൪. സഞ്ഞോജനഗോച്ഛകം

൨൦. സഞ്ഞോജനദുകം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. സഞ്ഞോജനം ധമ്മം പടിച്ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം, കാമരാഗസഞ്ഞോജനം പടിച്ച സീലബ്ബതപരാമാസസഞ്ഞോജനം അവിജ്ജാസഞ്ഞോജനം, കാമരാഗസഞ്ഞോജനം പടിച്ച മാനസഞ്ഞോജനം അവിജ്ജാസഞ്ഞോജനം, കാമരാഗസഞ്ഞോജനം പടിച്ച അവിജ്ജാസഞ്ഞോജനം, പടിഘസഞ്ഞോജനം പടിച്ച ഇസ്സാസഞ്ഞോജനം അവിജ്ജാസഞ്ഞോജനം, പടിഘസഞ്ഞോജനം പടിച്ച മച്ഛരിയസഞ്ഞോജനം അവിജ്ജാസഞ്ഞോജനം, പടിഘസഞ്ഞോജനം പടിച്ച അവിജ്ജാസഞ്ഞോജനം, മാനസഞ്ഞോജനം പടിച്ച ഭവരാഗസഞ്ഞോജനം അവിജ്ജാസഞ്ഞോജനം, ഭവരാഗസഞ്ഞോജനം പടിച്ച അവിജ്ജാസഞ്ഞോജനം, വിചികിച്ഛാസഞ്ഞോജനം പടിച്ച അവിജ്ജാസഞ്ഞോജനം. (൧)

സഞ്ഞോജനം ധമ്മം പടിച്ച നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

സഞ്ഞോജനം ധമ്മം പടിച്ച സഞ്ഞോജനോ ച നോസഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം (ചക്കം ബന്ധിതബ്ബം). (൩)

൨. നോസഞ്ഞോജനം ധമ്മം പടിച്ച നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നോസഞ്ഞോജനം ധമ്മം പടിച്ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനേ ഖന്ധേ പടിച്ച സഞ്ഞോജനാ. (൨)

നോസഞ്ഞോജനം ധമ്മം പടിച്ച സഞ്ഞോജനോ ച നോസഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – നോസഞ്ഞോജനം ഏകം ഖന്ധം പടിച്ച തയോ ഖന്ധാ സഞ്ഞോജനാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. സഞ്ഞോജനഞ്ച നോസഞ്ഞോജനഞ്ച ധമ്മം പടിച്ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനഞ്ച സമ്പയുത്തകേ ച ഖന്ധേ പടിച്ച ദിട്ഠിസഞ്ഞോജനം അവിജ്ജാസഞ്ഞോജനം (ചക്കം ബന്ധിതബ്ബം). (൧)

സഞ്ഞോജനഞ്ച നോസഞ്ഞോജനഞ്ച ധമ്മം പടിച്ച നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനം ഏകം ഖന്ധഞ്ച സഞ്ഞോജനേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ…. (൨)

സഞ്ഞോജനഞ്ച നോസഞ്ഞോജനഞ്ച ധമ്മം പടിച്ച സഞ്ഞോജനോ ച നോസഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – നോസഞ്ഞോജനം ഏകം ഖന്ധഞ്ച കാമരാഗസഞ്ഞോജനഞ്ച പടിച്ച തയോ ഖന്ധാ ദിട്ഠിസഞ്ഞോജനം അവിജ്ജാസഞ്ഞോജനം ചിത്തസമുട്ഠാനഞ്ച രൂപം…പേ… (ചക്കം ബന്ധിതബ്ബം). (൩)

(ആരമ്മണപച്ചയേ രൂപം നത്ഥി. അധിപതിപച്ചയോ ഹേതുസദിസോ, വിചികിച്ഛാസഞ്ഞോജനം നത്ഥി.) അനന്തരപച്ചയാ…പേ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൪. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ (സബ്ബത്ഥ നവ), വിപാകേ ഏകം, ആഹാരേ നവ…പേ… അവിഗതേ നവ.

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൫. സഞ്ഞോജനം ധമ്മം പടിച്ച സഞ്ഞോജനോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഞ്ഞോജനം പടിച്ച അവിജ്ജാസഞ്ഞോജനം. (൧)

നോസഞ്ഞോജനം ധമ്മം പടിച്ച നോസഞ്ഞോജനോ ധമ്മോ ഉപ്പജ്ജതി നഹേതുപച്ചയാ – അഹേതുകം നോസഞ്ഞോജനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (യാവ അസഞ്ഞസത്താ). (൧)

നോസഞ്ഞോജനം ധമ്മം പടിച്ച സഞ്ഞോജനോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച അവിജ്ജാസഞ്ഞോജനം. (൨)

സഞ്ഞോജനഞ്ച നോസഞ്ഞോജനഞ്ച ധമ്മം പടിച്ച സഞ്ഞോജനോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഞ്ഞോജനഞ്ച സമ്പയുത്തകേ ച ഖന്ധേ പടിച്ച അവിജ്ജാസഞ്ഞോജനം. (൩)

(സംഖിത്തം. ആസവഗോച്ഛകസദിസം. നആരമ്മണാപി സബ്ബേ ഉദ്ധരിതബ്ബാ.)

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൬. നഹേതുയാ ചത്താരി, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി.

പച്ചനീയം.

൩. പച്ചയാനുലോമപച്ചനീയം

ഹേതുദുകം

൭. ഹേതുപച്ചയാ നആരമ്മണേ തീണി, നഅധിപതിയാ നവ (ഏവം സബ്ബം ഗണേതബ്ബം).

൪. പച്ചയപച്ചനീയാനുലോമം

നഹേതുദുകം

൮. നഹേതുപച്ചയാ ആരമ്മണേ ചത്താരി (സബ്ബത്ഥ ചത്താരി) വിപാകേ ഏകം, ആഹാരേ ചത്താരി…പേ… മഗ്ഗേ തീണി, സമ്പയുത്തേ ചത്താരി…പേ… അവിഗതേ ചത്താരി.

പച്ചനീയാനുലോമം.

൨. സഹജാതവാരോ

൯. സഞ്ഞോജനം ധമ്മം സഹജാതോ സഞ്ഞോജനോ ധമ്മോ ഉപ്പജ്ജതി ഹേതുപച്ചയാ (പടിച്ചവാരസദിസം).

൩. പച്ചയവാരോ

൧-൪. പച്ചയാനുലോമാദി

ഹേതുപച്ചയോ

൧൦. സഞ്ഞോജനം ധമ്മം പച്ചയാ സഞ്ഞോജനോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസം).

നോസഞ്ഞോജനം ധമ്മം പച്ചയാ നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഏകം മഹാഭൂതം…പേ… മഹാഭൂതേ പച്ചയാ ചിത്തസമുട്ഠാനം രൂപം, കടത്താരൂപം, ഉപാദാരൂപം, വത്ഥും പച്ചയാ നോസഞ്ഞോജനാ ഖന്ധാ. (൧)

നോസഞ്ഞോജനം ധമ്മം പച്ചയാ സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനേ ഖന്ധേ പച്ചയാ സഞ്ഞോജനാ, വത്ഥും പച്ചയാ സഞ്ഞോജനാ. (൨)

നോസഞ്ഞോജനം ധമ്മം പച്ചയാ സഞ്ഞോജനോ ച നോസഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – നോസഞ്ഞോജനം ഏകം ഖന്ധം പച്ചയാ തയോ ഖന്ധാ സഞ്ഞോജനഞ്ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ സഞ്ഞോജനാ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ സഞ്ഞോജനാ സമ്പയുത്തകാ ച ഖന്ധാ. (൩)

൧൧. സഞ്ഞോജനഞ്ച നോസഞ്ഞോജനഞ്ച ധമ്മം പച്ചയാ സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനഞ്ച സമ്പയുത്തകേ ച ഖന്ധേ പച്ചയാ ദിട്ഠിസഞ്ഞോജനം അവിജ്ജാസഞ്ഞോജനം, കാമരാഗസഞ്ഞോജനഞ്ച വത്ഥുഞ്ച പച്ചയാ ദിട്ഠിസഞ്ഞോജനം അവിജ്ജാസഞ്ഞോജനം (ചക്കം) (൧)

സഞ്ഞോജനഞ്ച നോസഞ്ഞോജനഞ്ച ധമ്മം പച്ചയാ നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ – നോസഞ്ഞോജനം ഏകം ഖന്ധഞ്ച സഞ്ഞോജനേ ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (ചക്കം). സഞ്ഞോജനേ ച വത്ഥുഞ്ച പച്ചയാ നോസഞ്ഞോജനാ ഖന്ധാ. (൨)

സഞ്ഞോജനഞ്ച നോസഞ്ഞോജനഞ്ച ധമ്മം പച്ചയാ സഞ്ഞോജനോ ച നോസഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – നോസഞ്ഞോജനം ഏകം ഖന്ധഞ്ച കാമരാഗസഞ്ഞോജനഞ്ച പച്ചയാ തയോ ഖന്ധാ ദിട്ഠിസഞ്ഞോജനം അവിജ്ജാസഞ്ഞോജനം ചിത്തസമുട്ഠാനഞ്ച രൂപം, ദ്വേ ഖന്ധേ…പേ… (ചക്കം). കാമരാഗസഞ്ഞോജനഞ്ച വത്ഥുഞ്ച പച്ചയാ ദിട്ഠിസഞ്ഞോജനം അവിജ്ജാസഞ്ഞോജനം സമ്പയുത്തകാ ച ഖന്ധാ (ചക്കം. സംഖിത്തം). (൩)

൧൨. ഹേതുയാ നവ, ആരമ്മണേ നവ (സബ്ബത്ഥ നവ), വിപാകേ ഏകം…പേ… അവിഗതേ നവ.

൧൩. നഹേതുയാ ചത്താരി (യത്ഥ യത്ഥ വത്ഥു ലബ്ഭതി, തത്ഥ തത്ഥ നിന്നേതബ്ബം), നആരമ്മണേ തീണി…പേ… നോവിഗതേ തീണി.

൪. നിസ്സയവാരോ

(ഏവം ഇതരേപി ദ്വേ ഗണനാ ച നിസ്സയവാരോ ച കാതബ്ബോ.)

൫. സംസട്ഠവാരോ

൧. പച്ചയാനുലോമം

ഹേതുപച്ചയോ

൧൪. സഞ്ഞോജനം ധമ്മം സംസട്ഠോ സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനം സംസട്ഠം ദിട്ഠിസഞ്ഞോജനം അവിജ്ജാസഞ്ഞോജനം (ഏവം നവ പഞ്ഹാ. അരൂപായേവ കാതബ്ബാ).

൬. സമ്പയുത്തവാരോ

(സംസട്ഠവാരോപി സമ്പയുത്തവാരോപി ഏവം കാതബ്ബാ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൫. സഞ്ഞോജനോ ധമ്മോ സഞ്ഞോജനസ്സ ധമ്മസ്സ ഹേതുപച്ചയേന പച്ചയോ – സഞ്ഞോജനാ ഹേതൂ സമ്പയുത്തകാനം സഞ്ഞോജനാനം ഹേതുപച്ചയേന പച്ചയോ. (൧)

സഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ഹേതുപച്ചയേന പച്ചയോ – സഞ്ഞോജനാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

സഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ഹേതുപച്ചയേന പച്ചയോ – സഞ്ഞോജനാ ഹേതൂ സമ്പയുത്തകാനം ഖന്ധാനം സഞ്ഞോജനാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൧൬. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ഹേതുപച്ചയേന പച്ചയോ – നോസഞ്ഞോജനാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൧൭. സഞ്ഞോജനോ ധമ്മോ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ – സഞ്ഞോജനേ ആരബ്ഭ സഞ്ഞോജനാ ഉപ്പജ്ജന്തി. (മൂലം കാതബ്ബം) സഞ്ഞോജനേ ആരബ്ഭ നോസഞ്ഞോജനാ ഖന്ധാ ഉപ്പജ്ജന്തി. (മൂലം കാതബ്ബം) സഞ്ഞോജനേ ആരബ്ഭ സഞ്ഞോജനാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൧൮. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോസഞ്ഞോജനേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും …പേ… വത്ഥും നോസഞ്ഞോജനേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നോസഞ്ഞോജനചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോസഞ്ഞോജനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോസഞ്ഞോജനേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോസഞ്ഞോജനേ ഖന്ധേ അസ്സാദേതി അഭിനന്ദതി, തം ആരബ്ഭ സഞ്ഞോജനാ ച സഞ്ഞോജനസമ്പയുത്തകാ ച ഖന്ധാ ഉപ്പജ്ജന്തി. (൩)

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… തീണി (ആരബ്ഭയേവ കാതബ്ബാ).

അധിപതിപച്ചയോ

൧൯. സഞ്ഞോജനോ ധമ്മോ സഞ്ഞോജനസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സഞ്ഞോജനം ഗരും കത്വാ…പേ… തീണി (ഗരുകാരമ്മണാ).

നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… തീണി (തിണ്ണമ്പി ആരമ്മണാധിപതി, സഹജാതാധിപതിപി കാതബ്ബാ, വിഭജിതബ്ബാ തീണിപി).

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സഞ്ഞോജനേ ച സമ്പയുത്തകേ ച ഖന്ധേ ഗരും കത്വാ…പേ… തീണി.

അനന്തരപച്ചയോ

൨൦. സഞ്ഞോജനോ ധമ്മോ സഞ്ഞോജനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സഞ്ഞോജനാ പച്ഛിമാനം പച്ഛിമാനം സഞ്ഞോജനാനം അനന്തരപച്ചയേന പച്ചയോ… തീണി.

നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോസഞ്ഞോജനാ ഖന്ധാ പച്ഛിമാനം…പേ… ഫലസമാപത്തിയാ അനന്തരപച്ചയേന പച്ചയോ. (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോസഞ്ഞോജനാ ഖന്ധാ പച്ഛിമാനം പച്ഛിമാനം സഞ്ഞോജനാനം അനന്തരപച്ചയേന പച്ചയോ; ആവജ്ജനാ സഞ്ഞോജനാനം അനന്തരപച്ചയേന പച്ചയോ (ഏവം ദ്വേപി കാതബ്ബാ). (൩)

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ അനന്തരപച്ചയേന പച്ചയോ… തീണി.

സമനന്തരപച്ചയാദി

൨൧. സഞ്ഞോജനോ ധമ്മോ സഞ്ഞോജനസ്സ ധമ്മസ്സ സമനന്തരപച്ചയേന പച്ചയോ… നവ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൨൨. സഞ്ഞോജനോ ധമ്മോ സഞ്ഞോജനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഞ്ഞോജനാ സഞ്ഞോജനാനം ഉപനിസ്സയപച്ചയേന പച്ചയോ (ഏവം തീണിപി).

൨൩. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം, രാഗം…പേ… പത്ഥനം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം സഞ്ഞോജനാനം സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ ഉപനിസ്സയപച്ചയേന പച്ചയോ… തീണി.

പുരേജാതപച്ചയോ

൨൪. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോസഞ്ഞോജനാനം ഖന്ധാനം പുരേജാതപച്ചയേന പച്ചയോ. (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു സഞ്ഞോജനാനം പുരേജാതപച്ചയേന പച്ചയോ. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി, അഭിനന്ദതി, തം ആരബ്ഭ സഞ്ഞോജനാ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു സഞ്ഞോജനാനം സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൨൫. സഞ്ഞോജനോ ധമ്മോ നോസഞ്ഞോജനസ്സ ധമ്മസ്സ പച്ഛാജാതപച്ചയേന പച്ചയോ… ഏകം.

നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ പച്ഛാജാതപച്ചയേന പച്ചയോ…പേ…. (൧)

സഞ്ഞോജനോ ച നോസഞ്ഞോജനോ ച ധമ്മാ നോസഞ്ഞോജനസ്സ ധമ്മസ്സ പച്ഛാജാതപച്ചയേന പച്ചയോ…പേ…. (൧)

ആസേവനപച്ചയോ

൨൬. സഞ്ഞോജനോ ധമ്മോ സഞ്ഞോജനസ്സ ധമ്മസ്സ ആസേവനപച്ചയേന പച്ചയോ… നവ.

കമ്മപച്ചയാദി

൨൭. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ കമ്മപച്ചയേന പച്ചയോ… തീണി… വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… തീണി… ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ.

വിപ്പയുത്തപച്ചയോ

൨൮. സഞ്ഞോജനോ ധമ്മോ നോസഞ്ഞോജനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (വിഭജിതബ്ബം). (൧)

നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (വിഭജിതബ്ബം). (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സഞ്ഞോജനാനം വിപ്പയുത്തപച്ചയേന പച്ചയോ. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സഞ്ഞോജനാനം സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

സഞ്ഞോജനോ ച നോസഞ്ഞോജനോ ച ധമ്മാ നോസഞ്ഞോജനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (വിഭജിതബ്ബം). (൧)

അത്ഥിപച്ചയോ

൨൯. സഞ്ഞോജനോ ധമ്മോ സഞ്ഞോജനസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൧)

സഞ്ഞോജനോ ധമ്മോ നോസഞ്ഞോജനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). (൨)

സഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)

൩൦. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – നോസഞ്ഞോജനാ ഖന്ധാ സമ്പയുത്തകാനം സഞ്ഞോജനാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, വത്ഥു സഞ്ഞോജനാനം അത്ഥിപച്ചയേന പച്ചയോ. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോസഞ്ഞോജനോ…പേ… (സംഖിത്തം, ആസവസദിസം). (൩)

൩൧. സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (ആസവസദിസം). (൧)

സഞ്ഞോജനോ ച നോസഞ്ഞോജനോ ച ധമ്മാ നോസഞ്ഞോജനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (വിഭജിതബ്ബം ആസവസദിസം). (൨)

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (വിഭജിതബ്ബം ആസവസദിസം). (൩)

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൨. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ നവ, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൩൩. സഞ്ഞോജനോ ധമ്മോ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

സഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

സഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൩൪. നോസഞ്ഞോജനോ ധമ്മോ നോസഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നോസഞ്ഞോജനോ ധമ്മോ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോസഞ്ഞോജനോ ധമ്മോ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ആരമ്മണപച്ചയേന പച്ചയോ … സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൩൫. സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

സഞ്ഞോജനോ ച നോസഞ്ഞോജനോ ച ധമ്മാ നോസഞ്ഞോജനസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

സഞ്ഞോജനോ ച നോസഞ്ഞോജനോ ച ധമ്മാ സഞ്ഞോജനസ്സ ച നോസഞ്ഞോജനസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൨. പച്ചയപച്ചനീയം

൨. സങ്ഖ്യാവാരോ

൩൬. നഹേതുയാ നവ, നആരമ്മണേ നവ (സബ്ബത്ഥ നവ), നോഅവിഗതേ നവ.

൩. പച്ചയാനുലോമപച്ചനീയം

ഹേതുദുകം

൩൭. ഹേതുപച്ചയാ നആരമ്മണേ ചത്താരി…പേ… നസമനന്തരേ ചത്താരി, നഅഞ്ഞമഞ്ഞേ ദ്വേ, നഉപനിസ്സയേ ചത്താരി…പേ… നമഗ്ഗേ ചത്താരി, നസമ്പയുത്തേ ദ്വേ, നവിപ്പയുത്തേ ചത്താരി, നോനത്ഥിയാ ചത്താരി, നോവിഗതേ ചത്താരി.

൪. പച്ചയപച്ചനീയാനുലോമം

നഹേതുദുകം

൩൮. നഹേതുപച്ചയാ ആരമ്മണേ നവ, അധിപതിയാ നവ (അനുലോമമാതികാ), അവിഗതേ നവ.

സഞ്ഞോജനദുകം നിട്ഠിതം.

൨൧. സഞ്ഞോജനിയദുകം

൧-൭. പടിച്ചവാരാദി

൩൯. സഞ്ഞോജനിയം ധമ്മം പടിച്ച സഞ്ഞോജനിയോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ….