൧. വിഭങ്ഗവാരോ

ഹേതുപച്ചയോ

൫൫. ഗന്ഥസമ്പയുത്തം ധമ്മം പച്ചയാ ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസാ).

ഗന്ഥവിപ്പയുത്തം ധമ്മം പച്ചയാ ഗന്ഥവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥവിപ്പയുത്തം ഏകം ഖന്ധം പച്ചയാ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഏകം മഹാഭൂതം…പേ… വത്ഥും പച്ചയാ ഗന്ഥവിപ്പയുത്താ ഖന്ധാ. (൧)

ഗന്ഥവിപ്പയുത്തം ധമ്മം പച്ചയാ ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ഗന്ഥസമ്പയുത്തകാ ഖന്ധാ, ദിട്ഠിഗതവിപ്പയുത്തം ലോഭം പച്ചയാ സമ്പയുത്തകാ ഖന്ധാ, പടിഘം പച്ചയാ സമ്പയുത്തകാ ഖന്ധാ. (൨)

ഗന്ഥവിപ്പയുത്തം ധമ്മം പച്ചയാ ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ഗന്ഥസമ്പയുത്തകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തം ലോഭം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, പടിഘം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, വത്ഥും പച്ചയാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച, വത്ഥും പച്ചയാ ദോമനസ്സസഹഗതാ ഖന്ധാ ച പടിഘഞ്ച. (൩)

൫൬. ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പച്ചയാ ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച വത്ഥുഞ്ച ലോഭഞ്ച പച്ചയാ തയോ ഖന്ധാ …പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച വത്ഥുഞ്ച പടിഘഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പച്ചയാ ഗന്ഥവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച പച്ചയാ ചിത്തസമുട്ഠാനം രൂപം, ദോമനസ്സസഹഗതേ ഖന്ധേ ച പടിഘഞ്ച പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച വത്ഥുഞ്ച പച്ചയാ ലോഭോ, ദോമനസ്സസഹഗതേ ഖന്ധേ ച വത്ഥുഞ്ച പച്ചയാ പടിഘം. (൨)

ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പച്ചയാ ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഗന്ഥസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… ഗന്ഥസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച പടിഘഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ ലോഭോ ച…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ പടിഘഞ്ച…പേ… ദ്വേ ഖന്ധേ…പേ… (സംഖിത്തം). (൩)