൧. വിഭങ്ഗവാരോ

നഹേതുപച്ചയോ

൧൦൪. രൂപിം ധമ്മം പച്ചയാ രൂപീ ധമ്മോ ഉപ്പജ്ജതി നഹേതുപച്ചയാ – ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം…പേ…. (൧)

രൂപിം ധമ്മം പച്ചയാ അരൂപീ ധമ്മോ ഉപ്പജ്ജതി നഹേതുപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ അരൂപിനോ ഖന്ധാ; അഹേതുകപടിസന്ധിക്ഖണേ…പേ… വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

രൂപിം ധമ്മം പച്ചയാ രൂപീ ച അരൂപീ ച ധമ്മാ ഉപ്പജ്ജന്തി നഹേതുപച്ചയാ (പവത്തിപടിസന്ധി കാതബ്ബാ). (൩)

൧൦൫. അരൂപിം ധമ്മം പച്ചയാ അരൂപീ ധമ്മോ ഉപ്പജ്ജതി നഹേതുപച്ചയാ – അഹേതുകം അരൂപിം ഏകം ഖന്ധം…പേ… പടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അരൂപിം ധമ്മം പച്ചയാ രൂപീ ധമ്മോ ഉപ്പജ്ജതി നഹേതുപച്ചയാ – അഹേതുകേ അരൂപിനോ ഖന്ധേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

അരൂപിം ധമ്മം പച്ചയാ രൂപീ ച അരൂപീ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം അരൂപിം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൧൦൬. രൂപിഞ്ച അരൂപിഞ്ച ധമ്മം പച്ചയാ രൂപീ ധമ്മോ ഉപ്പജ്ജതി നഹേതുപച്ചയാ – അഹേതുകേ അരൂപിനോ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)

രൂപിഞ്ച അരൂപിഞ്ച ധമ്മം പച്ചയാ അരൂപീ ധമ്മോ ഉപ്പജ്ജതി നഹേതുപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… കായവിഞ്ഞാണസഹഗതം…പേ… അരൂപിം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

രൂപിഞ്ച അരൂപിഞ്ച ധമ്മം പച്ചയാ രൂപീ ച അരൂപീ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം അരൂപിം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… അരൂപിനോ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)