൧. വിഭങ്ഗവാരോ

ഹേതുപച്ചയോ

൬൬. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ഹേതുപച്ചയേന പച്ചയോ – നീവരണസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം പുച്ഛിതബ്ബം) നീവരണസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (മൂലം പുച്ഛിതബ്ബം) നീവരണസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – നീവരണവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൬൭. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – രാഗം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ദിട്ഠിം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; വിചികിച്ഛം ആരബ്ഭ വിചികിച്ഛാ…പേ… ദിട്ഠി…പേ… ഉദ്ധച്ചം…പേ… ദോമനസ്സം ഉപ്പജ്ജതി; ഉദ്ധച്ചം ആരബ്ഭ ഉദ്ധച്ചം ഉപ്പജ്ജതി, ദിട്ഠി…പേ… വിചികിച്ഛാ, ദോമനസ്സം ഉപ്പജ്ജതി; ദോമനസ്സം ആരബ്ഭ ദോമനസ്സം ഉപ്പജ്ജതി; ദിട്ഠി …പേ… വിചികിച്ഛാ…പേ… ഉദ്ധച്ചം ഉപ്പജ്ജതി. (൧)

നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ നീവരണസമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി; നീവരണസമ്പയുത്തേ ഖന്ധേ അനിച്ചതോ ദുക്ഖതോ അനത്തതോ വിപസ്സതി, ചേതോപരിയഞാണേന നീവരണസമ്പയുത്തചിത്തസമങ്ഗിസ്സ ചിത്തം ജാനാതി; നീവരണസമ്പയുത്താ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൬൮. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും നീവരണവിപ്പയുത്തേ ഖന്ധേ അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി (യാവ ആവജ്ജനായ). (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നീവരണവിപ്പയുത്തേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി. (൨)

അധിപതിപച്ചയോ

൬൯. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; ദിട്ഠിം ഗരും കത്വാ അസ്സാദേതി…പേ…. സഹജാതാധിപതി – നീവരണസമ്പയുത്താധിപതി നീവരണസമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – നീവരണസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (മൂലം പുച്ഛിതബ്ബം) നീവരണസമ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൭൦. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. സഹജാതാധിപതി – നീവരണവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… സീലം…പേ… പുബ്ബേ…പേ… ഝാനം…പേ… ചക്ഖും…പേ… വത്ഥും നീവരണവിപ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയോ

൭൧. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നീവരണസമ്പയുത്താ ഖന്ധാ പച്ഛിമാനം പച്ഛിമാനം നീവരണസമ്പയുത്തകാനം ഖന്ധാനം അനന്തരപച്ചയേന പച്ചയോ. (മൂലം പുച്ഛിതബ്ബം) നീവരണസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ (ഇധ പുരിമാ പുരിമാതി നത്ഥി). (൨)

(മൂലം പുച്ഛിതബ്ബം) പുരിമാ പുരിമാ നീവരണവിപ്പയുത്താ ഖന്ധാ പച്ഛിമാനം പച്ഛിമാനം നീവരണവിപ്പയുത്താനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ നീവരണസമ്പയുത്തകാനം ഖന്ധാനം അനന്തരപച്ചയേന പച്ചയോ. (൨)

സമനന്തരപച്ചയാദി

൭൨. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ.

ഉപനിസ്സയപച്ചയോ

൭൩. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി; ദോസം… മോഹം… മാനം… ദിട്ഠിം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി; രാഗോ…പേ… പത്ഥനാ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൧)

നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – രാഗം ഉപനിസ്സായ ദാനം ദേതി…പേ… സീലം…പേ… ഉപോസഥകമ്മം…പേ… ഝാനം…പേ… വിപസ്സനം… മഗ്ഗം… അഭിഞ്ഞം… സമാപത്തിം ഉപ്പാദേതി; ദോസം…പേ… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; രാഗോ…പേ… പത്ഥനാ സദ്ധായ …പേ… പഞ്ഞായ… കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

൭൪. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി, സീലം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, സീലം…പേ… പഞ്ഞം…പേ… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സദ്ധാ…പേ… സേനാസനം സദ്ധായ…പേ… പഞ്ഞായ…പേ… മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം, കായികം സുഖം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ… ദോസസ്സ… മോഹസ്സ… മാനസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൭൫. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നീവരണവിപ്പയുത്താനം ഖന്ധാനം പുരേജാതപച്ചയേന പച്ചയോ. (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ… ദോസോ… മോഹോ…. വത്ഥുപുരേജാതം – വത്ഥു നീവരണസമ്പയുത്താനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതാസേവനപച്ചയാ

൭൬. നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ… ദ്വേ, ആസേവനപച്ചയേന പച്ചയോ… ദ്വേ.

കമ്മപച്ചയാദി

൭൭. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ കമ്മപച്ചയേന പച്ചയോ – നീവരണസമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (മൂലം കാതബ്ബം) സഹജാതാ, നാനാക്ഖണികാ. സഹജാതാ – നീവരണസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – നീവരണസമ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (മൂലം കാതബ്ബം) നീവരണസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ (സംഖിത്തം). വിപാകപച്ചയാ… ഏകം.

ആഹാരപച്ചയാദി

൭൮. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ… ദ്വേ.

വിപ്പയുത്തപച്ചയോ

൭൯. നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു നീവരണസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൨)

അത്ഥിപച്ചയോ

൮൦. നീവരണസമ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – നീവരണസമ്പയുത്തോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ…. (൧)

നീവരണസമ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – നീവരണസമ്പയുത്താ ഖന്ധാ ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – നീവരണസമ്പയുത്താ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

നീവരണസമ്പയുത്തോ ധമ്മോ നീവരണസമ്പയുത്തസ്സ ച നീവരണവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – നീവരണസമ്പയുത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. (൩)

൮൧. നീവരണവിപ്പയുത്തോ ധമ്മോ നീവരണവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നീവരണവിപ്പയുത്തോ ധമ്മോ നീവരണസമ്പയുത്തസ്സ ധമ്മസ്സ അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ…പേ… ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; വത്ഥു നീവരണസമ്പയുത്തകാനം ഖന്ധാനം അത്ഥിപച്ചയേന പച്ചയോ. (൨)

൮൨. നീവരണസമ്പയുത്തോ ച നീവരണവിപ്പയുത്തോ ച ധമ്മാ നീവരണസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നീവരണസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച വത്ഥു ച ദ്വിന്നം ഖന്ധാനം അത്ഥിപച്ചയേന പച്ചയോ. (൧)

നീവരണസമ്പയുത്തോ ച നീവരണവിപ്പയുത്തോ ച ധമ്മാ നീവരണവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – നീവരണസമ്പയുത്താ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – നീവരണസമ്പയുത്താ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – നീവരണസമ്പയുത്താ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)