൧-൪. പച്ചയചതുക്കം

ഹേതുപച്ചയോ

൧൦൭. ഗന്ഥഞ്ചേവ ഗന്ഥസമ്പയുത്തഞ്ച ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – സീലബ്ബതപരാമാസം കായഗന്ഥം പടിച്ച അഭിജ്ഝാകായഗന്ഥോ, അഭിജ്ഝാകായഗന്ഥം പടിച്ച സീലബ്ബതപരാമാസോ കായഗന്ഥോ, ഇദംസച്ചാഭിനിവേസകായഗന്ഥം പടിച്ച അഭിജ്ഝാകായഗന്ഥോ, അഭിജ്ഝാകായഗന്ഥം പടിച്ച ഇദംസച്ചാഭിനിവേസോ കായഗന്ഥോ. (൧)

ഗന്ഥഞ്ചേവ ഗന്ഥസമ്പയുത്തഞ്ച ധമ്മം പടിച്ച ഗന്ഥസമ്പയുത്തോ ചേവ നോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ – ഗന്ഥേ പടിച്ച സമ്പയുത്തകാ ഖന്ധാ. (൨)

ഗന്ഥഞ്ചേവ ഗന്ഥസമ്പയുത്തഞ്ച ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ഗന്ഥസമ്പയുത്തോ ചേവ നോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – സീലബ്ബതപരാമാസം കായഗന്ഥം പടിച്ച അഭിജ്ഝാകായഗന്ഥോ സമ്പയുത്തകാ ച ഖന്ധാ (ചക്കം). (൩)

൧൦൮. ഗന്ഥസമ്പയുത്തഞ്ചേവ നോ ച ഗന്ഥം ധമ്മം പടിച്ച ഗന്ഥസമ്പയുത്തോ ചേവ നോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തഞ്ചേവ നോ ച ഗന്ഥം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഗന്ഥസമ്പയുത്തഞ്ചേവ നോ ച ഗന്ഥം ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തേ ചേവ നോ ച ഗന്ഥേ ഖന്ധേ പടിച്ച ഗന്ഥാ. (൨)

ഗന്ഥസമ്പയുത്തഞ്ചേവ നോ ച ഗന്ഥം ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ഗന്ഥസമ്പയുത്തോ ചേവ നോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – ഗന്ഥസമ്പയുത്തഞ്ചേവ നോ ച ഗന്ഥം ഏകം ഖന്ധം പടിച്ച തയോ ഖന്ധാ ഗന്ഥാ ച…പേ… ദ്വേ ഖന്ധേ…പേ…. (൩)

൧൦൯. ഗന്ഥഞ്ചേവ ഗന്ഥസമ്പയുത്തഞ്ച ഗന്ഥസമ്പയുത്തഞ്ചേവ നോ ച ഗന്ഥഞ്ച ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – ഗന്ഥേ ച സമ്പയുത്തകേ ച ഖന്ധേ പടിച്ച ഗന്ഥാ. (൧)

ഗന്ഥഞ്ചേവ ഗന്ഥസമ്പയുത്തഞ്ച ഗന്ഥസമ്പയുത്തഞ്ചേവ നോ ച ഗന്ഥഞ്ച ധമ്മം പടിച്ച ഗന്ഥസമ്പയുത്തോ ചേവ നോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തഞ്ചേവ നോ ച ഗന്ഥം ഏകം ഖന്ധഞ്ച ഗന്ഥേ ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൨)

ഗന്ഥഞ്ചേവ ഗന്ഥസമ്പയുത്തഞ്ച ഗന്ഥസമ്പയുത്തഞ്ചേവ നോ ച ഗന്ഥഞ്ച ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച ഗന്ഥസമ്പയുത്തോ ചേവ നോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – ഗന്ഥസമ്പയുത്തഞ്ചേവ നോ ച ഗന്ഥം ഏകം ഖന്ധഞ്ച സീലബ്ബതപരാമാസം കായഗന്ഥഞ്ച പടിച്ച തയോ ഖന്ധാ അഭിജ്ഝാകായഗന്ഥോ ച…പേ… ദ്വേ ഖന്ധേ ച…പേ… (ചക്കം ബന്ധിതബ്ബം. സംഖിത്തം). (൩)

൧൧൦. ഹേതുയാ നവ, ആരമ്മണേ നവ (സബ്ബത്ഥ നവ), കമ്മേ നവ, ആഹാരേ നവ…പേ… അവിഗതേ നവ.

അനുലോമം.