൧. വിഭങ്ഗവാരോ

ഹേതുപച്ചയോ

൬൮. അപ്പടിഘോ ധമ്മോ അപ്പടിഘസ്സ ധമ്മസ്സ ഹേതുപച്ചയേന പച്ചയോ – അപ്പടിഘാ ഹേതൂ സമ്പയുത്തകാനം ഖന്ധാനം അപ്പടിഘാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

അപ്പടിഘോ ധമ്മോ സപ്പടിഘസ്സ ധമ്മസ്സ ഹേതുപച്ചയേന പച്ചയോ – അപ്പടിഘാ ഹേതൂ സപ്പടിഘാനം ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)

അപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ ഹേതുപച്ചയേന പച്ചയോ – അപ്പടിഘാ ഹേതൂ സമ്പയുത്തകാനം ഖന്ധാനം സപ്പടിഘാനഞ്ച അപ്പടിഘാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

ആരമ്മണപച്ചയോ

൬൯. സപ്പടിഘോ ധമ്മോ അപ്പടിഘസ്സ ധമ്മസ്സ ആരമ്മണപച്ചയേന പച്ചയോ – ചക്ഖും…പേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… സപ്പടിഘാ ഖന്ധാ ഇദ്ധിവിധഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി; വത്ഥും…പേ… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും, കബളീകാരം ആഹാരം അനിച്ചതോ…പേ… ദോമനസ്സം ഉപ്പജ്ജതി; ചേതോപരിയഞാണേന അപ്പടിഘചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… അപ്പടിഘാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അധിപതിപച്ചയോ

൭൦. സപ്പടിഘോ ധമ്മോ അപ്പടിഘസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും…പേ… ഫോട്ഠബ്ബേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; വത്ഥും…പേ… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും, കബളീകാരം ആഹാരം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അപ്പടിഘാധിപതി സമ്പയുത്തകാനം ഖന്ധാനം അപ്പടിഘാനഞ്ച ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൧)

അപ്പടിഘോ ധമ്മോ സപ്പടിഘസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അപ്പടിഘാധിപതി സപ്പടിഘാനം ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൧)

അപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അപ്പടിഘാധിപതി സമ്പയുത്തകാനം ഖന്ധാനം സപ്പടിഘാനഞ്ച അപ്പടിഘാനഞ്ച ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൩)

അനന്തരപച്ചയോ

൭൧. അപ്പടിഘോ ധമ്മോ അപ്പടിഘസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അപ്പടിഘാ ഖന്ധാ…പേ… ഫലസമാപത്തിയാ അനന്തരപച്ചയേന പച്ചയോ.

സമനന്തരപച്ചയോ

൭൨. അപ്പടിഘോ ധമ്മോ അപ്പടിഘസ്സ ധമ്മസ്സ സമനന്തരപച്ചയേന പച്ചയോ…പേ….

സഹജാതപച്ചയാദി

൭൩. സപ്പടിഘോ ധമ്മോ സപ്പടിഘസ്സ ധമ്മസ്സ സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… ഛ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൭൪. സപ്പടിഘോ ധമ്മോ അപ്പടിഘസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉതും, സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; ഉതു, സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… ദിട്ഠിം ഗണ്ഹാതി; സീലം…പേ… കായികം സുഖം, കായികം ദുക്ഖം, ഭോജനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… ഭോജനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

പുരേജാതപച്ചയോ

൭൫. സപ്പടിഘോ ധമ്മോ അപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ പുരേജാതപച്ചയേന പച്ചയോ. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – വത്ഥും…പേ… ഇത്ഥിന്ദ്രിയം, പുരിസിന്ദ്രിയം, ജീവിതിന്ദ്രിയം, ആപോധാതും, കബളീകാരം ആഹാരം അനിച്ചതോ …പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു അപ്പടിഘാനം ഖന്ധാനം പുരേജാതപച്ചയേന പച്ചയോ. (൧)

സപ്പടിഘോ ച അപ്പടിഘോ ച ധമ്മാ അപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ചക്ഖായതനഞ്ച വത്ഥു ച…പേ… ഫോട്ഠബ്ബായതനഞ്ച വത്ഥു ച അപ്പടിഘാനം ഖന്ധാനം പുരേജാതപച്ചയേന പച്ചയോ. (൧)

പച്ഛാജാതപച്ചയോ

൭൬. അപ്പടിഘോ ധമ്മോ അപ്പടിഘസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അപ്പടിഘാ ഖന്ധാ പുരേജാതസ്സ ഇമസ്സ അപ്പടിഘസ്സ കായസ്സ പച്ഛാജാതപച്ചയേന പച്ചയോ. (മൂലം കാതബ്ബം) പച്ഛാജാതാ അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ കായസ്സ പച്ഛാജാതപച്ചയേന പച്ചയോ. (മൂലം കാതബ്ബം) പച്ഛാജാതാ അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ ച അപ്പടിഘസ്സ ച കായസ്സ പച്ഛാജാതപച്ചയേന പച്ചയോ (ദ്വിന്നമ്പി മൂലാ കാതബ്ബാ). (൩)

ആസേവനപച്ചയോ

൭൭. അപ്പടിഘോ ധമ്മോ അപ്പടിഘസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അപ്പടിഘാ ഖന്ധാ…പേ… വോദാനം മഗ്ഗസ്സ ആസേവനപച്ചയേന പച്ചയോ. (൧)

കമ്മപച്ചയോ

൭൮. അപ്പടിഘോ ധമ്മോ അപ്പടിഘസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപ്പടിഘാ ചേതനാ സമ്പയുത്തകാനം ഖന്ധാനം അപ്പടിഘാനഞ്ച ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – അപ്പടിഘാ ചേതനാ വിപാകാനം ഖന്ധാനം അപ്പടിഘാനഞ്ച കടത്താരൂപാനം കമ്മപച്ചയേന പച്ചയോ. (൧)

അപ്പടിഘോ ധമ്മോ സപ്പടിഘസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപ്പടിഘാ ചേതനാ സപ്പടിഘാനം ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – അപ്പടിഘാ ചേതനാ സപ്പടിഘാനം കടത്താരൂപാനം കമ്മപച്ചയേന പച്ചയോ. (൨)

അപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപ്പടിഘാ ചേതനാ സമ്പയുത്തകാനം ഖന്ധാനം സപ്പടിഘാനഞ്ച അപ്പടിഘാനഞ്ച ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – അപ്പടിഘാ ചേതനാ വിപാകാനം ഖന്ധാനം സപ്പടിഘാനഞ്ച അപ്പടിഘാനഞ്ച കടത്താരൂപാനം കമ്മപച്ചയേന പച്ചയോ. (൩)

വിപാകപച്ചയോ

൭൯. അപ്പടിഘോ ധമ്മോ അപ്പടിഘസ്സ ധമ്മസ്സ വിപാകപച്ചയേന പച്ചയോ – വിപാകോ അപ്പടിഘോ…പേ… തീണി.

ആഹാരപച്ചയോ

൮൦. അപ്പടിഘോ ധമ്മോ അപ്പടിഘസ്സ ധമ്മസ്സ ആഹാരപച്ചയേന പച്ചയോ – അപ്പടിഘാ ആഹാരാ സമ്പയുത്തകാനം ഖന്ധാനം അപ്പടിഘാനഞ്ച ചിത്തസമുട്ഠാനാനം രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ… കബളീകാരോ ആഹാരോ ഇമസ്സ അപ്പടിഘസ്സ കായസ്സ ആഹാരപച്ചയേന പച്ചയോ (അവസേസാ ദ്വേപി പഞ്ഹാ കാതബ്ബാ, പടിസന്ധി കബളീകാരോ ആഹാരോ ദ്വീസുപി കാതബ്ബോ അഗ്ഗേ). (൩)

ഇന്ദ്രിയപച്ചയാദി

൮൧. സപ്പടിഘോ ധമ്മോ അപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ ഇന്ദ്രിയപച്ചയേന പച്ചയോ. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ… തീണി (തീസുപി ജീവിതിന്ദ്രിയം അഗ്ഗേ കാതബ്ബം). (൩)

സപ്പടിഘോ ച അപ്പടിഘോ ച ധമ്മാ അപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയഞ്ച ചക്ഖുവിഞ്ഞാണഞ്ച ചക്ഖുവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ…പേ… കായിന്ദ്രിയഞ്ച കായവിഞ്ഞാണഞ്ച കായവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… തീണി… സമ്പയുത്തപച്ചയേന പച്ചയോ… ഏകം.

വിപ്പയുത്തപച്ചയോ

൮൨. സപ്പടിഘോ ധമ്മോ അപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. (൧)

അപ്പടിഘോ ധമ്മോ അപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – അപ്പടിഘാ ഖന്ധാ അപ്പടിഘാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ… ഖന്ധാ വത്ഥുസ്സ വിപ്പയുത്തപച്ചയേന പച്ചയോ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു അപ്പടിഘാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ അപ്പടിഘസ്സ കായസ്സ വിപ്പയുത്തപച്ചയേന പച്ചയോ. (൧)

അപ്പടിഘോ ധമ്മോ സപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പടിഘാ ഖന്ധാ സപ്പടിഘാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ കായസ്സ വിപ്പയുത്തപച്ചയേന പച്ചയോ. (൨)

അപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പടിഘാ ഖന്ധാ സപ്പടിഘാനഞ്ച അപ്പടിഘാനഞ്ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ …പേ…. പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ ച അപ്പടിഘസ്സ ച കായസ്സ വിപ്പയുത്തപച്ചയേന പച്ചയോ. (൩)

അത്ഥിപച്ചയോ

൮൩. സപ്പടിഘോ ധമ്മോ സപ്പടിഘസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസാ പഠമപഞ്ഹാ). (൧)

സപ്പടിഘോ ധമ്മോ അപ്പടിഘസ്സ ധമ്മസ്സ അത്ഥിപച്ചയേന പച്ചയോ സഹജാതം, പുരേജാതം. സഹജാതാ – സപ്പടിഘാ മഹാഭൂതാ ആപോധാതുയാ അത്ഥിപച്ചയേന പച്ചയോ, സപ്പടിഘാ മഹാഭൂതാ അപ്പടിഘാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ; ഫോട്ഠബ്ബായതനം ഇത്ഥിന്ദ്രിയസ്സ…പേ… കബളീകാരസ്സ ആഹാരസ്സ അത്ഥിപച്ചയേന പച്ചയോ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. പുരേജാതം – ചക്ഖും…പേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ…പേ… ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ അത്ഥിപച്ചയേന പച്ചയോ. (൨)

സപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ അത്ഥിപച്ചയേന പച്ചയോ – സപ്പടിഘം ഏകം മഹാഭൂതം ദ്വിന്നം മഹാഭൂതാനം ആപോധാതുയാ ച അത്ഥിപച്ചയേന പച്ചയോ…പേ… (പടിച്ചസദിസം യാവ അസഞ്ഞസത്താ). (൩)

൮൪. അപ്പടിഘോ ധമ്മോ അപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – അപ്പടിഘോ ഏകോ ഖന്ധോ തിണ്ണന്നം ഖന്ധാനം…പേ… (യാവ അസഞ്ഞസത്താ). പുരേജാതം – വത്ഥും…പേ… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും… കബളീകാരം ആഹാരം അനിച്ചതോ…പേ… ദോമനസ്സം ഉപ്പജ്ജതി; വത്ഥു അപ്പടിഘാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ അപ്പടിഘസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ അപ്പടിഘസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം അപ്പടിഘാനം കടത്താരൂപാനം അത്ഥിപച്ചയേന പച്ചയോ. (൧)

അപ്പടിഘോ ധമ്മോ സപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അപ്പടിഘാ ഖന്ധാ സപ്പടിഘാനം ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ… ആപോധാതു സപ്പടിഘാനം മഹാഭൂതാനം അത്ഥിപച്ചയേന പച്ചയോ; ആപോധാതു സപ്പടിഘാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ; ആപോധാതു ചക്ഖായതനസ്സ…പേ… ഫോട്ഠബ്ബായതനസ്സ അത്ഥിപച്ചയേന പച്ചയോ; ബാഹിരം, ആഹാരസമുട്ഠാനം, ഉതുസമുട്ഠാനം, അസഞ്ഞസത്താനം…പേ…. പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ സപ്പടിഘസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം സപ്പടിഘാനം കടത്താരൂപാനം അത്ഥിപച്ചയേന പച്ചയോ. (൨)

അപ്പടിഘോ ധമ്മോ സപ്പടിഘസ്സ ച അപ്പടിഘസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതോ – അപ്പടിഘോ ഏകോ ഖന്ധോ തിണ്ണന്നം ഖന്ധാനം സപ്പടിഘാനഞ്ച അപ്പടിഘാനഞ്ച…പേ… (പടിച്ചസദിസം യാവ അസഞ്ഞസത്താ). പച്ഛാജാതാ – അപ്പടിഘാ ഖന്ധാ പുരേജാതസ്സ ഇമസ്സ സപ്പടിഘസ്സ ച അപ്പടിഘസ്സ ച കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ സപ്പടിഘസ്സ ച അപ്പടിഘസ്സ ച കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം സപ്പടിഘാനഞ്ച അപ്പടിഘാനഞ്ച കടത്താരൂപാനം അത്ഥിപച്ചയേന പച്ചയോ. (൩)

൮൫. സപ്പടിഘോ ച അപ്പടിഘോ ച ധമ്മാ സപ്പടിഘസ്സ ധമ്മസ്സ അത്ഥിപച്ചയേന പച്ചയോ (പടിച്ചസദിസം യാവ അസഞ്ഞസത്താ). (൧)

സപ്പടിഘോ ച അപ്പടിഘോ ച ധമ്മാ അപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – അപ്പടിഘാ ഖന്ധാ ച മഹാഭൂതാ ച അപ്പടിഘാനം ചിത്തസമുട്ഠാനാനം രൂപാനം…പേ… (പടിച്ചസദിസം യാവ അസഞ്ഞസത്താ). സഹജാതോ – ചക്ഖുവിഞ്ഞാണസഹഗതോ ഏകോ ഖന്ധോ ച ചക്ഖായതനഞ്ച തിണ്ണന്നം ഖന്ധാനം…പേ… ദ്വേ ഖന്ധാ ച…പേ… കായവിഞ്ഞാണസഹഗതോ ഏകോ ഖന്ധോ ച കായായതനഞ്ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൨)

സപ്പടിഘോ ച അപ്പടിഘോ ച ധമ്മാ സപ്പടിഘസ്സ ച അപ്പടിഘസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)