൧. വിഭങ്ഗവാരോ

ഹേതുപച്ചയോ

൫൯. നീവരണസമ്പയുത്തം ധമ്മം പച്ചയാ നീവരണസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി.

നീവരണവിപ്പയുത്തം ധമ്മം പച്ചയാ നീവരണവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – നീവരണവിപ്പയുത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം …പേ… ദ്വേ ഖന്ധേ…പേ… പടിസന്ധിക്ഖണേ…പേ… ഏകം മഹാഭൂതം…പേ… വത്ഥും പച്ചയാ നീവരണവിപ്പയുത്താ ഖന്ധാ. (൧)

നീവരണവിപ്പയുത്തം ധമ്മം പച്ചയാ നീവരണസമ്പയുത്തോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ നീവരണസമ്പയുത്താ ഖന്ധാ. (൨)

നീവരണവിപ്പയുത്തം ധമ്മം പച്ചയാ നീവരണസമ്പയുത്തോ ച നീവരണവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ നീവരണസമ്പയുത്താ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൩)

൬൦. നീവരണസമ്പയുത്തഞ്ച നീവരണവിപ്പയുത്തഞ്ച ധമ്മം പച്ചയാ നീവരണസമ്പയുത്തോ ധമ്മോ ഉപ്പജ്ജതി ഹേതുപച്ചയാ – നീവരണസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

നീവരണസമ്പയുത്തഞ്ച നീവരണവിപ്പയുത്തഞ്ച ധമ്മം പച്ചയാ നീവരണവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – നീവരണസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

നീവരണസമ്പയുത്തഞ്ച നീവരണവിപ്പയുത്തഞ്ച ധമ്മം പച്ചയാ നീവരണസമ്പയുത്തോ ച നീവരണവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – നീവരണസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… നീവരണസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം (സംഖിത്തം). (൩)