൧. വിഭങ്ഗവാരോ

ഹേതുപച്ചയോ

൪൫. ഗന്ഥസമ്പയുത്തം ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഗന്ഥസമ്പയുത്തം ധമ്മം പടിച്ച ഗന്ഥവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തേ ഖന്ധേ പടിച്ച ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ പടിച്ച ലോഭോ ചിത്തസമുട്ഠാനഞ്ച രൂപം, ദോമനസ്സസഹഗതേ ഖന്ധേ പടിച്ച പടിഘം ചിത്തസമുട്ഠാനഞ്ച രൂപം. (൨)

ഗന്ഥസമ്പയുത്തം ധമ്മം പടിച്ച ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഗന്ഥസമ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദിട്ഠിഗതവിപ്പയുത്തലോഭസഹഗതം ഏകം ഖന്ധം പടിച്ച തയോ ഖന്ധാ ലോഭോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധം പടിച്ച തയോ ഖന്ധാ പടിഘഞ്ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൬. ഗന്ഥവിപ്പയുത്തം ധമ്മം പടിച്ച ഗന്ഥവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥവിപ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദിട്ഠിഗതവിപ്പയുത്തം ലോഭം പടിച്ച ചിത്തസമുട്ഠാനം രൂപം, പടിഘം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഖന്ധേ പടിച്ച (സംഖിത്തം). (൧)

ഗന്ഥവിപ്പയുത്തം ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ, പടിഘം പടിച്ച സമ്പയുത്തകാ ഖന്ധാ. (൨)

ഗന്ഥവിപ്പയുത്തം ധമ്മം പടിച്ച ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, പടിഘം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൪൭. ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച പടിഘഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പടിച്ച ഗന്ഥവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഗന്ഥസമ്പയുത്തേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച പടിച്ച ചിത്തസമുട്ഠാനം രൂപം, ദോമനസ്സസഹഗതേ ഖന്ധേ ച പടിഘഞ്ച പടിച്ച ചിത്തസമുട്ഠാനം രൂപം. (൨)

ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പടിച്ച ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച പടിഘഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

ആരമ്മണപച്ചയോ

൪൮. ഗന്ഥസമ്പയുത്തം ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഗന്ഥസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഗന്ഥസമ്പയുത്തം ധമ്മം പടിച്ച ഗന്ഥവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതേ ഖന്ധേ പടിച്ച ലോഭോ, ദോമനസ്സസഹഗതേ ഖന്ധേ പടിച്ച പടിഘം. (൨)

ഗന്ഥസമ്പയുത്തം ധമ്മം പടിച്ച ഗന്ഥസമ്പയുത്തോ ച ഗന്ഥവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധം പടിച്ച തയോ ഖന്ധാ ലോഭോ ച…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധം പടിച്ച തയോ ഖന്ധാ പടിഘഞ്ച…പേ… ദ്വേ ഖന്ധേ…പേ…. (൩)

൪൯. ഗന്ഥവിപ്പയുത്തം ധമ്മം പടിച്ച ഗന്ഥവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഗന്ഥവിപ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

ഗന്ഥവിപ്പയുത്തം ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ, പടിഘം പടിച്ച സമ്പയുത്തകാ ഖന്ധാ. (൨)

ഗന്ഥസമ്പയുത്തഞ്ച ഗന്ഥവിപ്പയുത്തഞ്ച ധമ്മം പടിച്ച ഗന്ഥസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധഞ്ച പടിഘഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… (സംഖിത്തം). (൧)