൨. ചൂളന്തരദുകം
൭. സപ്പച്ചയദുകം
൧. പടിച്ചവാരോ
൧-൪. പച്ചയാനുലോമാദി
൧. സപ്പച്ചയം ധമ്മം പടിച്ച സപ്പച്ചയോ ധമ്മോ ഉപ്പജ്ജതി ഹേതുപച്ചയാ – സപ്പച്ചയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം.
സപ്പച്ചയം ധമ്മം പടിച്ച സപ്പച്ചയോ ധമ്മോ ഉപ്പജ്ജതി ആരമ്മണപച്ചയാ…പേ… അവിഗതപച്ചയാ.
൨. ഹേതുയാ ഏകം, ആരമ്മണേ ഏകം…പേ… അവിഗതേ ഏകം.
അനുലോമം.
൩. സപ്പച്ചയം ധമ്മം പടിച്ച സപ്പച്ചയോ ധമ്മോ ഉപ്പജ്ജതി നഹേതുപച്ചയാ – അഹേതുകം സപ്പച്ചയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ …പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ (സംഖിത്തം).
൪. നഹേതുയാ ഏകം, നആരമ്മണേ ഏകം, നഅധിപതിയാ ഏകം…പേ… നോവിഗതേ ഏകം.
പച്ചനീയം.
൫. ഹേതുപച്ചയാ നആരമ്മണേ ഏകം, നഅധിപതിയാ ഏകം…പേ… നോവിഗതേ ഏകം.
അനുലോമപച്ചനീയം.
൬. നഹേതുപച്ചയാ ആരമ്മണേ ഏകം അനന്തരേ ഏകം…പേ… അവിഗതേ ഏകം.
പച്ചനീയാനുലോമം.
൨. സഹജാതവാരോ
(സഹജാതവാരോ പടിച്ചവാരസദിസോ.)
൩. പച്ചയവാരോ
൧. പച്ചയാനുലോമം
൧. വിഭങ്ഗവാരോ
൭. സപ്പച്ചയം ധമ്മം പച്ചയാ സപ്പച്ചയോ ധമ്മോ ഉപ്പജ്ജതി ഹേതുപച്ചയാ – സപ്പച്ചയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഏകം മഹാഭൂതം…പേ… വത്ഥും പച്ചയാ സപ്പച്ചയാ ഖന്ധാ.
സപ്പച്ചയം ധമ്മം പച്ചയാ സപ്പച്ചയോ ധമ്മോ ഉപ്പജ്ജതി ആരമ്മണപച്ചയാ (സംഖിത്തം).
൪-൬. നിസ്സയ-സംസട്ഠ-സമ്പയുത്തവാരോ
(ഏവം പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി വിത്ഥാരേതബ്ബോ, സബ്ബത്ഥ ഏകായേവ പഞ്ഹാ.)
൭. പഞ്ഹാവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൮. സപ്പച്ചയോ ധമ്മോ സപ്പച്ചയസ്സ ധമ്മസ്സ ഹേതുപച്ചയേന പച്ചയോ – സപ്പച്ചയാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ….
ആരമ്മണപച്ചയോ
൯. സപ്പച്ചയോ ധമ്മോ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി; പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ കിലേസേ ജാനന്തി, ചക്ഖും…പേ… വത്ഥും… സപ്പച്ചയേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന സപ്പച്ചയചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… സപ്പച്ചയാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)
അപ്പച്ചയോ ധമ്മോ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ – അരിയാ നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. (൧)
അധിപതിപച്ചയോ
൧൦. സപ്പച്ചയോ ധമ്മോ സപ്പച്ചയസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ…പേ… ചക്ഖും…പേ… വത്ഥും… സപ്പച്ചയേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സപ്പച്ചയാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)
അപ്പച്ചയോ ധമ്മോ സപ്പച്ചയസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. (൧)
അനന്തരപച്ചയാദി
൧൧. സപ്പച്ചയോ ധമ്മോ സപ്പച്ചയസ്സ ധമ്മസ്സ അനന്തരപച്ചയേന പച്ചയോ…പേ… ഉപനിസ്സയപച്ചയേന പച്ചയോ…പേ… (ദ്വേ പഞ്ഹാ ഉപനിസ്സയമൂലം) പുരേജാതപച്ചയേന പച്ചയോ…പേ… അവിഗതപച്ചയേന പച്ചയോ (സബ്ബത്ഥ ഏകായേവ പഞ്ഹാ).
൧. പച്ചയാനുലോമം
൨. സങ്ഖ്യാവാരോ
സുദ്ധം
൧൨. ഹേതുയാ ഏകം, ആരമ്മണേ ദ്വേ, അധിപതിയാ ദ്വേ, അനന്തരേ ഏകം, സമനന്തരേ ഏകം, സഹജാതേ ഏകം, അഞ്ഞമഞ്ഞേ ഏകം, നിസ്സയേ ഏകം, ഉപനിസ്സയേ ദ്വേ, പുരേജാതേ ഏകം (സബ്ബത്ഥ ഏകം), അവിഗതേ ഏകം (ഏവം ഗണേതബ്ബം).
അനുലോമം.
പച്ചനീയുദ്ധാരോ
൧൩. സപ്പച്ചയോ ധമ്മോ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)
അപ്പച്ചയോ ധമ്മോ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൧)
൨. പച്ചയപച്ചനീയം
൨. സങ്ഖ്യാവാരോ
൧൪. നഹേതുയാ ദ്വേ, നആരമ്മണേ ഏകം, നഅധിപതിയാ ദ്വേ, നഅനന്തരേ ദ്വേ, നസമനന്തരേ ദ്വേ…പേ… നഉപനിസ്സയേ ദ്വേ, നപുരേജാതേ ദ്വേ…പേ… നോവിഗതേ ദ്വേ, നോഅവിഗതേ ദ്വേ (ഏവം ഗണേതബ്ബം).
പച്ചനീയം.
൩. പച്ചയാനുലോമപച്ചനീയം
ഹേതുദുകം
൧൫. ഹേതുപച്ചയാ നആരമ്മണേ ഏകം, നഅധിപതിയാ ഏകം, നഅനന്തരേ ഏകം, നസമനന്തരേ ഏകം, നഅഞ്ഞമഞ്ഞേ ഏകം, നഉപനിസ്സയേ ഏകം…പേ… നസമ്പയുത്തേ ഏകം, നവിപ്പയുത്തേ ഏകം, നോനത്ഥിയാ ഏകം, നോവിഗതേ ഏകം (ഏവം ഗണേതബ്ബം).
അനുലോമപച്ചനീയം.
൪. പച്ചയപച്ചനീയാനുലോമം
നഹേതുദുകം
൧൬. നഹേതുപച്ചയാ ആരമ്മണേ ദ്വേ, അധിപതിയാ ദ്വേ, അനന്തരേ ഏകം…പേ… ഉപനിസ്സയേ ദ്വേ, പുരേജാതേ ഏകം…പേ… അവിഗതേ ഏകം (ഏവം ഗണേതബ്ബം).
പച്ചനീയാനുലോമം.
സപ്പച്ചയദുകം നിട്ഠിതം.
൮. സങ്ഖതദുകം
൧. പടിച്ചവാരോ
ഹേതുപച്ചയോ
൧൭. സങ്ഖതം ധമ്മം പടിച്ച സങ്ഖതോ ധമ്മോ ഉപ്പജ്ജതി ഹേതുപച്ചയാ – സങ്ഖതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം.
(ഇമം ദുകം യഥാ സപ്പച്ചയദുകം, ഏവം ഗണേതബ്ബം, നിന്നാനാകരണം.)
സങ്ഖതദുകം നിട്ഠിതം.
൯. സനിദസ്സനദുകം
൧. പടിച്ചവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൧൮. അനിദസ്സനം ധമ്മം പടിച്ച അനിദസ്സനോ ധമ്മോ ഉപ്പജ്ജതി ഹേതുപച്ചയാ – അനിദസ്സനം ഏകം ഖന്ധം പടിച്ച തയോ ഖന്ധാ അനിദസ്സനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ അനിദസ്സനം ഏകം ഖന്ധം പടിച്ച തയോ ഖന്ധാ അനിദസ്സനം കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… മഹാഭൂതേ പടിച്ച അനിദസ്സനം ചിത്തസമുട്ഠാനം രൂപം കടത്താരൂപം ഉപാദാരൂപം. (൧)
അനിദസ്സനം ധമ്മം പടിച്ച സനിദസ്സനോ ധമ്മോ ഉപ്പജ്ജതി ഹേതുപച്ചയാ – അനിദസ്സനേ ഖന്ധേ പടിച്ച സനിദസ്സനം ചിത്തസമുട്ഠാനം രൂപം; പടിസന്ധിക്ഖണേ…പേ… മഹാഭൂതേ പടിച്ച സനിദസ്സനം ചിത്തസമുട്ഠാനം രൂപം കടത്താരൂപം ഉപാദാരൂപം. (൨)
അനിദസ്സനം ധമ്മം പടിച്ച സനിദസ്സനോ ച അനിദസ്സനോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനം ഏകം ഖന്ധം പടിച്ച തയോ ഖന്ധാ സനിദസ്സനഞ്ച അനിദസ്സനഞ്ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… മഹാഭൂതേ പടിച്ച സനിദസ്സനഞ്ച അനിദസ്സനഞ്ച ചിത്തസമുട്ഠാനഞ്ച രൂപം കടത്താരൂപം ഉപാദാരൂപം. (൩)
ആരമ്മണപച്ചയോ
൧൯. അനിദസ്സനം ധമ്മം പടിച്ച അനിദസ്സനോ ധമ്മോ ഉപ്പജ്ജതി ആരമ്മണപച്ചയാ – അനിദസ്സനം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)
അധിപതിപച്ചയോ
൨൦. അനിദസ്സനം ധമ്മം പടിച്ച അനിദസ്സനോ ധമ്മോ ഉപ്പജ്ജതി അധിപതിപച്ചയാ – അനിദസ്സനം ഏകം ഖന്ധം പടിച്ച തയോ ഖന്ധാ അനിദസ്സനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ…പേ… മഹാഭൂതേ പടിച്ച അനിദസ്സനം ചിത്തസമുട്ഠാനം രൂപം ഉപാദാരൂപം. (൧)
അനിദസ്സനം ധമ്മം പടിച്ച സനിദസ്സനോ ധമ്മോ ഉപ്പജ്ജതി അധിപതിപച്ചയാ – അനിദസ്സനേ ഖന്ധേ പടിച്ച സനിദസ്സനം ചിത്തസമുട്ഠാനം രൂപം, മഹാഭൂതേ പടിച്ച സനിദസ്സനം ചിത്തസമുട്ഠാനം രൂപം. (൨)
അനിദസ്സനം ധമ്മം പടിച്ച സനിദസ്സനോ ച അനിദസ്സനോ ച ധമ്മാ ഉപ്പജ്ജന്തി അധിപതിപച്ചയാ – അനിദസ്സനം ഏകം ഖന്ധം പടിച്ച തയോ ഖന്ധാ സനിദസ്സനഞ്ച അനിദസ്സനഞ്ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… മഹാഭൂതേ പടിച്ച സനിദസ്സനഞ്ച അനിദസ്സനഞ്ച ചിത്തസമുട്ഠാനം രൂപം ഉപാദാരൂപം. (൩) (സംഖിത്തം, സബ്ബേ കാതബ്ബാ.)
൧. പച്ചയാനുലോമം
൨. സങ്ഖ്യാവാരോ
സുദ്ധം
൨൧. ഹേതുയാ തീണി, ആരമ്മണേ ഏകം, അധിപതിയാ തീണി, അനന്തരേ ഏകം, സമനന്തരേ ഏകം, സഹജാതേ തീണി, അഞ്ഞമഞ്ഞേ ഏകം, നിസ്സയേ തീണി, ഉപനിസ്സയേ ഏകം, പുരേജാതേ ഏകം, ആസേവനേ ഏകം, കമ്മേ തീണി, വിപാകേ തീണി (സബ്ബത്ഥ തീണി), മഗ്ഗേ തീണി, സമ്പയുത്തേ ഏകം, വിപ്പയുത്തേ തീണി, അത്ഥിയാ തീണി, നത്ഥിയാ ഏകം, വിഗതേ ഏകം, അവിഗതേ തീണി (ഏവം ഗണേതബ്ബം).
അനുലോമം.
൨. പച്ചയപച്ചനീയം
൧. വിഭങ്ഗവാരോ
നഹേതുപച്ചയോ
൨൨. അനിദസ്സനം ധമ്മം പടിച്ച അനിദസ്സനോ ധമ്മോ ഉപ്പജ്ജതി നഹേതുപച്ചയാ – അഹേതുകം അനിദസ്സനം ഏകം ഖന്ധം പടിച്ച തയോ ഖന്ധാ അനിദസ്സനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… മഹാഭൂതേ പടിച്ച അനിദസ്സനം ചിത്തസമുട്ഠാനം രൂപം കടത്താരൂപം ഉപാദാരൂപം… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)
അനിദസ്സനം ധമ്മം പടിച്ച സനിദസ്സനോ ധമ്മോ ഉപ്പജ്ജതി നഹേതുപച്ചയാ – അഹേതുകേ അനിദസ്സനേ ഖന്ധേ പടിച്ച സനിദസ്സനം ചിത്തസമുട്ഠാനം രൂപം; പടിസന്ധിക്ഖണേ…പേ… മഹാഭൂതേ പടിച്ച സനിദസ്സനം ചിത്തസമുട്ഠാനം രൂപം കടത്താരൂപം ഉപാദാരൂപം… ബാഹിരേ… ആഹാരസമുട്ഠാനേ… ഉതുസമുട്ഠാനേ… അസഞ്ഞസത്താനം മഹാഭൂതേ പടിച്ച സനിദസ്സനം കടത്താരൂപം ഉപാദാരൂപം. (൨)
അനിദസ്സനം ധമ്മം പടിച്ച സനിദസ്സനോ ച അനിദസ്സനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം അനിദസ്സനം ഏകം ഖന്ധം പടിച്ച തയോ ഖന്ധാ സനിദസ്സനഞ്ച അനിദസ്സനഞ്ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… മഹാഭൂതേ പടിച്ച…പേ… ബാഹിരേ… ആഹാരസമുട്ഠാനേ… ഉതുസമുട്ഠാനേ… അസഞ്ഞസത്താനം മഹാഭൂതേ പടിച്ച സനിദസ്സനഞ്ച അനിദസ്സനഞ്ച കടത്താരൂപം, ഉപാദാരൂപം. (൩) (ഏവം സബ്ബേ കാതബ്ബാ.)
൨. പച്ചയപച്ചനീയം
൨. സങ്ഖ്യാവാരോ
സുദ്ധം
൨൩. നഹേതുയാ തീണി, നആരമ്മണേ തീണി, നഅധിപതിയാ തീണി, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നകമ്മേ തീണി, നവിപാകേ തീണി, നആഹാരേ തീണി, നഇന്ദ്രിയേ തീണി, നഝാനേ തീണി, നമഗ്ഗേ തീണി, നസമ്പയുത്തേ തീണി, നവിപ്പയുത്തേ തീണി, നോനത്ഥിയാ തീണി, നോവിഗതേ തീണി (ഏവം ഗണേതബ്ബം).
പച്ചനീയം.
൩. പച്ചയാനുലോമപച്ചനീയം
ഹേതുദുകം
൨൪. ഹേതുപച്ചയാ നആരമ്മണേ തീണി, നഅധിപതിയാ തീണി (സബ്ബത്ഥ തീണി), നകമ്മേ ഏകം, നവിപാകേ തീണി, നസമ്പയുത്തേ തീണി, നവിപ്പയുത്തേ ഏകം, നോനത്ഥിയാ തീണി, നോവിഗതേ തീണി.
അനുലോമപച്ചനീയം.
൪. പച്ചയപച്ചനീയാനുലോമം
നഹേതുദുകം
൨൫. നഹേതുപച്ചയാ ആരമ്മണേ ഏകം, അനന്തരേ ഏകം, സമനന്തരേ ഏകം, സഹജാതേ തീണി, അഞ്ഞമഞ്ഞേ ഏകം, നിസ്സയേ തീണി, ഉപനിസ്സയേ ഏകം, പുരേജാതേ ഏകം, ആസേവനേ ഏകം, കമ്മേ തീണി…പേ… ഝാനേ തീണി, മഗ്ഗേ ഏകം, സമ്പയുത്തേ ഏകം, വിപ്പയുത്തേ തീണി, അത്ഥിയാ തീണി, നത്ഥിയാ ഏകം, വിഗതേ ഏകം, അവിഗതേ തീണി.
പച്ചനീയാനുലോമം.
൨. സഹജാതവാരോ
(സഹജാതവാരോപി പടിച്ചവാരസദിസോ.)
൩. പച്ചയവാരോ
൧. പച്ചയാനുലോമം
ഹേതുപച്ചയോ
൨൬. അനിദസ്സനം ധമ്മം പച്ചയാ അനിദസ്സനോ ധമ്മോ ഉപ്പജ്ജതി ഹേതുപച്ചയാ – അനിദസ്സനം ഏകം ഖന്ധം പച്ചയാ തയോ ഖന്ധാ അനിദസ്സനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ…പേ… മഹാഭൂതേ പച്ചയാ അനിദസ്സനം ചിത്തസമുട്ഠാനം രൂപം കടത്താരൂപം ഉപാദാരൂപം, വത്ഥും പച്ചയാ അനിദസ്സനാ ഖന്ധാ (ഇതരേപി ദ്വേ പഞ്ഹാ കാതബ്ബാ).
ആരമ്മണപച്ചയോ
൨൭. അനിദസ്സനം ധമ്മം പച്ചയാ അനിദസ്സനോ ധമ്മോ ഉപ്പജ്ജതി ആരമ്മണപച്ചയാ – അനിദസ്സനം ഏകം ഖന്ധം…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അനിദസ്സനാ ഖന്ധാ (സംഖിത്തം).
൨൮. ഹേതുയാ തീണി, ആരമ്മണേ ഏകം, അധിപതിയാ തീണി…പേ… അവിഗതേ തീണി.
അനുലോമം.
൨. പച്ചയപച്ചനീയം
നഹേതുപച്ചയോ
൨൯. അനിദസ്സനം ധമ്മം പച്ചയാ അനിദസ്സനോ ധമ്മോ ഉപ്പജ്ജതി നഹേതുപച്ചയാ – അഹേതുകം അനിദസ്സനം ഏകം ഖന്ധം പച്ചയാ തയോ ഖന്ധാ അനിദസ്സനം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ അനിദസ്സനാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ (ഇതരേപി ദ്വേ കാതബ്ബാ. സംഖിത്തം).
൩൦. നഹേതുയാ തീണി, നആരമ്മണേ തീണി…പേ… നോവിഗതേ തീണി.
പച്ചനീയം.
൩. പച്ചയാനുലോമപച്ചനീയം
൩൧. ഹേതുപച്ചയാ നആരമ്മണേ തീണി…പേ… നകമ്മേ ഏകം…പേ… നവിപ്പയുത്തേ ഏകം, നോനത്ഥിയാ തീണി, നോവിഗതേ തീണി.
അനുലോമപച്ചനീയം.
൪. പച്ചയപച്ചനീയാനുലോമം
൩൨. നഹേതുപച്ചയാ ആരമ്മണേ ഏകം…പേ… മഗ്ഗേ ഏകം…പേ… അവിഗതേ തീണി.
പച്ചനീയാനുലോമം.
൪. നിസ്സയവാരോ
(നിസ്സയവാരോപി ഏവം കാതബ്ബോ.)
൫. സംസട്ഠവാരോ
൧. പച്ചയാനുലോമം
൩൩. അനിദസ്സനം ധമ്മം സംസട്ഠോ അനിദസ്സനോ ധമ്മോ ഉപ്പജ്ജതി ഹേതുപച്ചയാ – അനിദസ്സനം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ….
അനിദസ്സനം ധമ്മം സംസട്ഠോ അനിദസ്സനോ ധമ്മോ ഉപ്പജ്ജതി ആരമ്മണപച്ചയാ (ഏവം സബ്ബം സപ്പച്ചയഗണനാഹി സദ്ധിം കാതബ്ബം).
൬. സമ്പയുത്തവാരോ
(സമ്പയുത്തവാരോപി സംസട്ഠവാരസദിസോ).
൭. പഞ്ഹാവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൩൪. അനിദസ്സനോ ധമ്മോ അനിദസ്സനസ്സ ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സമ്പയുത്തകാനം ഖന്ധാനം അനിദസ്സനാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)
അനിദസ്സനോ ധമ്മോ സനിദസ്സനസ്സ ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സനിദസ്സനാനം ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)
അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സമ്പയുത്തകാനം ഖന്ധാനം സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)
ആരമ്മണപച്ചയോ
൩൫. സനിദസ്സനോ ധമ്മോ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ – സനിദസ്സനം രൂപം അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ ആരമ്മണപച്ചയേന പച്ചയോ; സനിദസ്സനാ ഖന്ധാ ഇദ്ധിവിധഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)
അനിദസ്സനോ ധമ്മോ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… കായം… സദ്ദേ…പേ… വത്ഥും അനിദസ്സനേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബായ സോതധാതുയാ സദ്ദം സുണാതി, ചേതോപരിയഞാണേന അനിദസ്സനചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… സദ്ദായതനം സോതവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… അനിദസ്സനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)
അധിപതിപച്ചയോ
൩൬. സനിദസ്സനോ ധമ്മോ അനിദസ്സനസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സനിദസ്സനം രൂപം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)
അനിദസ്സനോ ധമ്മോ അനിദസ്സനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും അനിദസ്സനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനിദസ്സനാധിപതി സമ്പയുത്തകാനം ഖന്ധാനം അനിദസ്സനാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)
അനിദസ്സനോ ധമ്മോ സനിദസ്സനസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അനിദസ്സനാധിപതി സനിദസ്സനാനം ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)
അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അനിദസ്സനാധിപതി സമ്പയുത്തകാനം ഖന്ധാനം സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)
അനന്തരപച്ചയോ
൩൭. അനിദസ്സനോ ധമ്മോ അനിദസ്സനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനിദസ്സനാ ഖന്ധാ പച്ഛിമാനം പച്ഛിമാനം അനിദസ്സനാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഗോത്രഭു മഗ്ഗസ്സ…പേ… നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)
സമനന്തരപച്ചയാദി
൩൮. അനിദസ്സനോ ധമ്മോ അനിദസ്സനസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… തീണി… അഞ്ഞമഞ്ഞപച്ചയേന പച്ചയോ… ഏകം… നിസ്സയപച്ചയേന പച്ചയോ… തീണി.