൧. വിഭങ്ഗവാരോ

ഹേതുപച്ചയോ

൧൦൦. സഞ്ഞോജനഞ്ചേവ സഞ്ഞോജനസമ്പയുത്തഞ്ച ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം (ചക്കം). (൧)

സഞ്ഞോജനഞ്ചേവ സഞ്ഞോജനസമ്പയുത്തഞ്ച ധമ്മം പടിച്ച സഞ്ഞോജനസമ്പയുത്തോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനേ പടിച്ച സമ്പയുത്തകാ ഖന്ധാ. (൨)

സഞ്ഞോജനഞ്ചേവ സഞ്ഞോജനസമ്പയുത്തഞ്ച ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച സഞ്ഞോജനസമ്പയുത്തോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം സമ്പയുത്തകാ ച ഖന്ധാ (ചക്കം). (൩)

൧൦൧. സഞ്ഞോജനസമ്പയുത്തഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനസമ്പയുത്തോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തഞ്ചേവ നോ ച സഞ്ഞോജനം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തേ ചേവ നോ ച സഞ്ഞോജനേ ഖന്ധേ പടിച്ച സഞ്ഞോജനാ (൨)

സഞ്ഞോജനസമ്പയുത്തഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച സഞ്ഞോജനസമ്പയുത്തോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനസമ്പയുത്തഞ്ചേവ നോ ച സഞ്ഞോജനം ഏകം ഖന്ധം പടിച്ച തയോ ഖന്ധാ സഞ്ഞോജനാ ച…പേ… ദ്വേ ഖന്ധേ…പേ…. (൩)

൧൦൨. സഞ്ഞോജനഞ്ചേവ സഞ്ഞോജനസമ്പയുത്തഞ്ച സഞ്ഞോജനസമ്പയുത്തഞ്ചേവ നോ ച സഞ്ഞോജനഞ്ച ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനഞ്ച സമ്പയുത്തകേ ച ഖന്ധേ പടിച്ച ദിട്ഠിസഞ്ഞോജനം അവിജ്ജാസഞ്ഞോജനം (ചക്കം). (൧)

സഞ്ഞോജനഞ്ചേവ സഞ്ഞോജനസമ്പയുത്തഞ്ച സഞ്ഞോജനസമ്പയുത്തഞ്ചേവ നോ ച സഞ്ഞോജനഞ്ച ധമ്മം പടിച്ച സഞ്ഞോജനസമ്പയുത്തോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തഞ്ചേവ നോ ച സഞ്ഞോജനം ഏകം ഖന്ധഞ്ച സഞ്ഞോജനേ ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൨)

സഞ്ഞോജനഞ്ചേവ സഞ്ഞോജനസമ്പയുത്തഞ്ച സഞ്ഞോജനസമ്പയുത്തഞ്ചേവ നോ ച സഞ്ഞോജനഞ്ച ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച സഞ്ഞോജനസമ്പയുത്തോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനസമ്പയുത്തഞ്ചേവ നോ ച സഞ്ഞോജനം ഏകം ഖന്ധഞ്ച കാമരാഗസഞ്ഞോജനഞ്ച പടിച്ച തയോ ഖന്ധാ ദിട്ഠിസഞ്ഞോജനം അവിജ്ജാസഞ്ഞോജനം…പേ… ദ്വേ ഖന്ധേ ച…പേ… (ചക്കം). (൩)