൫. ഗന്ഥഗോച്ഛകം

൨൬. ഗന്ഥദുകം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. ഗന്ഥം ധമ്മം പടിച്ച ഗന്ഥോ ധമ്മോ ഉപ്പജ്ജതി ഹേതുപച്ചയാ – സീലബ്ബതപരാമാസം കായഗന്ഥം പടിച്ച അഭിജ്ഝാകായഗന്ഥോ, അഭിജ്ഝാകായഗന്ഥം പടിച്ച സീലബ്ബതപരാമാസോ കായഗന്ഥോ, ഇദംസച്ചാഭിനിവേസം കായഗന്ഥം പടിച്ച അഭിജ്ഝാകായഗന്ഥോ, അഭിജ്ഝാകായഗന്ഥം പടിച്ച ഇദംസച്ചാഭിനിവേസോ കായഗന്ഥോ. (൧)

ഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി ഹേതുപച്ചയാ – ഗന്ഥേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

ഗന്ഥം ധമ്മം പടിച്ച ഗന്ഥോ ച നോഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – സീലബ്ബതപരാമാസം കായഗന്ഥം പടിച്ച അഭിജ്ഝാകായഗന്ഥോ സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം (ചക്കം). (൩)

൨. നോഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ…. (൧)

നോഗന്ഥം ധമ്മം പടിച്ച ഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥേ ഖന്ധേ പടിച്ച ഗന്ഥാ. (൨)

നോഗന്ഥം ധമ്മം പടിച്ച ഗന്ഥോ ച നോഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – നോഗന്ഥം ഏകം ഖന്ധം പടിച്ച തയോ ഖന്ധാ ഗന്ഥാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. ഗന്ഥഞ്ച നോഗന്ഥഞ്ച ധമ്മം പടിച്ച ഗന്ഥോ ധമ്മോ ഉപ്പജ്ജതി ഹേതുപച്ചയാ – സീലബ്ബതപരാമാസം കായഗന്ഥഞ്ച സമ്പയുത്തകേ ച ഖന്ധേ പടിച്ച അഭിജ്ഝാകായഗന്ഥോ (ചക്കം). (൧)

ഗന്ഥഞ്ച നോഗന്ഥഞ്ച ധമ്മം പടിച്ച നോഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥം ഏകം ഖന്ധഞ്ച ഗന്ഥേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… ഗന്ഥേ ച സമ്പയുത്തകേ ഖന്ധേ ച പടിച്ച ചിത്തസമുട്ഠാനം രൂപം. (൨)

ഗന്ഥഞ്ച നോഗന്ഥഞ്ച ധമ്മം പടിച്ച ഗന്ഥോ ച നോഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – നോഗന്ഥം ഏകം ഖന്ധഞ്ച സീലബ്ബതപരാമാസകായഗന്ഥഞ്ച പടിച്ച തയോ ഖന്ധാ അഭിജ്ഝാകായഗന്ഥോ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ…. (ചക്കം. സംഖിത്തം.) (൩)

ആരമ്മണപച്ചയാ…പേ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൪. ഹേതുയാ നവ, ആരമ്മണേ നവ, അധിപതിയാ നവ (സബ്ബത്ഥ നവ), വിപാകേ ഏകം, ആഹാരേ നവ…പേ… അവിഗതേ നവ.

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൫. നോഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി നഹേതുപച്ചയാ – അഹേതുകം നോഗന്ഥം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ (യാവ അസഞ്ഞസത്താ), വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയാദി

൬. ഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി നആരമ്മണപച്ചയാ – ഗന്ഥേ പടിച്ച ചിത്തസമുട്ഠാനം രൂപം. (൧)

നോഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി നആരമ്മണപച്ചയാ – നോഗന്ഥേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അസഞ്ഞസത്താ). (൧)

ഗന്ഥഞ്ച നോഗന്ഥഞ്ച ധമ്മം പടിച്ച നോഗന്ഥോ ധമ്മോ ഉപ്പജ്ജതി നആരമ്മണപച്ചയാ – ഗന്ഥേ ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം (സംഖിത്തം).

നഅധിപതിപച്ചയാ… നവ, നഅനന്തരപച്ചയാ… തീണി, നസമനന്തരപച്ചയാ… തീണി, നഅഞ്ഞമഞ്ഞപച്ചയാ… തീണി, നഉപനിസ്സയപച്ചയാ… തീണി.

നപുരേജാതപച്ചയാദി

൭. ഗന്ഥം ധമ്മം പടിച്ച ഗന്ഥോ ധമ്മോ ഉപ്പജ്ജതി നപുരേജാതപച്ചയാ – അരൂപേ ഇദംസച്ചാഭിനിവേസം കായഗന്ഥം പടിച്ച അഭിജ്ഝാകായഗന്ഥോ, അഭിജ്ഝാകായഗന്ഥം പടിച്ച ഇദംസച്ചാഭിനിവേസോ കായഗന്ഥോ (അരൂപേ സീലബ്ബതപരാമാസോ നത്ഥി, ഏവം നവ പഞ്ഹാ കാതബ്ബാ), നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൮. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

൩. പച്ചയാനുലോമപച്ചനീയം

൯. ഹേതുപച്ചയാ നആരമ്മണേ തീണി, നഅധിപതിയാ നവ (സംഖിത്തം, ഏവം ഗണേതബ്ബം).

൪. പച്ചയപച്ചനീയാനുലോമം

൧൦. നഹേതുപച്ചയാ ആരമ്മണേ ഏകം…പേ… അനന്തരേ ഏകം…പേ… അവിഗതേ ഏകം.

൨. സഹജാതവാരോ

(സഹജാതവാരോ പടിച്ചവാരസദിസോ).

൩. പച്ചയവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൧. ഗന്ഥം ധമ്മം പച്ചയാ ഗന്ഥോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചവാരസദിസോ).

നോഗന്ഥം ധമ്മം പച്ചയാ നോഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ. ഏകം മഹാഭൂതം…പേ… വത്ഥും പച്ചയാ നോഗന്ഥാ ഖന്ധാ. (൧)

നോഗന്ഥം ധമ്മം പച്ചയാ ഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥേ ഖന്ധേ പച്ചയാ ഗന്ഥാ, വത്ഥും പച്ചയാ ഗന്ഥാ. (൨)

നോഗന്ഥം ധമ്മം പച്ചയാ ഗന്ഥോ ച നോഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – നോഗന്ഥം ഏകം ഖന്ധം പച്ചയാ തയോ ഖന്ധാ ഗന്ഥാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ ഗന്ഥാ സമ്പയുത്തകാ ച ഖന്ധാ. (൩)

൧൨. ഗന്ഥഞ്ച നോഗന്ഥഞ്ച ധമ്മം പച്ചയാ ഗന്ഥോ ധമ്മോ ഉപ്പജ്ജതി ഹേതുപച്ചയാ – സീലബ്ബതപരാമാസം കായഗന്ഥഞ്ച സമ്പയുത്തകേ ച ഖന്ധേ പച്ചയാ അഭിജ്ഝാകായഗന്ഥോ (ചക്കം). സീലബ്ബതപരാമാസം കായഗന്ഥഞ്ച വത്ഥുഞ്ച പച്ചയാ അഭിജ്ഝാകായഗന്ഥോ (ചക്കം). (൧)

ഗന്ഥഞ്ച നോഗന്ഥഞ്ച ധമ്മം പച്ചയാ നോഗന്ഥോ ധമ്മോ ഉപ്പജ്ജതി ഹേതുപച്ചയാ – നോഗന്ഥം ഏകം ഖന്ധഞ്ച ഗന്ഥേ ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഗന്ഥേ ച വത്ഥുഞ്ച പച്ചയാ നോഗന്ഥാ ഖന്ധാ. (൨)

ഗന്ഥഞ്ച നോഗന്ഥഞ്ച ധമ്മം പച്ചയാ ഗന്ഥോ ച നോഗന്ഥോ ച ധമ്മാ ഉപ്പജ്ജന്തി ഹേതുപച്ചയാ – നോഗന്ഥം ഏകം ഖന്ധഞ്ച സീലബ്ബതപരാമാസം കായഗന്ഥഞ്ച പച്ചയാ തയോ ഖന്ധാ അഭിജ്ഝാകായഗന്ഥോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (ചക്കം). സീലബ്ബതപരാമാസം കായഗന്ഥഞ്ച വത്ഥുഞ്ച പച്ചയാ അഭിജ്ഝാകായഗന്ഥോ ച സമ്പയുത്തകാ ച ഖന്ധാ (ചക്കം). (൩)

൧. പച്ചയാനുലോമം

൨. സങ്ഖ്യാവാരോ

൧൩. ഹേതുയാ നവ, ആരമ്മണേ നവ, അധിപതിയാ നവ…പേ… അവിഗതേ നവ.

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൧൪. നോഗന്ഥം ധമ്മം പച്ചയാ നോഗന്ഥോ ധമ്മോ ഉപ്പജ്ജതി നഹേതുപച്ചയാ – അഹേതുകം നോഗന്ഥം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അസഞ്ഞസത്താ), ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. വത്ഥും പച്ചയാ അഹേതുകാ നോഗന്ഥാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ (സംഖിത്തം).

൨. പച്ചയപച്ചനീയം

൨. സങ്ഖ്യാവാരോ

൧൫. നഹേതുയാ ഏകം, നആരമ്മണേ തീണി, നഅധിപതിയാ നവ (ഏവം ഗണേതബ്ബം).

൩. പച്ചയാനുലോമപച്ചനീയം

൧൬. ഹേതുപച്ചയാ നആരമ്മണേ തീണി, നഅധിപതിയാ നവ…പേ… നോവിഗതേ തീണി.

൪. പച്ചയപച്ചനീയാനുലോമം

൧൭. നഹേതുപച്ചയാ ആരമ്മണേ ഏകം…പേ… അവിഗതേ ഏകം.

൪-൬. നിസ്സയ-സംസട്ഠ-സമ്പയുത്തവാരോ

(നിസ്സയവാരോ പച്ചയവാരസദിസോവ. സംസട്ഠവാരോപി സമ്പയുത്തവാരോപി നവ പഞ്ഹാ കാതബ്ബാ, രൂപം നത്ഥി.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൮. ഗന്ഥോ ധമ്മോ ഗന്ഥസ്സ ധമ്മസ്സ ഹേതുപച്ചയേന പച്ചയോ – ഗന്ഥാ ഹേതൂ സമ്പയുത്തകാനം ഗന്ഥാനം ഹേതുപച്ചയേന പച്ചയോ. (൧)

ഗന്ഥോ ധമ്മോ നോഗന്ഥസ്സ ധമ്മസ്സ ഹേതുപച്ചയേന പച്ചയോ – ഗന്ഥാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

ഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ഹേതുപച്ചയേന പച്ചയോ – ഗന്ഥാ ഹേതൂ സമ്പയുത്തകാനം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൧൯. നോഗന്ഥോ ധമ്മോ നോഗന്ഥസ്സ ധമ്മസ്സ ഹേതുപച്ചയേന പച്ചയോ – നോഗന്ഥാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

നോഗന്ഥോ ധമ്മോ ഗന്ഥസ്സ ധമ്മസ്സ ഹേതുപച്ചയേന പച്ചയോ – നോഗന്ഥാ ഹേതൂ സമ്പയുത്തകാനം ഗന്ഥാനം ഹേതുപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ഹേതുപച്ചയേന പച്ചയോ – നോഗന്ഥാ ഹേതൂ സമ്പയുത്തകാനം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൨൦. ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ ഹേതുപച്ചയേന പച്ചയോ – ഗന്ഥാ ച നോഗന്ഥാ ച ഹേതൂ സമ്പയുത്തകാനം ഗന്ഥാനം ഹേതുപച്ചയേന പച്ചയോ. (൧)

ഗന്ഥോ ച നോഗന്ഥോ ച ധമ്മാ നോഗന്ഥസ്സ ധമ്മസ്സ ഹേതുപച്ചയേന പച്ചയോ – ഗന്ഥാ ച നോഗന്ഥാ ച ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

ഗന്ഥോ ച നോഗന്ഥോ ച ധമ്മാ ഗന്ഥസ്സ ച നോഗന്ഥസ്സ ച ധമ്മസ്സ ഹേതുപച്ചയേന പച്ചയോ – ഗന്ഥാ ച നോഗന്ഥാ ച ഹേതൂ സമ്പയുത്തകാനം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൨൧. ഗന്ഥോ ധമ്മോ ഗന്ഥസ്സ ധമ്മസ്സ ആരമ്മണപച്ചയേന പച്ചയോ – ഗന്ഥേ ആരബ്ഭ ഗന്ഥാ ഉപ്പജ്ജന്തി. (മൂലം കാതബ്ബം) ഗന്ഥേ ആരബ്ഭ നോഗന്ഥാ ഖന്ധാ ഉപ്പജ്ജന്തി. (മൂലം കാതബ്ബം) ഗന്ഥേ ആരബ്ഭ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൨൨. നോഗന്ഥോ ധമ്മോ നോഗന്ഥസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോഗന്ഥേ പഹീനേ കിലേസേ…പേ… വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ…പേ… ചക്ഖും…പേ… വത്ഥും നോഗന്ഥേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോഗന്ഥചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോഗന്ഥാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നോഗന്ഥേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി, പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും നോഗന്ഥേ ഖന്ധേ അസ്സാദേതി അഭിനന്ദതി, തം ആരബ്ഭ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ ആരമ്മണപച്ചയേന പച്ചയോ… തീണി (ആരബ്ഭ കാതബ്ബാ).

അധിപതിപച്ചയോ

൨൩. ഗന്ഥോ ധമ്മോ ഗന്ഥസ്സ ധമ്മസ്സ അധിപതിപച്ചയേന പച്ചയോ… തീണി (ആരമ്മണസദിസാ, ഗരുകാരമ്മണാ കാതബ്ബാ).

നോഗന്ഥോ ധമ്മോ നോഗന്ഥസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… അരിയാ മഗ്ഗാ…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോഗന്ഥേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോഗന്ഥാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി …പേ… ഝാനാ…പേ… ചക്ഖും…പേ… വത്ഥും നോഗന്ഥേ ഖന്ധേ ഗരും കത്വാ തം അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോഗന്ഥാധിപതി ഗന്ഥാനം അധിപതിപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… നോഗന്ഥേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി. സഹജാതാധിപതി – നോഗന്ഥാധിപതി സമ്പയുത്തകാനം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൨൪. ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി.

അനന്തരപച്ചയോ

൨൫. ഗന്ഥോ ധമ്മോ ഗന്ഥസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഗന്ഥാ പച്ഛിമാനം പച്ഛിമാനം ഗന്ഥാനം അനന്തരപച്ചയേന പച്ചയോ. (൧)

ഗന്ഥോ ധമ്മോ നോഗന്ഥസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഗന്ഥാ പച്ഛിമാനം പച്ഛിമാനം നോഗന്ഥാനം ഖന്ധാനം അനന്തരപച്ചയേന പച്ചയോ; ഗന്ഥാ വുട്ഠാനസ്സ അനന്തരപച്ചയേന പച്ചയോ. (൨)

ഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഗന്ഥാ പച്ഛിമാനം പച്ഛിമാനം ഗന്ഥാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൬. നോഗന്ഥോ ധമ്മോ നോഗന്ഥസ്സ ധമ്മസ്സ അനന്തരപച്ചയേന പച്ചയോ… തീണി (ദ്വേ ആവജ്ജനാ കാതബ്ബാ, പഠമോ നത്ഥി).

ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ അനന്തരപച്ചയേന പച്ചയോ… തീണി (ഏകമ്പി വുട്ഠാനം കാതബ്ബം, മജ്ഝേ).

സമനന്തരപച്ചയാദി

൨൭. ഗന്ഥോ ധമ്മോ ഗന്ഥസ്സ ധമ്മസ്സ സമനന്തരപച്ചയേന പച്ചയോ… നവ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ, നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൨൮. ഗന്ഥോ ധമ്മോ ഗന്ഥസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഗന്ഥാ ഗന്ഥാനം ഉപനിസ്സയപച്ചയേന പച്ചയോ… തീണി.

൨൯. നോഗന്ഥോ ധമ്മോ നോഗന്ഥസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ …പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി, സീലം…പേ… സേനാസനം ഉപനിസ്സായ പാണം ഹനതി …പേ… സങ്ഘം ഭിന്ദതി, സദ്ധാ…പേ… സേനാസനം ഗന്ഥാനം സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ… തീണി (ആരമ്മണനയേന കാതബ്ബാ).

പുരേജാതപച്ചയാദി

൩൦. നോഗന്ഥോ ധമ്മോ നോഗന്ഥസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോഗന്ഥാനം ഖന്ധാനം പുരേജാതപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, ദോമനസ്സം ഉപ്പജ്ജതി. വത്ഥുപുരേജാതം – വത്ഥു ഗന്ഥാനം പുരേജാതപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു ഗന്ഥാനം സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയേന പച്ചയോ… തീണി, ആസേവനപച്ചയേന പച്ചയോ… നവ.

കമ്മപച്ചയോ

൩൧. നോഗന്ഥോ ധമ്മോ നോഗന്ഥസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോഗന്ഥാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോഗന്ഥാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ കമ്മപച്ചയേന പച്ചയോ – നോഗന്ഥാ ചേതനാ സമ്പയുത്തകാനം ഗന്ഥാനം കമ്മപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ കമ്മപച്ചയേന പച്ചയോ – നോഗന്ഥാ ചേതനാ സമ്പയുത്തകാനം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൩൨. നോഗന്ഥോ ധമ്മോ നോഗന്ഥസ്സ ധമ്മസ്സ വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… തീണി… ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ.

വിപ്പയുത്തപച്ചയോ

൩൩. ഗന്ഥോ ധമ്മോ നോഗന്ഥസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നോഗന്ഥോ ധമ്മോ നോഗന്ഥസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

നോഗന്ഥോ ധമ്മോ ഗന്ഥസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഗന്ഥാനം വിപ്പയുത്തപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഗന്ഥാനം സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

ഗന്ഥോ ച നോഗന്ഥോ ച ധമ്മാ നോഗന്ഥസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അത്ഥിപച്ചയോ

൩൪. ഗന്ഥോ ധമ്മോ ഗന്ഥസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം).

ഗന്ഥോ ധമ്മോ നോഗന്ഥസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ഗന്ഥാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ഗന്ഥാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൩)

൩൫. നോഗന്ഥോ ധമ്മോ നോഗന്ഥസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോഗന്ഥോ ധമ്മോ ഗന്ഥസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – നോഗന്ഥാ ഖന്ധാ ഗന്ഥാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, ദോമനസ്സം ഉപ്പജ്ജതി, വത്ഥു ഗന്ഥാനം അത്ഥിപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോഗന്ഥോ ഏകോ ഖന്ധോ തിണ്ണന്നം ഖന്ധാനം ഗന്ഥാനഞ്ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഗന്ഥാ ച സമ്പയുത്തകാ ച ഖന്ധാ ഉപ്പജ്ജന്തി; വത്ഥു ഗന്ഥാനം സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ. (൩)

൩൬. ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സീലബ്ബതപരാമാസോ കായഗന്ഥോ ച സമ്പയുത്തകാ ച ഖന്ധാ അഭിജ്ഝാകായഗന്ഥസ്സ അത്ഥിപച്ചയേന പച്ചയോ (ചക്കം). സഹജാതോ – സീലബ്ബതപരാമാസോ കായഗന്ഥോ ച വത്ഥു ച അഭിജ്ഝാകായഗന്ഥസ്സ അത്ഥിപച്ചയേന പച്ചയോ. (ചക്കം). (൧)

ഗന്ഥോ ച നോഗന്ഥോ ച ധമ്മാ നോഗന്ഥസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോഗന്ഥോ ഏകോ ഖന്ധോ ച ഗന്ഥോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതാ – ഗന്ഥാ ച വത്ഥു ച നോഗന്ഥാനം ഖന്ധാനം അത്ഥിപച്ചയേന പച്ചയോ. സഹജാതാ – ഗന്ഥാ ച മഹാഭൂതാ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ഗന്ഥാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഗന്ഥാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഗന്ഥാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ഗന്ഥോ ച നോഗന്ഥോ ച ധമ്മാ ഗന്ഥസ്സ ച നോഗന്ഥസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോഗന്ഥോ ഏകോ ഖന്ധോ ച സീലബ്ബതപരാമാസോ കായഗന്ഥോ ച തിണ്ണന്നം ഖന്ധാനം അഭിജ്ഝാകായഗന്ഥസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. സഹജാതോ – സീലബ്ബതപരാമാസോ കായഗന്ഥോ ച വത്ഥു ച അഭിജ്ഝാകായഗന്ഥസ്സ ച സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ (ചക്കം). (൩)

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൭. ഹേതുയാ നവ, ആരമ്മണേ നവ (സബ്ബത്ഥ നവ), ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ നവ, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൩൮. ഗന്ഥോ ധമ്മോ ഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ഗന്ഥോ ധമ്മോ നോഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

ഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൩൯. നോഗന്ഥോ ധമ്മോ നോഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നോഗന്ഥോ ധമ്മോ ഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോഗന്ഥോ ധമ്മോ ഗന്ഥസ്സ ച നോഗന്ഥസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൪൦. ഗന്ഥോ ച നോഗന്ഥോ ച ധമ്മാ ഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ഗന്ഥോ ച നോഗന്ഥോ ച ധമ്മാ നോഗന്ഥസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)