൧. വിഭങ്ഗവാരോ

ഹേതുപച്ചയോ

൬൬. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ഹേതുപച്ചയേന പച്ചയോ – സഞ്ഞോജനസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – സഞ്ഞോജനസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – സഞ്ഞോജനസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൬൭. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – സഞ്ഞോജനവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ, ഉദ്ധച്ചസഹഗതോ മോഹോ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൬൮. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – സഞ്ഞോജനസമ്പയുത്തേ ഖന്ധേ ആരബ്ഭ സഞ്ഞോജനസമ്പയുത്തകാ ഖന്ധാ ഉപ്പജ്ജന്തി. (മൂലം കാതബ്ബം) സഞ്ഞോജനസമ്പയുത്തേ ഖന്ധേ ആരബ്ഭ സഞ്ഞോജനവിപ്പയുത്താ ഖന്ധാ ച മോഹോ ച ഉപ്പജ്ജന്തി. (മൂലം കാതബ്ബം) സഞ്ഞോജനസമ്പയുത്തേ ഖന്ധേ ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൬൯. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ സഞ്ഞോജനവിപ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ചക്ഖും…പേ… വത്ഥും സഞ്ഞോജനവിപ്പയുത്തേ ഖന്ധേ ച മോഹഞ്ച അനിച്ചതോ…പേ… വിപസ്സതി…പേ… ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന സഞ്ഞോജനവിപ്പയുത്തചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… രൂപായതനം…പേ… ഫോട്ഠബ്ബായതനം…പേ… സഞ്ഞോജനവിപ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ മോഹസ്സ ച ആരമ്മണപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… ചക്ഖും…പേ… വത്ഥും സഞ്ഞോജനവിപ്പയുത്തേ ഖന്ധേ ച മോഹഞ്ച അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും…പേ… വത്ഥും സഞ്ഞോജനവിപ്പയുത്തേ ഖന്ധേ ച മോഹഞ്ച ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൭൦. സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ സഞ്ഞോജനസമ്പയുത്തകാ ഖന്ധാ ഉപ്പജ്ജന്തി. (മൂലം കാതബ്ബം) ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ സഞ്ഞോജനവിപ്പയുത്താ ഖന്ധാ ച മോഹോ ച ഉപ്പജ്ജന്തി. (മൂലം കാതബ്ബം) ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

അധിപതിപച്ചയോ

൭൧. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – രാഗം…പേ… ദിട്ഠിം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സഞ്ഞോജനസമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സഞ്ഞോജനസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സഞ്ഞോജനസമ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൭൨. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. സഹജാതാധിപതി – സഞ്ഞോജനവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും സഞ്ഞോജനവിപ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയോ

൭൩. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സഞ്ഞോജനസമ്പയുത്താ ഖന്ധാ പച്ഛിമാനം പച്ഛിമാനം സഞ്ഞോജനസമ്പയുത്തകാനം ഖന്ധാനം അനന്തരപച്ചയേന പച്ചയോ. (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ പച്ഛിമസ്സ പച്ഛിമസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; സഞ്ഞോജനസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൭൪. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ഉദ്ധച്ചസഹഗതോ മോഹോ പച്ഛിമസ്സ പച്ഛിമസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; പുരിമാ പുരിമാ സഞ്ഞോജനവിപ്പയുത്താ ഖന്ധാ പച്ഛിമാനം…പേ… ഫലസമാപത്തിയാ അനന്തരപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ; ആവജ്ജനാ സഞ്ഞോജനസമ്പയുത്തകാനം ഖന്ധാനം അനന്തരപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ; ആവജ്ജനാ ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൭൫. സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ. (൧)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ ച മോഹോ ച പച്ഛിമസ്സ പച്ഛിമസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; ഉദ്ധച്ചസഹഗതാ ഖന്ധാ ച മോഹോ ച വുട്ഠാനസ്സ അനന്തരപച്ചയേന പച്ചയോ. (൨)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

സമനന്തരപച്ചയാദി

൭൬. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ സമനന്തരപച്ചയേന പച്ചയോ … നവ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… ഛ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൭൭. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഞ്ഞോജനസമ്പയുത്താ ഖന്ധാ സഞ്ഞോജനസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഞ്ഞോജനസമ്പയുത്താ ഖന്ധാ സഞ്ഞോജനവിപ്പയുത്താനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഞ്ഞോജനസമ്പയുത്താ ഖന്ധാ ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൭൮. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം മോഹം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സദ്ധാ…പേ… സേനാസനം മോഹോ ച സദ്ധായ…പേ… ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം മോഹം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം മോഹോ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധാ…പേ… പഞ്ഞാ… കായികം സുഖം…പേ… സേനാസനം മോഹോ ച ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൭൯. സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച സഞ്ഞോജനസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച സഞ്ഞോജനവിപ്പയുത്താനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൮൦. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ …പേ… വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു സഞ്ഞോജനവിപ്പയുത്താനം ഖന്ധാനം മോഹസ്സ ച പുരേജാതപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു സഞ്ഞോജനസമ്പയുത്തകാനം ഖന്ധാനം പുരേജാതപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. വത്ഥുപുരേജാതം – വത്ഥു ഉദ്ധച്ചസഹഗതാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൩)

പച്ഛാജാതപച്ചയോ

൮൧. സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ സഞ്ഞോജനസമ്പയുത്താ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ സഞ്ഞോജനവിപ്പയുത്താ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൮൨. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ആസേവനപച്ചയേന പച്ചയോ… നവ (ആവജ്ജനാപി വുട്ഠാനമ്പി നത്ഥി ).

കമ്മപച്ചയോ

൮൩. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ കമ്മപച്ചയേന പച്ചയോ – സഞ്ഞോജനസമ്പയുത്താ ചേതനാ സഞ്ഞോജനസമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സഞ്ഞോജനസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; ഉദ്ധച്ചസഹഗതാ ചേതനാ മോഹസ്സ ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – സഞ്ഞോജനസമ്പയുത്തകാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ കമ്മപച്ചയേന പച്ചയോ – സഞ്ഞോജനസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ഉദ്ധച്ചസഹഗതാ ചേതനാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സഞ്ഞോജനവിപ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സഞ്ഞോജനവിപ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ.

വിപാകപച്ചയോ

൮൪. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ വിപാകപച്ചയേന പച്ചയോ… ഏകം.

ആഹാരപച്ചയാദി

൮൫. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… ചത്താരി… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ഛ.

വിപ്പയുത്തപച്ചയോ

൮൬. സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സഞ്ഞോജനസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഉദ്ധച്ചസഹഗതാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. (൩)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അത്ഥിപച്ചയാദി

൮൭. സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചവാരസദിസം). (൧)

സഞ്ഞോജനസമ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – സഞ്ഞോജനസമ്പയുത്താ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ഉദ്ധച്ചസഹഗതാ ഖന്ധാ മോഹസ്സ ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – സഞ്ഞോജനസമ്പയുത്താ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

സഞ്ഞോജനസമ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഞ്ഞോജനസമ്പയുത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… ഉദ്ധച്ചസഹഗതോ ഏകോ ഖന്ധോ തിണ്ണന്നം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. (൩)

൮൮. സഞ്ഞോജനവിപ്പയുത്തോ ധമ്മോ സഞ്ഞോജനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം. വിത്ഥാരേതബ്ബം). (൧)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, വത്ഥു സഞ്ഞോജനസമ്പയുത്തകാനം ഖന്ധാനം അത്ഥിപച്ചയേന പച്ചയോ. (൨)

സഞ്ഞോജനവിപ്പയുത്തോ ധമ്മോ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും …പേ… വത്ഥും ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി, വത്ഥു ഉദ്ധച്ചസഹഗതാനം ഖന്ധാനം മോഹസ്സ ച അത്ഥിപച്ചയേന പച്ചയോ. (൩)

൮൯. സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സഞ്ഞോജനസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – സഞ്ഞോജനസമ്പയുത്താ ഖന്ധാ ച മോഹോ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ഉദ്ധച്ചസഹഗതാ ഖന്ധാ ച വത്ഥു ച മോഹസ്സ അത്ഥിപച്ചയേന പച്ചയോ. പച്ഛാജാതാ – ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സഞ്ഞോജനസമ്പയുത്താ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സഞ്ഞോജനസമ്പയുത്താ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ സഞ്ഞോജനസമ്പയുത്തസ്സ ച സഞ്ഞോജനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ഉദ്ധച്ചസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം മോഹസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.