൧. വിഭങ്ഗവാരോ

ഹേതുപച്ചയോ

൯൭. സഞ്ഞോജനഞ്ചേവ സഞ്ഞോജനിയഞ്ച ധമ്മം പടിച്ച സഞ്ഞോജനോ ചേവ സഞ്ഞോജനിയോ ച ധമ്മാ ഉപ്പജ്ജന്തി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം (ചക്കം). (൧)

സഞ്ഞോജനഞ്ചേവ സഞ്ഞോജനിയഞ്ച ധമ്മം പടിച്ച സഞ്ഞോജനിയോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

സഞ്ഞോജനഞ്ചേവ സഞ്ഞോജനിയഞ്ച ധമ്മം പടിച്ച സഞ്ഞോജനോ ചേവ സഞ്ഞോജനിയോ ച സഞ്ഞോജനിയോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – കാമരാഗസഞ്ഞോജനം പടിച്ച ദിട്ഠിസഞ്ഞോജനം അവിജ്ജാസഞ്ഞോജനം സമ്പയുത്തകാ ഖന്ധാ ചിത്തസമുട്ഠാനഞ്ച രൂപം (ചക്കം). (൩)

൯൮. സഞ്ഞോജനിയഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനിയോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനിയഞ്ചേവ നോ ച സഞ്ഞോജനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ മഹാഭൂതാ). (൧)

സഞ്ഞോജനിയഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനോ ചേവ സഞ്ഞോജനിയോ ച ധമ്മോ ഉപ്പജ്ജതി ഹേതുപച്ചയാ – സഞ്ഞോജനിയേ ചേവ നോ ച സഞ്ഞോജനേ ഖന്ധേ പടിച്ച സഞ്ഞോജനാ. (൨)

സഞ്ഞോജനിയഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനോ ചേവ സഞ്ഞോജനിയോ ച സഞ്ഞോജനിയോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനിയഞ്ചേവ നോ ച സഞ്ഞോജനം ഏകം ഖന്ധം പടിച്ച തയോ ഖന്ധാ സഞ്ഞോജനാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൯൯. സഞ്ഞോജനഞ്ചേവ സഞ്ഞോജനിയഞ്ച സഞ്ഞോജനിയഞ്ചേവ നോ ച സഞ്ഞോജനം ധമ്മം പടിച്ച സഞ്ഞോജനോ ചേവ സഞ്ഞോജനിയോ ച ധമ്മോ ഉപ്പജ്ജതി ഹേതുപച്ചയാ – കാമരാഗസഞ്ഞോജനഞ്ച സമ്പയുത്തകേ ച ഖന്ധേ പടിച്ച ദിട്ഠിസഞ്ഞോജനം അവിജ്ജാസഞ്ഞോജനം (ചക്കം). (൧)

സഞ്ഞോജനഞ്ചേവ സഞ്ഞോജനിയഞ്ച സഞ്ഞോജനിയഞ്ചേവ നോ ച സഞ്ഞോജനഞ്ച ധമ്മം പടിച്ച സഞ്ഞോജനിയോ ചേവ നോ ച സഞ്ഞോജനോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനിയഞ്ചേവ നോ ച സഞ്ഞോജനം ഏകം ഖന്ധഞ്ച സഞ്ഞോജനേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൨)

സഞ്ഞോജനഞ്ചേവ സഞ്ഞോജനിയഞ്ച സഞ്ഞോജനിയഞ്ചേവ നോ ച സഞ്ഞോജനഞ്ച ധമ്മം പടിച്ച സഞ്ഞോജനോ ചേവ സഞ്ഞോജനിയോ ച സഞ്ഞോജനിയോ ചേവ നോ ച സഞ്ഞോജനോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനിയഞ്ചേവ നോ ച സഞ്ഞോജനം ഏകം ഖന്ധഞ്ച കാമരാഗസഞ്ഞോജനഞ്ച പടിച്ച തയോ ഖന്ധാ ദിട്ഠിസഞ്ഞോജനം അവിജ്ജാസഞ്ഞോജനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം ബന്ധിതബ്ബം). (൩)

(സഞ്ഞോജനഗോച്ഛകേ പഠമദുകസദിസം.)

(ഏവം ഇമമ്പി ദുകം വിത്ഥാരേതബ്ബം, നിന്നാനാകരണം ഠപേത്വാ ലോകുത്തരം).

സഞ്ഞോജനസഞ്ഞോജനിയദുകം നിട്ഠിതം.