഉദ്ധച്ചനീവരണം പടിച്ച അവിജ്ജാനീവരണം. (൧)

നീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി ഹേതുപച്ചയാ – നീവരണേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

നീവരണം ധമ്മം പടിച്ച നീവരണോ ച നോനീവരണോ ച ധമ്മാ ഉപ്പജ്ജന്തി ഹേതുപച്ചയാ – കാമച്ഛന്ദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം (ചക്കം). (൩)

൨. നോനീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

നോനീവരണം ധമ്മം പടിച്ച നീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണേ ഖന്ധേ പടിച്ച നീവരണാ. (൨)

നോനീവരണം ധമ്മം പടിച്ച നീവരണോ ച നോനീവരണോ ച ധമ്മാ ഉപ്പജ്ജന്തി ഹേതുപച്ചയാ – നോനീവരണം ഏകം ഖന്ധം പടിച്ച തയോ ഖന്ധാ നീവരണാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. നീവരണഞ്ച നോനീവരണഞ്ച ധമ്മം പടിച്ച നീവരണോ ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണഞ്ച സമ്പയുത്തകേ ച ഖന്ധേ പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം). (൧)

നീവരണഞ്ച നോനീവരണഞ്ച ധമ്മം പടിച്ച നോനീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണം ഏകം ഖന്ധഞ്ച നീവരണഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… നീവരണേ ച മഹാഭൂതേ ച പടിച്ച ചിത്തസമുട്ഠാനം രൂപം. (൨)

നീവരണഞ്ച നോനീവരണഞ്ച ധമ്മം പടിച്ച നീവരണോ ച നോനീവരണോ ച ധമ്മാ ഉപ്പജ്ജന്തി ഹേതുപച്ചയാ – നോനീവരണം ഏകം ഖന്ധഞ്ച കാമച്ഛന്ദനീവരണഞ്ച പടിച്ച തയോ ഖന്ധാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം…പേ… ദ്വേ ഖന്ധേ ച…പേ… (ചക്കം. സംഖിത്തം). (൩)

൧. പച്ചയാനുലോമം

൨. സങ്ഖ്യാവാരോ

സുദ്ധം

൪. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ (സബ്ബത്ഥ നവ), വിപാകേ ഏകം, ആഹാരേ നവ…പേ… അവിഗതേ നവ.

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൫. നീവരണം ധമ്മം പടിച്ച നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാനീവരണം പടിച്ച അവിജ്ജാനീവരണം, ഉദ്ധച്ചനീവരണം പടിച്ച അവിജ്ജാനീവരണം. (൧)

നോനീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി നഹേതുപച്ചയാ – അഹേതുകം നോനീവരണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ). (൧)

നോനീവരണം ധമ്മം പടിച്ച നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച അവിജ്ജാനീവരണം. (൨)

൬. നീവരണഞ്ച നോനീവരണഞ്ച ധമ്മം പടിച്ച നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാനീവരണഞ്ച സമ്പയുത്തകേ ച ഖന്ധേ പടിച്ച അവിജ്ജാനീവരണം, ഉദ്ധച്ചനീവരണഞ്ച സമ്പയുത്തകേ ച ഖന്ധേ പടിച്ച അവിജ്ജാനീവരണം. (൧)

നആരമ്മണപച്ചയാദി

൭. നീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി നആരമ്മണപച്ചയാ – നീവരണേ പടിച്ച ചിത്തസമുട്ഠാനം രൂപം. (൧)

നോനീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി നആരമ്മണപച്ചയാ – നോനീവരണേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അസഞ്ഞസത്താ). (൧)

നീവരണഞ്ച നോനീവരണഞ്ച ധമ്മം പടിച്ച നോനീവരണോ ധമ്മോ ഉപ്പജ്ജതി നആരമ്മണപച്ചയാ – നീവരണേ ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം (സംഖിത്തം)… നഅധിപതിപച്ചയാ… നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

നപുരേജാതപച്ചയോ

൮. നീവരണം ധമ്മം പടിച്ച നീവരണോ ധമ്മോ ഉപ്പജ്ജതി നപുരേജാതപച്ചയാ – അരൂപേ കാമച്ഛന്ദനീവരണം പടിച്ച ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം, അരൂപേ കാമച്ഛന്ദനീവരണം പടിച്ച ഉദ്ധച്ചനീവരണം അവിജ്ജാനീവരണം, അരൂപേ വിചികിച്ഛാനീവരണം പടിച്ച ഉദ്ധച്ചനീവരണം അവിജ്ജാനീവരണം, അരൂപേ ഉദ്ധച്ചനീവരണം പടിച്ച അവിജ്ജാനീവരണം. (൧)

നീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി നപുരേജാതപച്ചയാ – അരൂപേ നീവരണേ പടിച്ച സമ്പയുത്തകാ ഖന്ധാ, നീവരണേ പടിച്ച ചിത്തസമുട്ഠാനം രൂപം. (അവസേസാ പഞ്ഹാ സബ്ബേ വിത്ഥാരേതബ്ബാ. അരൂപം പഠമം കാതബ്ബം, രൂപം പച്ഛാ യഥാ ലഭതി.)

൯. നീവരണഞ്ച നോനീവരണഞ്ച ധമ്മം പടിച്ച നീവരണോ ധമ്മോ ഉപ്പജ്ജതി നപുരേജാതപച്ചയാ – അരൂപേ നോനീവരണേ ഖന്ധേ ച കാമച്ഛന്ദനീവരണഞ്ച പടിച്ച ഥിനമിദ്ധനീവരണം ഉദ്ധച്ചനീവരണം (ചക്കം). (൧)

നീവരണഞ്ച നോനീവരണഞ്ച ധമ്മം പടിച്ച നോനീവരണോ ധമ്മോ ഉപ്പജ്ജതി നപുരേജാതപച്ചയാ – അരൂപേ നോനീവരണം ഏകം ഖന്ധഞ്ച നീവരണേ ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… നീവരണേ ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം, നീവരണേ ച മഹാഭൂതേ ച പടിച്ച ചിത്തസമുട്ഠാനം രൂപം. (൨)

നീവരണഞ്ച നോനീവരണഞ്ച ധമ്മം പടിച്ച നീവരണോ ച നോനീവരണോ ച ധമ്മാ ഉപ്പജ്ജന്തി നപുരേജാതപച്ചയാ – അരൂപേ നോനീവരണം ഏകം ഖന്ധഞ്ച കാമച്ഛന്ദനീവരണഞ്ച പടിച്ച തയോ ഖന്ധാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം. സംഖിത്തം). (൩)

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൧൦. നഹേതുയാ ചത്താരി, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൩. പച്ചയാനുലോമപച്ചനീയം

൧൧. ഹേതുപച്ചയാ നആരമ്മണേ തീണി, നഅധിപതിയാ നവ (സംഖിത്തം).

൪. പച്ചയപച്ചനീയാനുലോമം

൧൨. നഹേതുപച്ചയാ ആരമ്മണേ ചത്താരി…പേ… മഗ്ഗേ തീണി…പേ… അവിഗതേ ചത്താരി.

൨. സഹജാതവാരോ

(സഹജാതവാരോപി ഏവം വിത്ഥാരേതബ്ബോ).

൩. പച്ചയവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൩. നീവരണം ധമ്മം പച്ചയാ നീവരണോ ധമ്മോ ഉപ്പജ്ജതി ഹേതുപച്ചയാ… തീണി.

നോനീവരണം ധമ്മം പച്ചയാ നോനീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… (യാവ അജ്ഝത്തികാ മഹാഭൂതാ), വത്ഥും പച്ചയാ നോനീവരണാ ഖന്ധാ. (൧)

നോനീവരണം ധമ്മം പച്ചയാ നീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണേ ഖന്ധേ പച്ചയാ നീവരണാ, വത്ഥും പച്ചയാ നീവരണാ. (൨)

നോനീവരണം ധമ്മം പച്ചയാ നീവരണോ ച നോനീവരണോ ച ധമ്മാ ഉപ്പജ്ജന്തി ഹേതുപച്ചയാ – നോനീവരണം ഏകം ഖന്ധം പച്ചയാ തയോ ഖന്ധാ നീവരണാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ നീവരണാ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ നീവരണാ ച സമ്പയുത്തകാ ച ഖന്ധാ. (൩)

൧൪. നീവരണഞ്ച നോനീവരണഞ്ച ധമ്മം പച്ചയാ നീവരണോ ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണഞ്ച സമ്പയുത്തകേ ച ഖന്ധേ പച്ചയാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം). കാമച്ഛന്ദനീവരണഞ്ച വത്ഥുഞ്ച പച്ചയാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം). (൧)

നീവരണഞ്ച നോനീവരണഞ്ച ധമ്മം പച്ചയാ നോനീവരണോ ധമ്മോ ഉപ്പജ്ജതി ഹേതുപച്ചയാ – നോനീവരണം ഏകം ഖന്ധഞ്ച നീവരണഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… നീവരണഞ്ച വത്ഥുഞ്ച പച്ചയാ സമ്പയുത്തകാ ഖന്ധാ, നീവരണഞ്ച സമ്പയുത്തകേ ച ഖന്ധേ പച്ചയാ ചിത്തസമുട്ഠാനം രൂപം, നീവരണേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

നീവരണഞ്ച നോനീവരണഞ്ച ധമ്മം പച്ചയാ നീവരണോ ച നോനീവരണോ ച ധമ്മാ ഉപ്പജ്ജന്തി ഹേതുപച്ചയാ – നോനീവരണം ഏകം ഖന്ധഞ്ച കാമച്ഛന്ദനീവരണഞ്ച പച്ചയാ തയോ ഖന്ധാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം…പേ… ദ്വേ ഖന്ധേ …പേ… (ചക്കം). കാമച്ഛന്ദനീവരണഞ്ച വത്ഥുഞ്ച പച്ചയാ ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം സമ്പയുത്തകാ ച ഖന്ധാ (ചക്കം. സംഖിത്തം). (൩)

൧. പച്ചയാനുലോമം

൨. സങ്ഖ്യാവാരോ

൧൫. ഹേതുയാ നവ, ആരമ്മണേ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൧൬. നീവരണം ധമ്മം പച്ചയാ നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാനീവരണം പച്ചയാ അവിജ്ജാനീവരണം, ഉദ്ധച്ചനീവരണം പച്ചയാ അവിജ്ജാനീവരണം. (൧)

നോനീവരണം ധമ്മം പച്ചയാ നോനീവരണോ ധമ്മോ ഉപ്പജ്ജതി നഹേതുപച്ചയാ – അഹേതുകം നോനീവരണം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ നോനീവരണാ ഖന്ധാ. (൧)

നോനീവരണം ധമ്മം പച്ചയാ നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ അവിജ്ജാനീവരണം, വത്ഥും പച്ചയാ അവിജ്ജാനീവരണം. (൨)

൧൭. നീവരണഞ്ച നോനീവരണഞ്ച ധമ്മം പച്ചയാ നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാനീവരണഞ്ച സമ്പയുത്തകേ ച ഖന്ധേ പച്ചയാ അവിജ്ജാനീവരണം, ഉദ്ധച്ചനീവരണഞ്ച സമ്പയുത്തകേ ച ഖന്ധേ പച്ചയാ അവിജ്ജാനീവരണം, വിചികിച്ഛാനീവരണഞ്ച വത്ഥുഞ്ച പച്ചയാ അവിജ്ജാനീവരണം, ഉദ്ധച്ചനീവരണഞ്ച വത്ഥുഞ്ച പച്ചയാ അവിജ്ജാനീവരണം (സംഖിത്തം). (൧)

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൧൮. നഹേതുയാ ചത്താരി, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൩. പച്ചയാനുലോമപച്ചനീയം

൧൯. ഹേതുപച്ചയാ നആരമ്മണേ തീണി, നഅധിപതിയാ നവ (സംഖിത്തം).

൪. പച്ചയപച്ചനീയാനുലോമം

൨൦. നഹേതുപച്ചയാ ആരമ്മണേ ചത്താരി, അനന്തരേ ചത്താരി, സമനന്തരേ ചത്താരി…പേ… മഗ്ഗേ തീണി, അവിഗതേ ചത്താരി.

൫. സംസട്ഠവാരോ

൧-൪. പച്ചയചതുക്കം

൨൧. നീവരണം ധമ്മം സംസട്ഠോ നീവരണോ ധമ്മോ ഉപ്പജ്ജതി ഹേതുപച്ചയാ – കാമച്ഛന്ദനീവരണം സംസട്ഠം ഥിനമിദ്ധനീവരണം ഉദ്ധച്ചനീവരണം അവിജ്ജാനീവരണം (ചക്കം. സബ്ബം നീവരണം വിത്ഥാരേതബ്ബം).

൨൨. ഹേതുയാ നവ, ആരമ്മണേ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

അനുലോമം.

൨൩. നീവരണം ധമ്മം സംസട്ഠോ നീവരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാനീവരണം സംസട്ഠം അവിജ്ജാനീവരണം, ഉദ്ധച്ചനീവരണം സംസട്ഠം അവിജ്ജാനീവരണം (സംഖിത്തം).

൨൪. നഹേതുയാ ചത്താരി, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നഝാനേ ഏകം, നമഗ്ഗേ ഏകം, നവിപ്പയുത്തേ നവ.

പച്ചനീയം.

൬. സമ്പയുത്തവാരോ

(ഏവം ഇതരേ ദ്വേ ഗണനാപി സമ്പയുത്തവാരോപി കാതബ്ബോ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൨൫. നീവരണോ ധമ്മോ നീവരണസ്സ ധമ്മസ്സ ഹേതുപച്ചയേന പച്ചയോ – നീവരണാ ഹേതൂ സമ്പയുത്തകാനം നീവരണാനം ഹേതുപച്ചയേന പച്ചയോ. (൧)

നീവരണോ ധമ്മോ നോനീവരണസ്സ ധമ്മസ്സ ഹേതുപച്ചയേന പച്ചയോ – നീവരണാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

നീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ ഹേതുപച്ചയേന പച്ചയോ – നീവരണാ ഹേതൂ സമ്പയുത്തകാനം ഖന്ധാനം നീവരണാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നോനീവരണോ ധമ്മോ നോനീവരണസ്സ ധമ്മസ്സ ഹേതുപച്ചയേന പച്ചയോ – നോനീവരണാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൨൬. നീവരണോ ധമ്മോ നീവരണസ്സ ധമ്മസ്സ ആരമ്മണപച്ചയേന പച്ചയോ – നീവരണേ ആരബ്ഭ നീവരണാ ഉപ്പജ്ജന്തി. (മൂലം പുച്ഛിതബ്ബം) നീവരണേ ആരബ്ഭ നോനീവരണാ ഖന്ധാ ഉപ്പജ്ജന്തി. (മൂലം കാതബ്ബം) നീവരണേ ആരബ്ഭ നീവരണാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൨൭. നോനീവരണോ ധമ്മോ നോനീവരണസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോനീവരണേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ…പേ… ചക്ഖും…പേ… വത്ഥും നോനീവരണേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോനീവരണചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോനീവരണാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോനീവരണോ ധമ്മോ നീവരണസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നോനീവരണേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി …പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി. (൨)

നോനീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നോനീവരണേ ഖന്ധേ അസ്സാദേതി അഭിനന്ദതി, തം ആരബ്ഭ നീവരണാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

നീവരണോ ച നോനീവരണോ ച ധമ്മാ നീവരണസ്സ ധമ്മസ്സ ആരമ്മണപച്ചയേന പച്ചയോ… തീണി (ആരബ്ഭ കാതബ്ബാ).

അധിപതിപച്ചയോ

൨൮. നീവരണോ ധമ്മോ നീവരണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – നീവരണേ ഗരും കത്വാ നീവരണാ ഉപ്പജ്ജന്തി… തീണി (ആരമ്മണസദിസം). (൩)

൨൯. നോനീവരണോ ധമ്മോ നോനീവരണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോനീവരണേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോനീവരണാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോനീവരണോ ധമ്മോ നീവരണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോനീവരണേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോനീവരണാധിപതി സമ്പയുത്തകാനം നീവരണാനം അധിപതിപച്ചയേന പച്ചയോ. (൨)

നോനീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോനീവരണേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ നീവരണാ ച സമ്പയുത്തകാ ച ഖന്ധാ ഉപ്പജ്ജന്തി. സഹജാതാധിപതി – നോനീവരണാധിപതി സമ്പയുത്തകാനം ഖന്ധാനം നീവരണാനഞ്ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

നീവരണോ ച നോനീവരണോ ച ധമ്മാ നീവരണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി (ആരമ്മണാധിപതിയേവ).

അനന്തരപച്ചയോ

൩൦. നീവരണോ ധമ്മോ നീവരണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നീവരണാ പച്ഛിമാനം പച്ഛിമാനം നീവരണാനം അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമാ പുരിമാ നീവരണാ പച്ഛിമാനം പച്ഛിമാനം നോനീവരണാനം ഖന്ധാനം അനന്തരപച്ചയേന പച്ചയോ; നീവരണാ വുട്ഠാനസ്സ അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമാ പുരിമാ നീവരണാ പച്ഛിമാനം പച്ഛിമാനം നീവരണാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൩൧. നോനീവരണോ ധമ്മോ നോനീവരണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോനീവരണാ ഖന്ധാ പച്ഛിമാനം പച്ഛിമാനം നോനീവരണാനം ഖന്ധാനം അനന്തരപച്ചയേന പച്ചയോ…പേ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (മൂലം പുച്ഛിതബ്ബം ) പുരിമാ പുരിമാ നോനീവരണാ ഖന്ധാ പച്ഛിമാനം പച്ഛിമാനം നീവരണാനം അനന്തരപച്ചയേന പച്ചയോ; ആവജ്ജനാ നീവരണാനം അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമാ പുരിമാ നോനീവരണാ ഖന്ധാ പച്ഛിമാനം പച്ഛിമാനം നീവരണാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ; ആവജ്ജനാ നീവരണാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൩൨. നീവരണോ ച നോനീവരണോ ച ധമ്മാ നീവരണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നീവരണാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നീവരണാനം അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമാ പുരിമാ നീവരണാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നോനീവരണാനം ഖന്ധാനം അനന്തരപച്ചയേന പച്ചയോ; നീവരണാ ച സമ്പയുത്തകാ ച ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമാ പുരിമാ നീവരണാ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നീവരണാനഞ്ച സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയാദി

൩൩. നീവരണോ ധമ്മോ നീവരണസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ.

ഉപനിസ്സയപച്ചയോ

൩൪. നീവരണോ ധമ്മോ നീവരണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നീവരണാനി നീവരണാനം ഉപനിസ്സയപച്ചയേന പച്ചയോ… തീണി.

൩൫. നോനീവരണോ ധമ്മോ നോനീവരണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സീലം…പേ… ഉപോസഥകമ്മം…പേ… ഝാനം ഉപ്പാദേതി, വിപസ്സനം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം…പേ… മാനം… ദിട്ഠിം… പത്ഥനം… കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ …പേ… സേനാസനം സദ്ധായ…പേ… പഞ്ഞായ, രാഗസ്സ…പേ… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോനീവരണോ ധമ്മോ നീവരണസ്സ ധമ്മസ്സ ഉപനിസ്സയപച്ചയേന പച്ചയോ (തീണി ഉപനിസ്സയാ). പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നോനീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം നീവരണാനം സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

നീവരണോ ച നോനീവരണോ ച ധമ്മാ നീവരണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നീവരണാ ച സമ്പയുത്തകാ ച ഖന്ധാ നീവരണാനം ഉപനിസ്സയപച്ചയേന പച്ചയോ… തീണി.

പുരേജാതപച്ചയോ

൩൬. നോനീവരണോ ധമ്മോ നോനീവരണസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി…പേ… തീണി (പുരേജാതം ആരമ്മണസദിസം കുസലാകുസലസ്സ വിഭജിതബ്ബം).

പച്ഛാജാത-ആസേവനപച്ചയാ

൩൭. നീവരണോ ധമ്മോ നോനീവരണസ്സ ധമ്മസ്സ പച്ഛാജാതപച്ചയേന പച്ചയോ… തീണി… ആസേവനപച്ചയേന പച്ചയോ… നവ.

കമ്മപച്ചയോ

൩൮. നോനീവരണോ ധമ്മോ നോനീവരണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോനീവരണാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോനീവരണാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (മൂലം പുച്ഛിതബ്ബം) നോനീവരണാ ചേതനാ സമ്പയുത്തകാനം നീവരണാനം കമ്മപച്ചയേന പച്ചയോ. (മൂലം പുച്ഛിതബ്ബം) നോനീവരണാ ചേതനാ സമ്പയുത്തകാനം ഖന്ധാനം നീവരണാനഞ്ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൩൯. നോനീവരണോ ധമ്മോ നോനീവരണസ്സ ധമ്മസ്സ വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ.

വിപ്പയുത്തപച്ചയോ

൪൦. നീവരണോ ധമ്മോ നോനീവരണസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (ഏവം അവസേസാ ചത്താരി പഞ്ഹാ കാതബ്ബാ).

അത്ഥിപച്ചയോ

൪൧. നീവരണോ ധമ്മോ നീവരണസ്സ ധമ്മസ്സ അത്ഥിപച്ചയേന പച്ചയോ – കാമച്ഛന്ദനീവരണം ഥിനമിദ്ധനീവരണസ്സ ഉദ്ധച്ചനീവരണസ്സ അവിജ്ജാനീവരണസ്സ അത്ഥിപച്ചയേന പച്ചയോ (ചക്കം). (൧)

നീവരണോ ധമ്മോ നോനീവരണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (ഏവം നീവരണമൂലേ തീണി ). (൩)

൪൨. നോനീവരണോ ധമ്മോ നോനീവരണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോനീവരണോ ധമ്മോ നീവരണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം). (൨)

നോനീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം) (൩)

൪൩. നീവരണോ ച നോനീവരണോ ച ധമ്മാ നീവരണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – കാമച്ഛന്ദനീവരണഞ്ച സമ്പയുത്തകാ ച ഖന്ധാ ഥിനമിദ്ധനീവരണസ്സ ഉദ്ധച്ചനീവരണസ്സ അവിജ്ജാനീവരണസ്സ അത്ഥിപച്ചയേന പച്ചയോ; കാമച്ഛന്ദനീവരണഞ്ച വത്ഥു ച ഥിനമിദ്ധനീവരണസ്സ ഉദ്ധച്ചനീവരണസ്സ അവിജ്ജാനീവരണസ്സ അത്ഥിപച്ചയേന പച്ചയോ. (൧)

നീവരണോ ച നോനീവരണോ ച ധമ്മാ നോനീവരണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോനീവരണോ ഏകോ ഖന്ധോ ച നീവരണാ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… നീവരണാ ച വത്ഥു ച നോനീവരണാനം ഖന്ധാനം അത്ഥിപച്ചയേന പച്ചയോ; നീവരണാ ച സമ്പയുത്തകാ ച ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; നീവരണാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – നീവരണാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – നീവരണാ ച സമ്പയുത്തകാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – നീവരണാ ച സമ്പയുത്തകാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

നീവരണോ ച നോനീവരണോ ച ധമ്മാ നീവരണസ്സ ച നോനീവരണസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോനീവരണോ ഏകോ ഖന്ധോ ച കാമച്ഛന്ദനീവരണഞ്ച തിണ്ണന്നം ഖന്ധാനം ഥിനമിദ്ധനീവരണസ്സ ഉദ്ധച്ചനീവരണസ്സ അവിജ്ജാനീവരണസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; ദ്വേ ഖന്ധാ ച…പേ… കാമച്ഛന്ദനീവരണഞ്ച വത്ഥു ച ഥിനമിദ്ധനീവരണസ്സ ഉദ്ധച്ചനീവരണസ്സ അവിജ്ജാനീവരണസ്സ ച സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ (ചക്കം). (൩)

൧. പച്ചയാനുലോമം

൨. സങ്ഖ്യാവാരോ

സുദ്ധം

൪൪. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ തീണി, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൪൫. നീവരണോ ധമ്മോ നീവരണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

നീവരണോ ധമ്മോ നോനീവരണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

നീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൪൬. നോനീവരണോ ധമ്മോ നോനീവരണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നോനീവരണോ ധമ്മോ നീവരണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോനീവരണോ ധമ്മോ നീവരണസ്സ ച നോനീവരണസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)