൧. വിഭങ്ഗവാരോ

ഹേതുപച്ചയോ

൫൧. സഞ്ഞോജനസമ്പയുത്തം ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസം).

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ (യാവ പടിസന്ധി), ഏകം മഹാഭൂതം…പേ… വത്ഥും പച്ചയാ സഞ്ഞോജനവിപ്പയുത്താ ഖന്ധാ, വത്ഥും പച്ചയാ ഉദ്ധച്ചസഹഗതോ മോഹോ. (൧)

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ സഞ്ഞോജനസമ്പയുത്തകാ ഖന്ധാ, ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ. (൨)

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ സഞ്ഞോജനസമ്പയുത്തകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൫൨. സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ …പേ… ദ്വേ ഖന്ധേ…പേ… ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഉദ്ധച്ചസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം. (൨)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഞ്ഞോജനസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

ആരമ്മണപച്ചയോ

൫൩. സഞ്ഞോജനസമ്പയുത്തം ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ… തീണി (പടിച്ചസദിസാ).

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ (യാവ പടിസന്ധി), വത്ഥും പച്ചയാ സഞ്ഞോജനവിപ്പയുത്താ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ സഞ്ഞോജനവിപ്പയുത്താ ഖന്ധാ, വത്ഥും പച്ചയാ ഉദ്ധച്ചസഹഗതോ മോഹോ. (൧)

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ സഞ്ഞോജനസമ്പയുത്തകാ ഖന്ധാ, ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ. (൨)

സഞ്ഞോജനവിപ്പയുത്തം ധമ്മം പച്ചയാ സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – വത്ഥും പച്ചയാ ഉദ്ധച്ചസഹഗതാ ഖന്ധാ ച മോഹോ ച. (൩)

൫൪. സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – സഞ്ഞോജനസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ ഉദ്ധച്ചസഹഗതോ മോഹോ. (൨)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പച്ചയാ സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – ഉദ്ധച്ചസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

അധിപതിപച്ചയാദി

൫൫. സഞ്ഞോജനസമ്പയുത്തം ധമ്മം പച്ചയാ സഞ്ഞോജനസമ്പയുത്തോ ധമ്മോ ഉപ്പജ്ജതി അധിപതിപച്ചയാ…പേ… അവിഗതപച്ചയാ…പേ….