൨. സങ്ഖ്യാവാരോ

സുദ്ധം

൮൩. ഹേതുയാ ചത്താരി, ആരമ്മണേ ചത്താരി, അധിപതിയാ പഞ്ച, അനന്തരേ ചത്താരി, സമനന്തരേ ചത്താരി, സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ ദ്വേ, കമ്മേ ചത്താരി, വിപാകേ ഏകം, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ ചത്താരി, വിഗതേ ചത്താരി, അവിഗതേ സത്ത.

അനുലോമം.

പച്ചനീയുദ്ധാരോ

൮൪. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ … ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

നീവരണസമ്പയുത്തോ ധമ്മോ നീവരണസമ്പയുത്തസ്സ ച നീവരണവിപ്പയുത്തസ്സ ച ധമ്മസ്സ സഹജാതപച്ചയേന പച്ചയോ. (൩)

൮൫. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ … പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നീവരണസമ്പയുത്തോ ച നീവരണവിപ്പയുത്തോ ച ധമ്മാ നീവരണസമ്പയുത്തസ്സ ധമ്മസ്സ സഹജാതം, പുരേജാതം. (൧)

നീവരണസമ്പയുത്തോ ച നീവരണവിപ്പയുത്തോ ച ധമ്മാ നീവരണവിപ്പയുത്തസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)