൧. വിഭങ്ഗവാരോ

ഹേതുപച്ചയോ

൯൦. നീവരണോ ചേവ നീവരണിയോ ച ധമ്മോ നീവരണസ്സ ചേവ നീവരണിയസ്സ ച ധമ്മസ്സ ഹേതുപച്ചയേന പച്ചയോ – നീവരണാ ചേവ നീവരണിയാ ച ഹേതൂ സമ്പയുത്തകാനം നീവരണാനം ഹേതുപച്ചയേന പച്ചയോ. (൧)

നീവരണോ ചേവ നീവരണിയോ ച ധമ്മോ നീവരണിയസ്സ ചേവ നോ ച നീവരണസ്സ ധമ്മസ്സ ഹേതുപച്ചയേന പച്ചയോ – നീവരണാ ചേവ നീവരണിയാ ച ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

നീവരണോ ചേവ നീവരണിയോ ച ധമ്മോ നീവരണസ്സ ചേവ നീവരണിയസ്സ ച നീവരണിയസ്സ ചേവ നോ ച നീവരണസ്സ ച ധമ്മസ്സ ഹേതുപച്ചയേന പച്ചയോ – നീവരണാ ചേവ നീവരണിയാ ച ഹേതൂ സമ്പയുത്തകാനം ഖന്ധാനം നീവരണാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നീവരണിയോ ചേവ നോ ച നീവരണോ ധമ്മോ നീവരണിയസ്സ ചേവ നോ ച നീവരണസ്സ ധമ്മസ്സ ഹേതുപച്ചയേന പച്ചയോ – നീവരണിയാ ചേവ നോ ച നീവരണാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൯൧. നീവരണോ ചേവ നീവരണിയോ ച ധമ്മോ നീവരണസ്സ ചേവ നീവരണിയസ്സ ച ധമ്മസ്സ ആരമ്മണപച്ചയേന പച്ചയോ – നീവരണേ ആരബ്ഭ നീവരണാ ഉപ്പജ്ജന്തി. (മൂലം പുച്ഛിതബ്ബം) നീവരണേ ആരബ്ഭ നീവരണിയാ ചേവ നോ ച നീവരണാ ഖന്ധാ ഉപ്പജ്ജന്തി. (മൂലം പുച്ഛിതബ്ബം) നീവരണേ ആരബ്ഭ നീവരണാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

നീവരണിയോ ചേവ നോ ച നീവരണോ ധമ്മോ നീവരണിയസ്സ ചേവ നോ ച നീവരണസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി… വിചികിച്ഛാ… ഉദ്ധച്ചം… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ ഗോത്രഭും പച്ചവേക്ഖന്തി, വോദാനം…പേ… പഹീനേ കിലേസേ …പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ…പേ… ചക്ഖും…പേ… വത്ഥും നീവരണിയേ ചേവ നോ ച നീവരണേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി…പേ… (യാവ ആവജ്ജനാ താവ കാതബ്ബാ). (൧)

നീവരണിയോ ചേവ നോ ച നീവരണോ ധമ്മോ നീവരണസ്സ ചേവ നീവരണിയസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നീവരണിയേ ചേവ നോ ച നീവരണേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ…പേ… ദിട്ഠി… വിചികിച്ഛാ… ഉദ്ധച്ചം… ദോമനസ്സം ഉപ്പജ്ജതി. (൨)

നീവരണിയോ ചേവ നോ ച നീവരണോ ധമ്മോ നീവരണസ്സ ചേവ നീവരണിയസ്സ ച നീവരണിയസ്സ ചേവ നോ ച നീവരണസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ …പേ… ചക്ഖും…പേ… വത്ഥും നീവരണിയേ ചേവ നോ ച നീവരണേ ഖന്ധേ അസ്സാദേതി അഭിനന്ദതി, തം ആരബ്ഭ നീവരണാ ച സമ്പയുത്തകാ ച ഖന്ധാ ഉപ്പജ്ജന്തി (ഏവം ഇതരേപി തീണി കാതബ്ബാ). (൩)

(ആരമ്മണസദിസാ അധിപതിപച്ചയാ, പുരേജാതമ്പി ആരമ്മണസദിസം. ഉപനിസ്സയേപി ലോകുത്തരം ന കാതബ്ബം. സംഖിത്തം, ഏവം വിത്ഥാരേതബ്ബം യഥാ നീവരണദുകം, ഏവം പച്ചവേക്ഖിത്വാ കാതബ്ബം.)

നീവരണനീവരണിയദുകം നിട്ഠിതം.