൧. വിഭങ്ഗവാരോ

ഹേതുപച്ചയോ

൪൦. സഞ്ഞോജനസമ്പയുത്തം ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തം ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തേ ഖന്ധേ പടിച്ച ചിത്തസമുട്ഠാനം രൂപം. (൨)

സഞ്ഞോജനസമ്പയുത്തം ധമ്മം പടിച്ച സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – സഞ്ഞോജനസമ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൧. സഞ്ഞോജനവിപ്പയുത്തം ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനവിപ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം …പേ… ദ്വേ ഖന്ധേ…പേ… ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഏകം മഹാഭൂതം…പേ…. (൧)

സഞ്ഞോജനവിപ്പയുത്തം ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൨)

സഞ്ഞോജനവിപ്പയുത്തം ധമ്മം പടിച്ച സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൪൨. സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – സഞ്ഞോജനസമ്പയുത്തേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പടിച്ച സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

ആരമ്മണപച്ചയോ

൪൩. സഞ്ഞോജനസമ്പയുത്തം ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – സഞ്ഞോജനസമ്പയുത്തം ഏകം ഖന്ധം…പേ… ദ്വേ ഖന്ധേ…പേ…. (൧)

സഞ്ഞോജനസമ്പയുത്തം ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതേ ഖന്ധേ പടിച്ച ഉദ്ധച്ചസഹഗതോ മോഹോ. (൨)

സഞ്ഞോജനസമ്പയുത്തം ധമ്മം പടിച്ച സഞ്ഞോജനസമ്പയുത്തോ ച സഞ്ഞോജനവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൪൪. സഞ്ഞോജനവിപ്പയുത്തം ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – സഞ്ഞോജനവിപ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

സഞ്ഞോജനവിപ്പയുത്തം ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൨)

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൪൫. സഞ്ഞോജനസമ്പയുത്തം ധമ്മം പടിച്ച സഞ്ഞോജനസമ്പയുത്തോ ധമ്മോ ഉപ്പജ്ജതി അധിപതിപച്ചയാ… തീണി.

സഞ്ഞോജനവിപ്പയുത്തം ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി അധിപതിപച്ചയാ… ഏകം.

സഞ്ഞോജനസമ്പയുത്തഞ്ച സഞ്ഞോജനവിപ്പയുത്തഞ്ച ധമ്മം പടിച്ച സഞ്ഞോജനവിപ്പയുത്തോ ധമ്മോ ഉപ്പജ്ജതി അധിപതിപച്ചയാ – സഞ്ഞോജനസമ്പയുത്തകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧) (സംഖിത്തം.)