൧. വിഭങ്ഗവാരോ

ഹേതുപച്ചയോ

൬൯. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ഗന്ഥസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ഗന്ഥസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതോ ഹേതു ലോഭസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദോമനസ്സസഹഗതോ ഹേതു പടിഘസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ഗന്ഥസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതോ ഹേതു സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദോമനസ്സസഹഗതോ ഹേതു സമ്പയുത്തകാനം ഖന്ധാനം പടിഘസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൭൦. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ഗന്ഥവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തോ ലോഭോ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിഘം ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിഘം സമ്പയുത്തകാനം ഖന്ധാനം ഹേതുപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിഘം സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൭൧. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതോ ഹേതു ച ലോഭോ ച സമ്പയുത്തകാനം ഖന്ധാനം ഹേതുപച്ചയേന പച്ചയോ; ദോമനസ്സസഹഗതോ ഹേതു ച പടിഘഞ്ച സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതോ ഹേതു ച ലോഭോ ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ; ദോമനസ്സസഹഗതോ ഹേതു ച പടിഘഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതോ ഹേതു ച ലോഭോ ച സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദോമനസ്സസഹഗതോ ഹേതു ച പടിഘഞ്ച സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൭൨. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ഗന്ഥസമ്പയുത്തേ ഖന്ധേ ആരബ്ഭ ഗന്ഥസമ്പയുത്തകാ ഖന്ധാ ഉപ്പജ്ജന്തി. (തീസുപി മൂലാ പുച്ഛിതബ്ബാ) ഗന്ഥസമ്പയുത്തേ ഖന്ധേ ആരബ്ഭ ഗന്ഥവിപ്പയുത്താ ഖന്ധാ ഉപ്പജ്ജന്തി, ഗന്ഥസമ്പയുത്തേ ഖന്ധേ ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി, ദോമനസ്സസഹഗതാ ഖന്ധാ ച പടിഘഞ്ച ഉപ്പജ്ജന്തി. (൩)

൭൩. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ ഗന്ഥവിപ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ചക്ഖും…പേ… വത്ഥും ഗന്ഥവിപ്പയുത്തേ ഖന്ധേ ച ലോഭഞ്ച പടിഘഞ്ച അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ ഗന്ഥവിപ്പയുത്തോ രാഗോ ഉപ്പജ്ജതി, വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന ഗന്ഥവിപ്പയുത്തചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ഗന്ഥവിപ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… തം അസ്സാദേതി അഭിനന്ദതി, തം ആരബ്ഭ ഗന്ഥസമ്പയുത്തോ രാഗോ ഉപ്പജ്ജതി… ദിട്ഠി ഉപ്പജ്ജതി… ദോമനസ്സം ഉപ്പജ്ജതി (സംഖിത്തം). (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും…പേ… വത്ഥും ഗന്ഥവിപ്പയുത്തേ ഖന്ധേ ച ലോഭഞ്ച പടിഘഞ്ച ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഉപ്പജ്ജന്തി. (൩)

൭൪. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ദോമനസ്സസഹഗതേ ഖന്ധേ ച പടിഘഞ്ച ആരബ്ഭ ഗന്ഥസമ്പയുത്തകാ ഖന്ധാ ഉപ്പജ്ജന്തി. (മൂലം പുച്ഛിതബ്ബം) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ദോമനസ്സസഹഗതേ ഖന്ധേ ച പടിഘഞ്ച ആരബ്ഭ ഗന്ഥവിപ്പയുത്താ ഖന്ധാ ഉപ്പജ്ജന്തി, ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ദോമനസ്സസഹഗതേ ഖന്ധേ ച പടിഘഞ്ച ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഉപ്പജ്ജന്തി. (൩)

അധിപതിപച്ചയോ

൭൫. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഗന്ഥസമ്പയുത്തേ ഖന്ധേ ഗരും കത്വാ ഗന്ഥസമ്പയുത്തകാ ഖന്ധാ ഉപ്പജ്ജന്തി. സഹജാതാധിപതി – ഗന്ഥസമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഗന്ഥസമ്പയുത്തേ ഖന്ധേ ഗരും കത്വാ ദിട്ഠിഗതവിപ്പയുത്തോ ലോഭോ ഉപ്പജ്ജതി. സഹജാതാധിപതി – ഗന്ഥസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാധിപതി ലോഭസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ; ദോമനസ്സസഹഗതാധിപതി പടിഘസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഗന്ഥസമ്പയുത്തേ ഖന്ധേ ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. സഹജാതാധിപതി – ദിട്ഠിഗതവിപ്പയുത്തലോഭസഹഗതാധിപതി സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ; ദോമനസ്സസഹഗതാധിപതി സമ്പയുത്തകാനം ഖന്ധാനം പടിഘസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ.(൩)

൭൬. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലാ വുട്ഠഹിത്വാ ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും ഗന്ഥവിപ്പയുത്തേ ഖന്ധേ ച ലോഭഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ ഗന്ഥവിപ്പയുത്തോ രാഗോ ഉപ്പജ്ജതി. സഹജാതാധിപതി – ഗന്ഥവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… ചക്ഖും…പേ… വത്ഥും ഗന്ഥവിപ്പയുത്തേ ഖന്ധേ ച ലോഭഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ ഗന്ഥസമ്പയുത്തോ രാഗോ ഉപ്പജ്ജതി… ദിട്ഠി ഉപ്പജ്ജതി. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും…പേ… വത്ഥും ഗന്ഥവിപ്പയുത്തേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

൭൭. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ഗന്ഥസമ്പയുത്തകാ ഖന്ധാ ഉപ്പജ്ജന്തി. (മൂലാ പുച്ഛിതബ്ബാ) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തോ ലോഭോ ഉപ്പജ്ജതി. (മൂലാ പുച്ഛിതബ്ബാ) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

അനന്തരപച്ചയോ

൭൮. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഗന്ഥസമ്പയുത്താ ഖന്ധാ പച്ഛിമാനം പച്ഛിമാനം ഗന്ഥസമ്പയുത്തകാനം ഖന്ധാനം അനന്തരപച്ചയേന പച്ചയോ. (മൂലാ പുച്ഛിതബ്ബാ) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; പുരിമാ പുരിമാ ദോമനസ്സസഹഗതാ ഖന്ധാ പച്ഛിമസ്സ പച്ഛിമസ്സ പടിഘസ്സ അനന്തരപച്ചയേന പച്ചയോ; ഗന്ഥസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലാ പുച്ഛിതബ്ബാ) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ; പുരിമാ പുരിമാ ദോമനസ്സസഹഗതാ ഖന്ധാ പച്ഛിമാനം പച്ഛിമാനം ദോമനസ്സസഹഗതാനം ഖന്ധാനം പടിഘസ്സ ച അനന്തരപച്ചയേന പച്ചയോ. (൩)

൭൯. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; പുരിമം പുരിമം പടിഘം പച്ഛിമസ്സ പച്ഛിമസ്സ പടിഘസ്സ അനന്തരപച്ചയേന പച്ചയോ; പുരിമാ പുരിമാ ഗന്ഥവിപ്പയുത്താ ഖന്ധാ പച്ഛിമാനം പച്ഛിമാനം ഗന്ഥവിപ്പയുത്താനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം അനന്തരപച്ചയേന പച്ചയോ; പുരിമം പുരിമം പടിഘം പച്ഛിമാനം പച്ഛിമാനം ദോമനസ്സസഹഗതാനം ഖന്ധാനം അനന്തരപച്ചയേന പച്ചയോ; ആവജ്ജനാ ഗന്ഥസമ്പയുത്തകാനം ഖന്ധാനം അനന്തരപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ; പുരിമം പുരിമം പടിഘം പച്ഛിമാനം പച്ഛിമാനം ദോമനസ്സസഹഗതാനം ഖന്ധാനം പടിഘസ്സ ച അനന്തരപച്ചയേന പച്ചയോ; ആവജ്ജനാ ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച അനന്തരപച്ചയേന പച്ചയോ. (൩)

൮൦. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം അനന്തരപച്ചയേന പച്ചയോ; പുരിമാ പുരിമാ ദോമനസ്സസഹഗതാ ഖന്ധാ ച പടിഘഞ്ച പച്ഛിമാനം പച്ഛിമാനം ദോമനസ്സസഹഗതാനം ഖന്ധാനം അനന്തരപച്ചയേന പച്ചയോ. (മൂലാ പുച്ഛിതബ്ബാ) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; പുരിമാ പുരിമാ ദോമനസ്സസഹഗതാ ഖന്ധാ ച പടിഘഞ്ച പച്ഛിമസ്സ പച്ഛിമസ്സ പടിഘസ്സ അനന്തരപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച വുട്ഠാനസ്സ അനന്തരപച്ചയേന പച്ചയോ. (മൂലാ പുച്ഛിതബ്ബാ) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ; പുരിമാ പുരിമാ ദോമനസ്സസഹഗതാ ഖന്ധാ ച പടിഘഞ്ച പച്ഛിമാനം പച്ഛിമാനം ദോമനസ്സസഹഗതാനം ഖന്ധാനം പടിഘസ്സ ച അനന്തരപച്ചയേന പച്ചയോ. (൩)

സമനന്തരപച്ചയാദി

൮൧. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ.

ഉപനിസ്സയപച്ചയോ

൮൨. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഗന്ഥസമ്പയുത്താ ഖന്ധാ ഗന്ഥസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (മൂലം പുച്ഛിതബ്ബം, തീണിപി ഉപനിസ്സയാ) ഗന്ഥസമ്പയുത്താ ഖന്ധാ ഗന്ഥവിപ്പയുത്താനം ഖന്ധാനം ഉപനിസ്സയപച്ചയേന പച്ചയോ. (മൂലം, തീണിപി ഉപനിസ്സയാ) ഗന്ഥസമ്പയുത്താ ഖന്ധാ ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ; ദോമനസ്സസഹഗതാനം ഖന്ധാനം പടിഘസ്സ ച ഉപനിസ്സയപച്ചയേന പച്ചയോ. (൩)

൮൩. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… മാനം ജപ്പേതി… സീലം…പേ… പഞ്ഞം … രാഗം… ദോസം… മോഹം… മാനം… പത്ഥനം… കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… പാണം ഹനതി…പേ… സങ്ഘം ഭിന്ദതി; സദ്ധാ…പേ… പഞ്ഞാ, രാഗോ…പേ… പത്ഥനാ…പേ… സേനാസനം സദ്ധായ…പേ… പഞ്ഞായ… രാഗസ്സ… ദോസസ്സ… മോഹസ്സ… മാനസ്സ… പത്ഥനായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… രാഗം…പേ… മാനം… പത്ഥനം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ… ദോസസ്സ … മോഹസ്സ… മാനസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ (തീണി ഉപനിസ്സയാ); സദ്ധം ഉപനിസ്സായ മാനം ജപ്പേതി; സീലം…പേ… പഞ്ഞം… രാഗം… ദോസം… മോഹം… മാനം… പത്ഥനം… കായികം സുഖം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… പഞ്ഞാ… രാഗോ… ദോസോ… മോഹോ… മാനോ… പത്ഥനാ…പേ… സേനാസനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച ഉപനിസ്സയപച്ചയേന പച്ചയോ. (൩)

൮൪. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ …പേ…. പകതൂപനിസ്സയോ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഗന്ഥസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഗന്ഥവിപ്പയുത്താനം ഖന്ധാനം ദിട്ഠിഗതവിപ്പയുത്തലോഭസ്സ ച പടിഘസ്സ ച ഉപനിസ്സയപച്ചയേന പച്ചയോ. (മൂലം പുച്ഛിതബ്ബം) ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൮൫. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ വിപസ്സതി, അസ്സാദേതി അഭിനന്ദതി, തം ആരബ്ഭ ഗന്ഥവിപ്പയുത്തോ രാഗോ ഉപ്പജ്ജതി, വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ഗന്ഥവിപ്പയുത്താനം ഖന്ധാനം ദിട്ഠിഗതവിപ്പയുത്തസ്സ ലോഭസ്സ ച പടിഘസ്സ ച പുരേജാതപച്ചയേന പച്ചയോ. (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഗന്ഥസമ്പയുത്തോ രാഗോ ഉപ്പജ്ജതി, ദിട്ഠി…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു ഗന്ഥസമ്പയുത്തകാനം ഖന്ധാനം പുരേജാതപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഉപ്പജ്ജന്തി. വത്ഥുപുരേജാതം – വത്ഥു ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച പുരേജാതപച്ചയേന പച്ചയോ. (൩)

പച്ഛാജാതപച്ചയോ

൮൬. ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ… ഏകം.

ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ… ഏകം.

ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൮൭. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ആസേവനപച്ചയേന പച്ചയോ (അനന്തരസദിസം, ആവജ്ജനാപി വുട്ഠാനമ്പി നത്ഥി).

കമ്മപച്ചയോ

൮൮. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ കമ്മപച്ചയേന പച്ചയോ – ഗന്ഥസമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ഗന്ഥസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ചേതനാ ലോഭസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ദോമനസ്സസഹഗതാ ചേതനാ പടിഘസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – ഗന്ഥസമ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ കമ്മപച്ചയേന പച്ചയോ – ഗന്ഥസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ചേതനാ സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ദോമനസ്സസഹഗതാ ചേതനാ സമ്പയുത്തകാനം ഖന്ധാനം പടിഘസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൮൯. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ഗന്ഥവിപ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – ഗന്ഥവിപ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയാദി

൯൦. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ വിപാകപച്ചയേന പച്ചയോ… ഏകം.

ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… ചത്താരി… മഗ്ഗപച്ചയേന പച്ചയോ … ചത്താരി… സമ്പയുത്തപച്ചയേന പച്ചയോ… ഛ.

വിപ്പയുത്തപച്ചയോ

൯൧. ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം, വിഭജിതബ്ബം). (൧)

ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഗന്ഥസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച വിപ്പയുത്തപച്ചയേന പച്ചയോ. (൩)

൯൨. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; ദോമനസ്സസഹഗതാ ഖന്ധാ ച പടിഘഞ്ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൯൩. ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൧)

ഗന്ഥസമ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം, വിഭജിതബ്ബം). (൨)

ഗന്ഥസമ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൩)

൯൪. ഗന്ഥവിപ്പയുത്തോ ധമ്മോ ഗന്ഥവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം, വിഭജിതബ്ബം). (൧)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം അത്ഥിപച്ചയേന പച്ചയോ; ദോമനസ്സസഹഗതം പടിഘം സമ്പയുത്തകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഗന്ഥസമ്പയുത്തോ രാഗോ…പേ… ദിട്ഠി…പേ… ദോമനസ്സം ഉപ്പജ്ജതി, വത്ഥു ഗന്ഥസമ്പയുത്തകാനം ഖന്ധാനം അത്ഥിപച്ചയേന പച്ചയോ. (൨)

ഗന്ഥവിപ്പയുത്തോ ധമ്മോ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; പടിഘം സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച ഉപ്പജ്ജന്തി, വത്ഥു ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ദോമനസ്സസഹഗതാനം ഖന്ധാനം പടിഘസ്സ ച അത്ഥിപച്ചയേന പച്ചയോ. (൩)

൯൫. ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഗന്ഥസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച ലോഭോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… ദോമനസ്സസഹഗതോ ഏകോ ഖന്ധോ ച പടിഘഞ്ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – ഗന്ഥസമ്പയുത്താ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – ദോമനസ്സസഹഗതാ ഖന്ധാ ച പടിഘഞ്ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ഖന്ധാ ച വത്ഥു ച ലോഭസ്സ അത്ഥിപച്ചയേന പച്ചയോ; ദോമനസ്സസഹഗതാ ഖന്ധാ ച വത്ഥു ച പടിഘസ്സ അത്ഥിപച്ചയേന പച്ചയോ. പച്ഛാജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദോമനസ്സസഹഗതാ ഖന്ധാ ച പടിഘഞ്ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഗന്ഥസമ്പയുത്താ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ഗന്ഥസമ്പയുത്താ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഗന്ഥസമ്പയുത്തസ്സ ച ഗന്ഥവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച ലോഭോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദോമനസ്സസഹഗതോ ഏകോ ഖന്ധോ ച പടിഘഞ്ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം ലോഭസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദോമനസ്സസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം പടിഘസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൩)